သန်းထွန်းလေး ☆ အင်းတဲရွာ
Than Tun Lay .INDE
Sunday, May 10, 2026
ဆရာဆန်းလွင် - လူတို့ကိုးကွယ်ရာဘာသာကြီးများ
ဆရာဆန်းလွင် (၁၉၄၈-၂၀၀၂)
အရှင်အာဒိစ္စရံသီ
Thursday, May 7, 2026
Wednesday, May 6, 2026
မင်္ဂလာပါ လို့ စတင်နှုတ်ခွန်းဆက်စေခဲ့သူ
ဒေါက်တာမောင်ဖြူး ( တန်ဂွမ်လျောင် (၁၉၀၅-၁၉၇၀)
ဆရာကြီး၏ အတ္ထုပ္ပတ္တိအကျဥ်း
♥♥♥♥♥♥♥♥♥♥♥
ဟုတ်ကဲ့ မင်္ဂလာပါဗျာ
ဒီစကားရဲ့အဓိပ္ပါယ်ကတော့
ကောင်းခြင်းအဖြာဖြာပြည့်စုံပါစေ
ကောင်းသောအခြင်းအရာများ ဖြစ်ပွားပါစေ
ကောင်းသောဘဝပိုင်ဆိုင်နိုင်ပါစေကြောင်း နှုတ်ခွန်းဆက်တဲ့ စကားဖြစ်ပါတယ်
ဒီဝေါဟာရလေး အသုံးတွင်အောင် တိုက်တွန်းလှုံ့ဆော်ခဲ့သူက
ဆရာကြီး ဒေါက်တာမောင်ဖြူးပါ
တယောက်နဲ့တယောက် တွေ့ဆုံချိန် နှုတ်ခွန်းဆက်စကားဆိုရာမှာ
တချိန်က မြန်မာဟာ ကိုယ်ပိုင်စကားမရှိသေးပဲ
အင်္ဂလိပ်တို့ရဲ့ good morning ကိုယူပြီး
ကောင်းသောနံနက်ခင်းပါ ဆိုပြီး သုံးနှုံးခဲ့ကြတယ်လို့ ဆိုပါတယ်
ကိုယ့်အနီးအနားတိုင်းပြည်တွေမှာလည်း နှုတ်ခွန်းဆက်စကားအသီးသီးရှိနေကြတယ်လေ
ထိုင်းဆိုရင် ဆဝတီခပ်
အိန္ဒိယဆိုရင် နာမစတေး
ကိုရီးယားဆိုရင် အညာဆေယော
ဂျပန်ဆိုရင် အရီဂတ်တိုဂိုဇိုင်းမတ် စသည် စသည်ဖြင့်ပေါ့
ဒီတော့ မြန်မာကိုယ်စားပြုအနေနဲ့
ကိုယ်ပိုင်စကားတခုသုံးစွဲဖို့ ကြံဆခဲ့တယ်
ဒီလိုနဲ့ မင်္ဂလာပါဆိုတဲ့ နှုတ်ခွန်းဆက်စကား ဖြစ်ပေါ်လာရတာပါ
♥♥♥♥♥♥♥♥♥♥♥♥♥♥♥
ဆရာကြီး၏ အတ္ထုပ္ပတ္တိအကျဥ်း
...................................
