ဆရာဆန်းလွင် - ကမ္ဘာ့တွေးခေါ်ရှင်ကြီးများ

 YouTube မှာ နားစဉ်ရန်နှိုပ်ပါ

နိဗ္ဗာန်

 နိဗ္ဗာန်

။

ဘာသာတရားတို့ရဲ့ အဆုံးပန်းတိုင် အန္တိမရည်ရွယ်ချက်နဲ့ပတ်သက်ရင် သေလွန်ပြီးနောင်မှ ခံစားရယူနိုင်တာမျိုးအဖြစ်တည်ရှိနေတာများတယ်ဟုတ် 

ဥပမာ ထာဝရကောင်းကင်ဘုံတို့ ထာဝရဝိညာဉ်တော်နဲ့ပေါင်းဖက်မှုတို့ မဟာဗြဟ္မာကြီးထံရောက်ရှိမှုတို့ စသည်ဖြင့်ပေါ့

ဗုဒ္ဓဘာသာရဲ့ နိဗ္ဗာန်ကိုလည်း ဘာသာဝင်များကိုယ်တိုင်က ထိုကဲ့သို့ သေလွန်မှစံဝင်နိုင်မယ့်နေရာအဖြစ် မှတ်ယူကောင်းယူနိုင်တယ်

အမှန်တော့ဒီလိုမဟုတ်ဘူးဗျ

ဂေါတမဗုဒ္ဓဟာ ငါတွေ့ရှိခဲ့တဲ့လမ်းစဉ်အတိုင်း သင်လည်းလိုက်ပါကျင့်ကြံကြည့်ပါ ငါပြောတဲ့ ငါတွေ့တဲ့ နိဗ္ဗာန်ဆိုတာ သေပြီးနောက်မှ ရောက်မယ့်ရမယ့်ခံစားရမယ့်အရာမဟုတ်ဘူး မသေချာတဲ့ သင်မသိနိုင်တဲ့အရာတွေနဲ့ မက်လုံးပေးဖျားယောင်းတာမဟုတ်ဘူး ဒီဘဝဒီခန္ဓာနဲ့ပဲ သင်ကိုယ်တိုင်လက်တွေ့မျက်တွေ့ ထိတွေ့ခံစားနိုင်မယ်ဆိုတာ အာမခံတယ်တဲ့

သွာက္ခာတော ဘဂဝတာ ဓမ္မော

သန္ဒိဋ္ဌိကော

အကာလိကော

ဧဟိပဿိကော

ဩပနေယျိကော

ပစ္စတ္တံ ဝေဒိတဗ္ဗော ဝိညူဟိ။ ဆိုတာလေ 

ဒါကိုတရားဂုဏ်တော်လို့ခေါ်တယ် အမှန်တော့ ဘုရားက သူ့စကားနဲ့ပတ်သက်ပြီးအာမခံတဲ့သဘောပါ ငါပြောတဲ့အတိုင်းလုပ်ကြည့် ငါပြောတဲ့အေးငြိမ်းချမ်းသာကို မင်းလည်းလက်တွေ့မျက်တွေ့ သိမြင်ခံစားနိုင်မယ်ဆိုတာ အာမခံတယ်ဆိုတဲ့သဘောပါ

နိဗ္ဗာန်ဆိုတာက သီးခြား‌ဘုံဌာနမဟုတ်ဘဲ ဝါနဆိုတာက တပ်မက်မှုတဏှာ နိဆိုတာက ကင်းဆိတ်တာ ချုပ်ငြိမ်းတာ ပယ်သတ်နိုင်တာ ဒီတော့ ဒီကိလေသာအနှောင်အဖွဲ့တို့ ဖယ်ခွာလို့ ပကတိတည်ငြိမ် အေးချမ်းတဲ့ သန္တတိသုခကိုပြောတာပါ

ဒါကြောင့်ပဲစာတွေမှာ ဘုရားလက်ထက်က ရဟန္တာတွေကိုတွေ့မှာပေါ့ ဆွမ်းကိစ္စပြီးတာနဲ့ တပါးတည်းဆိတ်ငြိမ်ရာချဉ်းကပ် အရဟတ္တမဂ်ဖိုလ်ဝင်စားလို့ ချမ်းသာစွာနေတယ်ဆိုတာလေ

