ဆရာဆွေမင်း (ဓနုဖြူ) ရဲ့ ကွန့်မြူးတဲ့ဆန်းသစ်မှုများ

 ဆရာဆွေမင်း (ဓနုဖြူ) ရဲ့ ကွန့်မြူးတဲ့ဆန်းသစ်မှုများ

.

ဆရာက အများအားဖြင့် ဇာတ်လမ်းအရင်ရေးဖွဲ့လို့ နောက်မှကာတွန်းရေးဆွဲတာတာလို့ဆိုတယ်

ဒီမှာကိုယ်တိုင်စေစားရေးဖွဲ့တာလည်းရှိသလို အခြားပြည်တွင်းပြည်ပစာရေးဆရာတွေရဲ့ စာအုပ်တွေကိုမှီငြမ်းပြုထားတာ‌တွေလည်းအများအပြား

copy ကူးတာမဟုတ်ဘူးနော်

မူလဇာတ်လမ်းကို သူ့ဇာတ်ကောင်နဲ့ချိတ်ဆက်လို့ရအောင် ပြန်လည်ရေးဖွဲ့တာမျိုးပါ

ဒီတော့ဇာတ်လမ်းရဲ့ကျောရိုးက မှီငြမ်းဆိုပေမယ့်

ခြားနားတဲ့ ဇာတ်လမ်းတခုလိုဖြစ်သွားတာ ဆရာ့ရဲ့ ကွန်းမြူးတဲ့စိတ်ကူးနဲ့ ကျွမ်းကျင်မှုကြောင့်ပါ

ဆရာဆန်းသစ်ထားတဲ့ စာအုပ်များစွာထဲက ဇာတ်လမ်းတွေကိုအသာထား စကားစုလေးတခုကို ဘာသာပြန်ထားတာလေးပမာပြရင်ကိုဘဲ ဆရာ့ရဲ့ကွန့်မြူးဆန်းသစ်မှုကို မြင်သာပါလိမ့်မယ်

ဘာလဲဆိုတော့ ရန်ပုံငွေပြောက်ဆုံးမှုဆိုတဲ့ စာအုပ်မှာ 

မြို့က ‌ဆောက်လုပ်ရေးကန်ထရိုက်တာ မောင်မောင်ဇာရဲ့ ကုမ္မဏီအမည်ပါ 

ဘယ်လိုပေးထားလဲဆိုတော့ Black Sky တဲ့

ဒါကိုပုံမှန်ဘာသာပြန်ရိုးပြန်စဉ်အတိုင်းဆိုရင် ကောင်းကင်မဲကြီးလို့သာ ဖြစ်စရာရှိတာကို 

ဒါကိုဆရာက ကဗျာဆန်ဆန် ဘာသာပြန်ပြထားတာသိပ်လှတယ်

** ပြိုမှာလေလားမိုးရဲ့ ** တဲ့လေ 😁

ဒါကြောင့်ပဲ ဘာသာပြန်စာ‌အရေးများတဲ့ ဆရာမြသန်းတင့်ကိုဝေဖန်ကြတော့ စာရေးဆရာတယောက်က (ဆရာအောင်သင်းလို့ထင်တယ်) ဆရာမြဘက်ကနေ ဖြေရှင်းထားတာလေးရှိတယ်

ဘာသာပြန်တယ်ဆိုတာ ထင်သလောက်မလွယ်ပါဘူး

သက်ဆိုင်ရာဘာသာကိုသာမက မိခင်ဘာသာစကားကိုပါ ကျွမ်းကျင်နှံ့စပ်မှုရှိမှ ပြေပြစ်ကောင်းမွန်နိုင်တာမျိုးတဲ့

။

နိုင်ငံခြားကားတွေကြည့်ရင်တွေ့မှာပါ တချို့ပြန်ထားတာ စကားလုံးမပြေပြစ်ပဲသိပ်ထောင့်တော့ ကြည့်ရတာဘယ်လိုမှ အာရုံမလာဘူး

အချို့များကျတော့လည်း သူတို့ပြောတဲ့ဟုတ်ချင်မှဟုတ်မယ် ဒါပေမယ့်စိတ်ကူးအတွေးလေးတွေချဲ့ထွင်‌လို့ ပြန်ထားတာသဘောကျစရာ

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

သန်းထွန်းလေး ☆ အင်းတဲရွာ