ဆရာကြီးကို ပဲခူးတိုင်း ပဲနွယ်ကုန်းမြို့အဘဦးအောင်ညွန့် အမိဒေါ်ချောတို့မှ
၁၉၀၅ခုနှစ်တွင်ဖွားမြင်သည်
ငယ်အမည်မှာ ''ဂွမ်လျောင်"ဖြစ်ပါတယ်
တရုတ်နွယ်ဖွားဖြစ်ပြီး မျိုးရိုးက တန် ဖြစ်ပါတယ်
ဒါကြောင့် "တန်ဂွမ်လျောင်" လို့ခေါ်ပါတယ်
မိဘများပြောင်းရွေ့အခြေချသည့် ငယ်ဘဝဖြတ်သန်းရာ
ဖြူးမြို့ကိုအစွဲပြုပြီး ဒေါက်တာမောင်ဖြူး လို့ မှည့်တွင်ခဲ့ပါတယ်
ငယ်စဥ်မှာပဲ ဖခင်ဆုံးပါးခဲ့သည်
မွေးရပ် ဦးပဲနွယ် အမည်ဖြင့်ကလောင်ယူလိုသော်လည်း အခေါ်ခက်မည်စိုး၍ ဦးပန်းနွယ် ဆိုသော ကလောင်အမည်ဖြင့်လည်း စာပေရေးသားခဲ့ပါတယ်
ကျွန်တော်တို့ငယ်ငယ်က အငယ်တန်းဖတ်စာမှာပါတဲ့
မောင်ရေခဲတို့ မရွှေဖဲတို့ ကဗျာတွေက ဆရာကြီးရေးထားတာတွေပါ
၁၉၄၇ ခုနှစ်မှာ အမေရိကန်နိုင်ငံ ကယ်လီဖိုးနီးယား တက္ကသိုလ်မှာ
ပါရဂူဘွဲ့ရတဲ့ ပထမဦးဆုံးသော မြန်မာနိုင်ငံသားဖြစ်ပါတယ်
----------------------------------------------
မူကွဲများ
....
အချို့ကလည်း မင်္ဂလာပါလို့ နှုတ်ခွန်းဆက်သတဲ့ဓလေ့က
ရှေးယခင်ကတည်းက ရှိနေပြီးသားဖြစ်ပြီး
အသုံးမတွင်သေးတာ မကျယ်ပြန့်သေးတာပါလို့ ဆိုပါတယ်
အချို့ကလည်း ၁၉၄၇-၅၀ခုနှစ်တွင် ဆရာကြီးဟာ
ရန်ကုန်ဆရာဖြစ်သင်တန်းကျောင်းမှာ မြန်မာစာကထိကအဖြစ်ဆောင်ရွက်စဉ်
ဆရာနှင့်တပည့်များ မင်္ဂလာပါ ဟုနှုတ်ခွန်းဆက်ရန် တိုက်တွန်းခဲ့သူသာဖြစ်ပြီး
အသစ်တီထွင်ဖန်တီးသူမဟုတ်ကြောင်းလည်း ဆိုပါတယ်
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
မိတ်ကောင်းဆွေကောင်း
။။
ကျွန်တော်တို့က သူငယ်ချင်း မိတ်ဆွေဆိုတဲ့ ပေါင်းသင်းဆက်ဆံရေးတွေနဲ့ပတ်သက်လို့ မျှော်လင့်ချက်အချို့ရှိတတ်ကြတယ်
ကိုယ့်အခက်အခဲကို ကူညီညာဖြေရှင်းပေးဖို့ လိုလားတောင့်တကြတာမျိုး ဒီလောက်ကြီးမဟုတ်တောင် အနည်းဆုံးတော့ ကိုယ့်ခံစားချက်တွေကို ဝေမျှနိုင်ဖို့ဖြစ်ဖြစ်လောက်ပေါ့
ရွိုင်ဇာရဲ့ ကမ္ဘာကျော်အဆိုအမိန့်တခုရှိတယ်