ဒါကပြောရမယ်ဆိုရင် လက်ရှိဘဝလက်ရှိခန္ဓာနဲ့ နိဗ္ဗာန်ကိုစံဝင်တဲ့သဘော နိဗ္ဗာန်ရဲ့အရသာကိုထိတွေ့ခံစားတဲ့သဘောလို့ဆိုရမှာပါ့

ပြောရမယ်ဆိုရင် ဗုဒ္ဓဘာသာရဲ့ နိဗ္ဗာန်ဆိုတာက သေလွန်မှသာရမယ့် ရောက်မယ့်အရာအဖြစ် ရောက်မရောက်ရမရကိုယ်မသိနိုင်တဲ့အရာနဲ့ မက်လုံးပေးစွဲဆောင်တဲ့အရာမဟုတ်ဘူးလို့ဆိုချင်တာပါ

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

ကျွန်စိတ် (ငတိုလှိုင်ရဲ့အဆုံးသတ် / ၅၂)

 ကျွန်စိတ် (ငတိုလှိုင်ရဲ့အဆုံးသတ် / ၅၂)

.

ဗုဒ္ဓဒေသနာမှာရှိတယ် အတ္တဟိအတ္တနော နာထော တဲ့

ဘာသာပြန်တော့ မိမိကိုယ်သာကိုးကွယ်ရာတဲ့ 

ဆိုလိုတာက မိမိကြုံတွေ့ရတဲ့အခက်အခဲအတားအစီးတွေကို မိမိရဲ့ဉာဏ်ဝီရိယတို့နဲ့စိုက်ထုတ်ဖြေရှင်းဖို့ပါ ဒါမှမိမိစွမ်းရည်အရည်အချင်းက မိမိအတွက်ကိုးရာဖြစ်လာမှာပေါ့ 

ခေတ်စားခဲ့တဲ့သီချင်းတပုဒ်လို 

ကိုယ့်အားကိုယ်ကိုးမှ ကိုယ်သာသခင်ဖြစ်မယ်ပေါ့

အကယ်၍သူတပါးအကူအညီနဲ့ဖြေရှင်းလို့ ပြဿနာပြေလည်သွားတယ်ဆိုပါတော့ အဲ့ဒါကယာယီပြေလည်ခြင်းသဘောသက်သက်မျှသာဖြစ်ပြီး ကိုယ်တိုင်ဖြေရှင်းကျော်ဖြတ်ခဲ့တာမဟုတ်လေတော့ အလားတူပြဿနာနောက်တခါကြုံတွေ့ရချိန်မှာလည်း ကိုယ်တိုင်မဖြေရှင်းတတ်သေးဘဲ အကူအပံ့ကိုမျှော်လင့်နေရပြန်တာပဲ အားကိုရာရှာရပြန်တာပဲမဟုတ်လား

ကျွန်တော်တို့ရဲ့ ကိုလိုနီလွတ်လပ်ရေးကိုဦးဆောင်ခဲ့ကြတဲ့ လူငယ်တွေကိုကြည့်လေ တပါးအားကိုးနဲ့ပြဿနာကိုရင်ဆိုင်တော့ အောင်နိုင်လို့တော့သွားပေမယ် အစစ်အမှန်အောင်နိုင်မှုကိုမရဘူး ဒီတော့ဂျပန်ကိုပြန်တိုက်ရပြန်တယ် နောက်ဆုံး သခင်စိတ်သန်သန်နဲ့ ကိုယ့်အားကိုယ်ကိုးလိုက်မှ အစစ်အမှန်အောင်နိုင်ခြင်းကို ခံစားခဲ့ကြရတာမဟုတ်လား

နောက်ပိုင်းမတော့ ဒီ ထက်သန်နေတဲ့သခင်စိတ်ကို စစ်အာဏာရှင်အဆက်ဆက်ပြန်လည်းချိုးနှိမ်ခဲ့ကြတယ် ဒါကအထိုက်အလျှောက်လည်းအောင်မြင်မှုရသွားတယ်လို့ဆိုနိုင်ပါတယ် 

ဘာကြောင့်ဒီလို‌ပြောရလဲဆိုတော့ ငတိုလှိုင်အာဏာသိမ်းစက ဟိုကလာကူမလို့ ဒီကလာဖြေရှင်းပေးမလို သူရဲကောင်းမျှော်ဝါဒသဘော မျှော်လင့်တောင်းတခဲ့ကြသေးတာမဟုတ်လား