ကိုယ်လျှောက်မယ့်လမ်းပေါ်က ဆူးညှောင့်ခလုတ်တွေကို အခြားသူတွေကလာရှင်းပေးဖို့ မတောင့်တအပ်ဘူး မမျှော်လင့်အပ်ဘူး ဆူးညောင်းခလုပ်ကန်သင်းအတားအစီးတွေလာချမထားရင်ပဲ ကျေးဇူးတင်သင့်တယ်တဲ့
ဟုတ်သားပဲဗျနော် လူဆိုတဲ့သတ္တဝါဟာ ကိုယ်စီဒုက္ခတွေနဲ့ ရုန်းကန်ရှင်သန်ရသူချည်းပါ
ဒီထဲကမှ ငါဗဟိုပြုဝါဒနဲ့ ကိုယ့်အရေးအရာကိုယ့်ပြဿနာသာမဟာထင်လို့ ပတ်ဝန်းကျင်အသိုင်းအဝိုင်း အပေါင်းအသင်းမိတ်ဆွေတွေက ဝိုင်းဝန်းဖြေရှင်းပေစေချင်တာ သိပ်အတ္တဆန်နေမလားပဲ
တကယ်တော့ ရွိုင်ဇာဆိုခဲ့သလို ကိုယ်လျှောက်မယ့်လမ်းမှာ အတားအစီးတွေလာမချရင်ဘဲ မဆိုးလှဘူးရယ်လို့ဆိုနိုင်ကောင်းတယ်ဟုတ်
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
Tuesday, May 5, 2026
နိဗ္ဗာန်
နိဗ္ဗာန်
။
ဘာသာတရားတို့ရဲ့ အဆုံးပန်းတိုင် အန္တိမရည်ရွယ်ချက်နဲ့ပတ်သက်ရင် သေလွန်ပြီးနောင်မှ ခံစားရယူနိုင်တာမျိုးအဖြစ်တည်ရှိနေတာများတယ်ဟုတ်
ဥပမာ ထာဝရကောင်းကင်ဘုံတို့ ထာဝရဝိညာဉ်တော်နဲ့ပေါင်းဖက်မှုတို့ မဟာဗြဟ္မာကြီးထံရောက်ရှိမှုတို့ စသည်ဖြင့်ပေါ့
ဗုဒ္ဓဘာသာရဲ့ နိဗ္ဗာန်ကိုလည်း ဘာသာဝင်များကိုယ်တိုင်က ထိုကဲ့သို့ သေလွန်မှစံဝင်နိုင်မယ့်နေရာအဖြစ် မှတ်ယူကောင်းယူနိုင်တယ်
အမှန်တော့ဒီလိုမဟုတ်ဘူးဗျ
ဂေါတမဗုဒ္ဓဟာ ငါတွေ့ရှိခဲ့တဲ့လမ်းစဉ်အတိုင်း သင်လည်းလိုက်ပါကျင့်ကြံကြည့်ပါ ငါပြောတဲ့ ငါတွေ့တဲ့ နိဗ္ဗာန်ဆိုတာ သေပြီးနောက်မှ ရောက်မယ့်ရမယ့်ခံစားရမယ့်အရာမဟုတ်ဘူး မသေချာတဲ့ သင်မသိနိုင်တဲ့အရာတွေနဲ့ မက်လုံးပေးဖျားယောင်းတာမဟုတ်ဘူး ဒီဘဝဒီခန္ဓာနဲ့ပဲ သင်ကိုယ်တိုင်လက်တွေ့မျက်တွေ့ ထိတွေ့ခံစားနိုင်မယ်ဆိုတာ အာမခံတယ်တဲ့
သွာက္ခာတော ဘဂဝတာ ဓမ္မော
သန္ဒိဋ္ဌိကော
အကာလိကော
ဧဟိပဿိကော
ဩပနေယျိကော
ပစ္စတ္တံ ဝေဒိတဗ္ဗော ဝိညူဟိ။ ဆိုတာလေ
ဒါကိုတရားဂုဏ်တော်လို့ခေါ်တယ် အမှန်တော့ ဘုရားက သူ့စကားနဲ့ပတ်သက်ပြီးအာမခံတဲ့သဘောပါ ငါပြောတဲ့အတိုင်းလုပ်ကြည့် ငါပြောတဲ့အေးငြိမ်းချမ်းသာကို မင်းလည်းလက်တွေ့မျက်တွေ့ သိမြင်ခံစားနိုင်မယ်ဆိုတာ အာမခံတယ်ဆိုတဲ့သဘောပါ