တနည်းအားဖြင့်ဒါက ကျွန်စိတ်ပါ

လူထုအကြားအာဏာရှင်တွေ ရှင်သန်စေချင်အရာပေါ့

ခုလည်းကြည့်လေ စစ်အာဏာရှင်ကိုတန်ပြန်အနိုင်ယူဖို့ကိစ္စမှာ ငါတို့အရေးအရာ ငါတို့အနာဂါတ်နဲ့ဆိုင်တဲ့အရေးမို့ ကိုယ်နိုင်ရာနိုင်ရာစုပေါင်းဖြေရှင်းကြမယ်မတွေးဘဲ မပါဝင်ဘဲ NUG ရဲ့အလုပ်သက်သက် PDF တွေပဲယူပေးရမယ့်အရာ သူတို့နဲ့သာဆိုင်တဲ့ဝတ္တရားတခုလိုယူဆ ကိုယ့်လည်းပါရမယ့်ဝန်တာကိုမယူဘဲ သူတို့ပုခုံးပေါ်ချည်းပစ်တင်တာ  

ဒါတွေကကျွန်စိတ်ပဲမဟုတ်လား 

ဒါကြောင့် ဂေါတမဗုဒ္ဓ ပြောခဲ့တဲ့ အတ္တဟိအတ္တနော နာထော ဆိုတဲ့အတိုင်း သခင်စိတ်ပျိုးထောင်ကြပါစို့လို့ တိုက်တွန်းချင်တာပါ

.

.

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

အိုင်းစတိုင်း - ဆရာဆန်းလွင်

 

YouTube မှာ နားစဉ်ရန်နှိုပ်ပါ

အာသေဝနပစ္စည်း

 အာသေဝနပစ္စည်း

.

တခါတခါ အချို့စကားလုံးတွေက ဘာသာစကားအတားအစီးကြောင့် အနှစ်သာရကိုမဖမ်းဆုပ်နိုင်ဘဲ အသားလွတ်ကြောက်တာ အထင်ကြီးတာ အထင်သေးတာမျိုးဖြစ်တတ်ပါတယ်

ကျနော်တို့နိုင်ငံမှာဆိုရင် ဗုဒ္ဓဘာသာဝင်များအဖို့ ပစ္စယနိဒေသဆိုတဲ့ ၂၄ ပစ္စည်းက စကားလုံးတွေဆိုရင် အားလုံးနည်းပါးအလွတ်လည်းရသလို အစွမ်းရှိတဲ့ တန်ခိုးကြီးတဲ့စကားစုတွေအဖြစ်မှတ်ယူလို့ ကရော်ကမယ်မပြုရဲဘဲ မဖတ်ရဲဘဲ စိတ်မှာ အထူးတလည်းအလေးအမြတ်ပြုထားတတ်ကြတယ်ဟုတ်

အမှန်တော့ အလွန်လျှင်မြန်စွာဖြစ်ပေါ်နေတဲ့ စိတ်ရဲ့ဖြစ်စဉ်နဲ့ ထိုစိတ်ရဲ့စွမ်းရည်ကို အသေးစိတ်ရှင်းပြထားတဲ့သဘောပါ ထားတော့

ဒီ အာသေဝနပစ္စယ ဆိုတာက အဖန်တလဲလဲပြုတာ 

ဒါရဲ့အကျိုးက အရှိန်အဟုန်ကိုဖန်တီးလို့ ပိုမိုအားကောင်းလာစေတာပါ

ဥပမာ ဒေါသဖြစ်တယ်ဆိုပါတော့ ပထမဖြစ်စက သိပ်အရှိန်အဟုန်မရှိပေမယ့် ပြောရင်းပြောရင်း တွေးရင်းတွေးရင်း တဆတ်ဆတ်တုန်လာသည်အထိ အရှိန်အဟုန်ပြင်းထန်လာတာမျိုး 

ခက်ခဲတဲ့စာကို ပုစ္ဆာကို ပထမတခေါက်ဖတ်တယ် သိပ်နားမလည် နောက်တခေါက် နောက်တခေါက် နောက်တခေါက် ထပ်ဖန်တလဲလဲပြုဖန်များလာချိန်မှာ ထိုပုစ္ဆာကိုအလွယ်တကူနားလည်လာတယ် ထို့အသိခက်တဲ့စာကို နားလည်လာတယ် 

ပြောလိုတာက အာသေဝနပစ္စယောဆိုတာက ဖြစ်ပေါ်လာတဲ့အာရုံကို စိတ်မှာပေါ်လာအောင် ပုံရိပ်ပြတ်သား အားကောင်းလာအောင် အဖန်ဖန်တင်ပေးတာမျိုးပေါ့

ဒါက ကျွန်တော်တို့ရွတ်ဆိုနေတဲ့ ၂၄ပစ္စည်းထဲက ပစ္စယနိဒ္ဒေသတခုရဲ့ ကျွန်တော်နားလည်မိတဲ့သဘောသဘာဝပါ

.