နိဗ္ဗာန်ဆိုတာက သီးခြားဘုံဌာနမဟုတ်ဘဲ ဝါနဆိုတာက တပ်မက်မှုတဏှာ နိဆိုတာက ကင်းဆိတ်တာ ချုပ်ငြိမ်းတာ ပယ်သတ်နိုင်တာ ဒီတော့ ဒီကိလေသာအနှောင်အဖွဲ့တို့ ဖယ်ခွာလို့ ပကတိတည်ငြိမ် အေးချမ်းတဲ့ သန္တတိသုခကိုပြောတာပါ
ဒါကြောင့်ပဲစာတွေမှာ ဘုရားလက်ထက်က ရဟန္တာတွေကိုတွေ့မှာပေါ့ ဆွမ်းကိစ္စပြီးတာနဲ့ တပါးတည်းဆိတ်ငြိမ်ရာချဉ်းကပ် အရဟတ္တမဂ်ဖိုလ်ဝင်စားလို့ ချမ်းသာစွာနေတယ်ဆိုတာလေ
ဒါကပြောရမယ်ဆိုရင် လက်ရှိဘဝလက်ရှိခန္ဓာနဲ့ နိဗ္ဗာန်ကိုစံဝင်တဲ့သဘော နိဗ္ဗာန်ရဲ့အရသာကိုထိတွေ့ခံစားတဲ့သဘောလို့ဆိုရမှာပါ့
ပြောရမယ်ဆိုရင် ဗုဒ္ဓဘာသာရဲ့ နိဗ္ဗာန်ဆိုတာက သေလွန်မှသာရမယ့် ရောက်မယ့်အရာအဖြစ် ရောက်မရောက်ရမရကိုယ်မသိနိုင်တဲ့အရာနဲ့ မက်လုံးပေးစွဲဆောင်တဲ့အရာမဟုတ်ဘူးလို့ဆိုချင်တာပါ
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
Monday, May 4, 2026
ကျွန်စိတ် (ငတိုလှိုင်ရဲ့အဆုံးသတ် / ၅၂)
ကျွန်စိတ် (ငတိုလှိုင်ရဲ့အဆုံးသတ် / ၅၂)
.
ဗုဒ္ဓဒေသနာမှာရှိတယ် အတ္တဟိအတ္တနော နာထော တဲ့
ဘာသာပြန်တော့ မိမိကိုယ်သာကိုးကွယ်ရာတဲ့
ဆိုလိုတာက မိမိကြုံတွေ့ရတဲ့အခက်အခဲအတားအစီးတွေကို မိမိရဲ့ဉာဏ်ဝီရိယတို့နဲ့စိုက်ထုတ်ဖြေရှင်းဖို့ပါ ဒါမှမိမိစွမ်းရည်အရည်အချင်းက မိမိအတွက်ကိုးရာဖြစ်လာမှာပေါ့
ခေတ်စားခဲ့တဲ့သီချင်းတပုဒ်လို
ကိုယ့်အားကိုယ်ကိုးမှ ကိုယ်သာသခင်ဖြစ်မယ်ပေါ့
အကယ်၍သူတပါးအကူအညီနဲ့ဖြေရှင်းလို့ ပြဿနာပြေလည်သွားတယ်ဆိုပါတော့ အဲ့ဒါကယာယီပြေလည်ခြင်းသဘောသက်သက်မျှသာဖြစ်ပြီး ကိုယ်တိုင်ဖြေရှင်းကျော်ဖြတ်ခဲ့တာမဟုတ်လေတော့ အလားတူပြဿနာနောက်တခါကြုံတွေ့ရချိန်မှာလည်း ကိုယ်တိုင်မဖြေရှင်းတတ်သေးဘဲ အကူအပံ့ကိုမျှော်လင့်နေရပြန်တာပဲ အားကိုရာရှာရပြန်တာပဲမဟုတ်လား
ကျွန်တော်တို့ရဲ့ ကိုလိုနီလွတ်လပ်ရေးကိုဦးဆောင်ခဲ့ကြတဲ့ လူငယ်တွေကိုကြည့်လေ တပါးအားကိုးနဲ့ပြဿနာကိုရင်ဆိုင်တော့ အောင်နိုင်လို့တော့သွားပေမယ် အစစ်အမှန်အောင်နိုင်မှုကိုမရဘူး ဒီတော့ဂျပန်ကိုပြန်တိုက်ရပြန်တယ် နောက်ဆုံး သခင်စိတ်သန်သန်နဲ့ ကိုယ့်အားကိုယ်ကိုးလိုက်မှ အစစ်အမှန်အောင်နိုင်ခြင်းကို ခံစားခဲ့ကြရတာမဟုတ်လား
နောက်ပိုင်းမတော့ ဒီ ထက်သန်နေတဲ့သခင်စိတ်ကို စစ်အာဏာရှင်အဆက်ဆက်ပြန်လည်းချိုးနှိမ်ခဲ့ကြတယ် ဒါကအထိုက်အလျှောက်လည်းအောင်မြင်မှုရသွားတယ်လို့ဆိုနိုင်ပါတယ်
ဘာကြောင့်ဒီလိုပြောရလဲဆိုတော့ ငတိုလှိုင်အာဏာသိမ်းစက ဟိုကလာကူမလို့ ဒီကလာဖြေရှင်းပေးမလို သူရဲကောင်းမျှော်ဝါဒသဘော မျှော်လင့်တောင်းတခဲ့ကြသေးတာမဟုတ်လား
တနည်းအားဖြင့်ဒါက ကျွန်စိတ်ပါ
လူထုအကြားအာဏာရှင်တွေ ရှင်သန်စေချင်အရာပေါ့
ခုလည်းကြည့်လေ စစ်အာဏာရှင်ကိုတန်ပြန်အနိုင်ယူဖို့ကိစ္စမှာ ငါတို့အရေးအရာ ငါတို့အနာဂါတ်နဲ့ဆိုင်တဲ့အရေးမို့ ကိုယ်နိုင်ရာနိုင်ရာစုပေါင်းဖြေရှင်းကြမယ်မတွေးဘဲ မပါဝင်ဘဲ NUG ရဲ့အလုပ်သက်သက် PDF တွေပဲယူပေးရမယ့်အရာ သူတို့နဲ့သာဆိုင်တဲ့ဝတ္တရားတခုလိုယူဆ ကိုယ့်လည်းပါရမယ့်ဝန်တာကိုမယူဘဲ သူတို့ပုခုံးပေါ်ချည်းပစ်တင်တာ
ဒါတွေကကျွန်စိတ်ပဲမဟုတ်လား
ဒါကြောင့် ဂေါတမဗုဒ္ဓ ပြောခဲ့တဲ့ အတ္တဟိအတ္တနော နာထော ဆိုတဲ့အတိုင်း သခင်စိတ်ပျိုးထောင်ကြပါစို့လို့ တိုက်တွန်းချင်တာပါ
.
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
သန်းထွန်းလေး (အင်းတဲရွာ)
ဆရာဆန်းလွင် - အိုင်းစတိုင်း
YouTube မှာ နားစဉ်ရန်နှိုပ်ပါ YouTube မှာ နားစဉ်ရန်နှိုပ်ပါ ဆရာဆန်းလွင် (၁၉၄၈-၂၀၀၂) အရှင်အာဒိစ္စရံသီ
-
#ႀတိစကၠစာအုပ္မ်ား (၄၁) အုပ္ပါခဗ်ာ (၁)ႀတိစကၠ ဆယ့္ႏွစ္ႀကိဳးေမွာ္ရံု http:// www.mediafire.com /download/p1bc9b3kera4yth/ႀတိစကၠ_ဆယ့္ႏွစ္ႀကိဳး...
-
အရိုး စာအုပ္မ်ားစုစည္းမႈ ( ၁၀ )အုပ္ပါခဗ်ာ ၁။ဇီတာ http:// www.mediafire.com /download/pq84w3qtry49n4x/106_AYoe_ZiTar.pdf ၂။ေျခတစ္လွမ္းမွ ...