.

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

နိုဘယ်ဆုရှင် နိုင်ငံ့ဥသျှောင်ကိုတောင် နိုင်ငံငယ်လေးက လူမိုက်သေးသေးလေးက ပေါ်တင်သေနတ်ပြချိန်းခြောက်ပြန်ပေးဆွဲခွင့်ရတဲ့ ကမ္ဘာကြီးမှာ ကျွန်နော်တို့နေပါတယ်

နိုဘယ်ဆုရှင် နိုင်ငံ့ဥသျှောင်ကို နိုင်ငံငယ်လေးက အယုတ္တမာ လေးက 

ဇာတ်ထဲကလူမိုက်အထာနဲ့ ပေါ်တင်ပြန်ပေးဆွဲခွင့်ရတဲ့ ကမ္ဘာကြီးမှာ ကျနော်တို့နေပါတယ်

နိုဘယ်ဆုရှင် နိုင်ငံ့ဥသျှောင်ကိုတောင် နိုင်ငံငယ်လေးက လူမိုက်သေးသေးလေးက ပေါ်တင်သေနတ်ပြချိန်းခြောက်ပြန်ပေးဆွဲခွင့်ရတဲ့ ကမ္ဘာကြီးမှာ ကျွန်နော်တို့နေပါတယ်

ဆရာဆွေမင်း (ဓနုဖြူ)ရဲ့ မြိုင်ရာဇာတွတ်ပီ စာအုပ်တွေထဲက တအုပ်တည်းသာရှိတဲ့ အထူးခြားဆုံးဇာတ်လမ်း

 ဆရာဆွေမင်း (ဓနုဖြူ)ရဲ့ မြိုင်ရာဇာတွတ်ပီ စာအုပ်တွေထဲက တအုပ်တည်းသာရှိတဲ့ အထူးခြားဆုံးဇာတ်လမ်း

.

ဆရာတွတ်တို့ ဆရာတပည့်နှစ်ယောက် တောတက်အမဲလိုက်တာ မဆန်းဘူးမို့လား မုဆိုးကိုး

အဲ.. ခရီးထွက်တယ်ဆိုရင်တော့ နည်းနည်းထူးနေပြီဟုတ် ဆယ်အုပ်တအုပ်လောက်ကိုး

ဒီထဲကမှ ရေလမ်းခရီးပင်လယ်ပြင်ကိုထွက်တယ်ဆိုရင် တော်တော့်ကိုထူး‌နေပြီပေါ့ အုပ်သုံးဆယ်မှ တအုပ်လောက်တွေ့ရတာမဟုတ်လား

အဖော်အဖြစ် စောကြီးလည်းပါတယ်ဆိုရင် 

တွေ့တတ်တာပဲအဆန်းမှမဟုတ်တာလိုဆိုမှာပေါ့

မသေးမျှင်ပါတယ်ဆိုရင်တော့ သူလည်းပါတတ်တာပဲလို့တွေးမိတိုင်စေ နည်းနည်းဆန်းနေပြီလို့ တွေးနေလောက်တယ်ဟုတ်

အမြဲမယားအနားကမခွာတဲ့ အာနိုးလှမိုးကြီးပါ ခရီးစဉ်ကိုလိုက်ပါတယ်ဆိုရင် 😯 အတော့်ကိုထူးနေပဟလို့ ရေရွတ်ရင်း အံ့ဩနေလောက်တယ် 

နေအုံး နေအုံး ဒီလောက်နဲ့အံ့ဩနေရင် ငွေမရရင် ပါးစပ်တောင်ဟပြီးလေမထုတ်တတ်တဲ့ ပီဘိစီးပွားရေးသမားတရုတ်ကလေးအတီးပါ ဒီခရီးစဉ်မှာဆရာတွတ်တို့နဲ့အတူ လိုက်ပါခရီးထွက်ခဲ့တယ်လို့ပြောလိုက်ရင် 😁 လဲပါသေသွားလောက်တယ် 

ဆရာဆွေမင်း (ဓနုဖြူ) ရေဆွဲခဲ့သမျှထဲက 

အုပ်ငါးဆယ်မှာတအုပ် 

မဟုတ်သေးဘူး အုပ်ရာတအုပ် 

မဟုတ်သေးဘူး မဟုတ်သေးဘူး 

ဆရာရေးဆွဲခဲ့သမျှထဲ ဒီလူတွေနဲ့အတူ ဒီလိုပင်လယ်ဖြတ်သန်းခရီးသွားတာ ဒီတအုပ်သာရှိတာပါ

ဒါ့ကြောင့်ဒီစာအုပ်ကိုညွှန်းတာပါ 

အမည်က "သန္တာကျွန်း" တဲ့

.

.

ညွှန်းဆိုခဲ့တဲ့အဆိုပါ စာအုပ်တွေကို ဒို့ခေတ်ယူကျုချန်နယ်မှာ အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်

လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော

။

။

ဒါမှမဟုတ် စာအုပ်ဝယ်ဖတ်မယ်ဆိုရင်လည်း ‌ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

ဆရာအကြည်တော်ရဲ့ ငုံး " ဆိုသောစာအုပ်နဲ့အတွေးစ

 ဆရာအကြည်တော်ရဲ့ ငုံး " ဆိုသောစာအုပ်နဲ့အတွေးစ

.

ဆရာအကြည်တော်ကိုတန်ဖိုးရှိတဲ့စာတွေမရေးဘူးလားဆိုတော့ လောကမှာပျော်ရွှင်ခြင်းထက် တန်ဖိုးကြီးတာဘာရှိအုံးမှာလဲတဲ့ 

ဒီယုံကြည်ချက်ကို စွဲစွဲမြဲမြဲကျင့်သုံးတာမို့ ဆရာ့စာတွေက ဒုက္ခကိုဖော်ကျူးတာဖြစ်နေရင်တောင် ပေါ့ပေါ့ပါးပါးနဲ့ ဖတ်သူခံစားသူအတွက် လေးလေးပင်ပင်မဖြစ်စေဘူး

နောက်ပိုင်းတော့ ဟာသကိုလွန်ကဲတဲ့ဖော်ကျူးမှုတွေကြောင့် ပေါ့တယ်ပေါတယ်လို့ ယူဆကြတိုင်စေ ပရိတ်သတ်တို့အတွက်တော့ သဲကြောထဲမှာရွှေရှာသလို တပွင့်ဆိုဆိုသလောက် တင်္ဂဘဝအမောဖြေဖို့ ပေါ့ပေါ့ပါးပါးရယ်ရွှင်ရင်းက ရုတ်ချည်းလေးနက်တဲ့ ဘဝအသိအတွေးတွေကို ခံစားမိစေတာမို့ လက်လွတ်မခံနိုင်အောင်ပါပဲ

ဆိုခဲ့သလို့ ဒီ ငုံး ဆိုတဲ့စာအုပ်က ပေါ့ပေါ့ပါးပါးဟာသဇာတ်လမ်းပါ

သမီးရှင်လူကြီးတယောက် သူ့အိမ်တွင်းမှာခြုံတခြုံရှိတယ်

တနေ့သမီးပြောက်လို့လိုက်ရှာတော့ ပြီတီတီမျက်နှာထားနဲ့အဆိုပါခြုံအတွင်းကထွက်လာတယ် လက်ထဲမှာလည်းငုံးတကောင်နဲ့ မေးကြည့်တော့ခြုံထဲမှာ ငုံးသိုက်ရှိတယ်တဲ့ 

ဒီတော့ သူ ဝင်ရှာတယ်မတွေ့ သူသမီးဝင်ရှာတော့ ခဏအကြာငုံးပါပါလာတယ် အရပ်ထဲကကောင်လေးဝင်ရှာလည်းတွေ့တာပဲ

သဘောက သူ့သမီးနဲ့ဟိုကောင်က နှစ်ပေါက်တပေါက်ရိုက် အဖိုးကြီးကိုလှည့်စားလို့ ခြုံထဲမှာချိန်းတွေ့နေကြတာမျိုးပေါ့ 

ဒါကိုစာအုပ်တလျှောက်လုံးပေါ့ပေါ့ပါးပါး ဟာသအမြင်နဲ့ဆရာကရေးဖွဲ့ထားတာ 

ပုံမှန်အားဖြင့်တော့ သူတို့နှစ်ယောက်ညားကြလေသတည်းမှာ ဇာတ်သိမ်းကြပေမယ့် ဆရာကအဲ့သည်မှာမဆုံးစေဘဲ နောက်မှာတခန်းစာထပ်မံတွဲဆက်ထားတာလေးက ဇာတ်ကိုသာမန်ဟာသသဘောထက် တွေးစရာလေးဖြစ်သွားတာ

ညားသွားကြပြီး နှစ်နှစ်ဆယ်လောက်အကြာ ထိုလင်မယားမှာ အရွယ်ရောက်ပြီးသမီးပျိုလေးရှိလာတယ်

ထိုသူကလည်း သူတို့နှစ်ယောက်ဖူးစာဖက်ရာ ခြုံလေးကိုအချစ်အမှတ်တရအနေနဲ့မဖျက်ဘဲ ယောက္ခမလောင်းကြီးကိုလှည့်စားလို့ ရင်ခုန်ခဲ့ရတဲ့တွေ့ဆုံခဲ့ချိန်တွေကို တစိမ့်စိမ့်ကြည့်လို့ကြည်နူးနေခိုက် 

သူ့သမီးကထိုခြုံထဲကနေ ပြီတီတီမျက်နှာထားနဲ့ထွက်လာတယ် လက်ထဲမှာလည်းယုန်တကောင် 

သူကမေးတော့ ယုန်ဝင်ဖမ်းသတဲ့

ဒီတော့ထိုသူထိပ်ထိပ်ပြာပြာဖြစ်လို့ ဓားမကိုဆွဲလို့ခြုံကိုရှင်းရင်းတဆက်တည်းမှာ မယားကိုလှမ်းအော်တယ် 

🐰အရပ်ထဲဘယ်ကောင်ယုန်မွေးသလဲခုချက်ခြင်းသွားစုံစမ်းတဲ့

လှလိုက်တာဗျာ 

သူများအမြတ်တနိုးတန်ဖိုးထားရာကို လှည့်ဖျားကွက်ကျော်ရိုက်လို့ ခိုးကြောင်ခိုးဝှက်နှိုက်မြည်းရတာကို ရင်ခုန်ကြည်နူးဖွယ်အဖြစ် တစိမ့်စိမ့်ပီတိဖြစ်ခဲ့လေသမျှ

ထိုခံရသူက ကိုယ်ဖြစ်လာချိန်မှာ ကိုယ့်အကွက်နဲ့ကိုယ်တန်ပြန်ခံရချိန်မှာ ရုတ်ချည်းဒေါသအဖြစ်ပြောင်းလဲသွားတာကိုပြသွားတာ

ကဲ ဝါးချင်းတဲ့ကျားတို့ 

သူများအမိ နှမ သမီး မယားကို မတော်မလျှော်ပြုတာကို စွံသူကြီးအဖြစ်ပီတိဖြစ်မယ်ဆိုပါတော့ ကိုယ့် အမိ နှမ သမီး မယားကို အခြားသူက ထိုသို့ပြုမယ်ဆိုရင်ကောလို့ ကိုယ်ချင်းစာဖို့ဆိုတာကို ဆရာက ဋီကာချဲ့မနေဘဲရိုးရိုးလေးပြသွားတာ ပါးပါးလေးပုတ်ပြသွားတာပါ

.

.

ညွှန်းဆိုခဲ့တဲ့ အဆိုပါစာအုပ်ကို ဒို့ခေတ်ယူကျုချန်နယ်မှာ ကိုသောင်းရီဖတ်ပြထားတာရှိတယ်ဗျ အဲ့သည်မှာသွားရောက်နားစဉ်လို့ တော်လှန်ရေးအတွက် တတပ်တအားပါဝင်နိုင်ပါတယ်

လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်းမမေ့နဲ့အုံးဗျနော

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

ဆရာနန္ဒသိန်းဇံ - အသွင်သဏ္ဍာန်တို့၏နောက်ကွယ်၌

 

YouTube မှာနားစဉ်ရန်နှိုပ်ပါ

ဆရာနန္ဒသိန်းဇံ - မနက်ဖြန်များကိုဖြတ်သန်းနေသောစိတ်ကူးများ

 

YouTube မှာနားစဉ်ရန်နှိုပ်ပါ