မယ့်သည်းချာ နှင့် Animation

 မယ့်သည်းချာ နှင့် Animation 

.

ဆရာဆွေမင်း (ဓနုဖြူ) ရဲ့ စာအုပ်တွေမှာ ခေါင်းစဉ်ကိုက ကျွန်ုပ်နှင့် ဆိုတဲ့ စာသားလေးပါတယ်

သဘောက သူနဲ့ဆက်ယှက်လာတဲ့ဖြစ်စဉ်လေးတွေ တွေ့ကြုံကြားသိရတာတွေကို ဦးတွတ်ပီ'က ပြန်ပြောပြနေတဲ့သဘောပေါ့

ဒီတော့ အများစုက လူသားအခြေခံ လူမှုရေးရာပြဿနာအဖြာဖြာကိုပဲ ဇာတ်လမ်းရေးဖွဲ့ထားတာပါ 

သူကိုယ်တိုင်ဖြေရှင်းခဲ့တာ တွေ့ကြုံခဲ့တာပါမယ် ဒါမှမဟုတ် ဗိုက်ကလေး'က တခြားဇာတ်ကောင်က သူတို့ကြုံတွေ့တာကိုပြောလို့ သူကပြန်ပြောပြတဲ့ ပုံစံပေါ့

ဒါပေမယ့် ဒီ မယ့်သည်းချာ'ဆိုတဲ့စာအုပ်က ထူးထူးခြားခြားပဲ စာအုပ်နောက်ပိုင်းမှာ သာလိကာလေးတကောင်ရဲ့ တွေ့ကြုံခံစားရတာတွေကို ဇာတ်လမ်းဖွဲ့ထားတာ ကိုယ်စားရင်ဖွင့်ထားတာ

လူတယောက်ရဲ့အမြင်အသိမျိုးမဟုတ်ဘဲ တိရစ္ဆာန်တကောင်ရဲ့ အိမ်မွေးငှက်ကလေးရဲ့ သူ့သဘာဝနဲ့ဆန့်ကျင်လို့ ရှင်သန်ခဲ့ရာက 

အများသူငှာငှက်တွေလို ကာယ မကြံ့ခိုင်တာတွေ ပျံဝဲစဉ်အခက်တွေ့တာတွေ အစားအသောက်ကသီတာတွေဖွဲ့သည်သွားတာများ ကိုယ်တိုင်ကြုံဆုံရသည့်အလား ဆရာက ပုံဖော်သွားတာ သိပ်သဘာဝကျတယ်

ပြီးတော့ လူ့ရပ်ရွာ လူ့အသိုင်းအဝိုင်းမှာ ကြင်လည်လာသူဆိုတော့ လူ့မနောကိုကျေလို့ အကြပ်အတည်းက လွတ်အောင်ကြိုးစားပုံကလည်း နှစ်သက်စရာ

ဘုရားဇာတ်တော်တွေမှာ ဒီလိုတိရိစ္ဆာန်ဇာတ်ကောင်တွေပါပေမယ့် မြန်မာ့အနုပညာလောက ဖန်တီးမှုတွေမှာတော့ ဒီလို တိရစ္ဆာန်ကိုတည်လို့ရေးဖွဲ့တာ ရှားတယ်

အထင်အရှားအားဖြင့်တော့ 

လယ်တီဆရာတော် ရဲ့ နွားမေတ္တာစာလို

ဂီတစာဆိုမောင်ကြေးမုံရဲ့ သားသတ်ကုန်းကို ဆွဲခေါ်ခံရတဲ့ နွားတကောင်ရဲ့ နာကျင်မှု ခံစားရေးဖွဲ့ထားတာလောက်ပဲတွေ့ဖူးတယ်

ကမ္ဘာမှာ Animation ကားတွေ လှိုင်လှိုင်ထွက်လာတော့ ကိုယ်‌ တောင့်တမိတယ် 

နာမည်ကျော် Angry bird ဆိုတဲ့ကားအပြင် အတော်များများက ဇာတ်ကောင်တွေက တိရစ္ဆာန်ဆိုပေမယ့် အတွေးအခေါ်က လူသားဆန်တယ်

location ပြောင်း ဇာတ်ကောင်ပုံသဏ္ဍာန်ပြောင်းထားတာကလွဲလို့ လူဘုံဘဝ လူလောကကပြဿနာနဲ့အလားတူတွေကိုပဲ အခြေတည်ရိုက်ကူကြတာများတယ်

မကောင်းဘူးလို့ဆိုလိုတာမဟုတ်ဘူးနော်

ပုံဖော်တဲ့ပညာရှင်တွေရဲ့ အစွမ်းကအံ့မခန်းပါ 

လူသားသရုပ်ဆောင်တွေထက်တောင် ခံစားမှုကို ပိုင်ပိုင်နိုင်နိုင်ဖော်ပြနိုင်တာ သဘောကျစရာ 

Zootopia ဆိုရင်သိပ်ကြိုက်တာ

ဒါပေမယ့် ဆရာရဲ့ မယ့်သည်းချာဆိုတဲ့စာအုပ်လောက်

သဘာဝနဲ့မနီးစပ်တယ်လို့တော့မခံစားရဘူး

ဇာတ်ဌာန်ခြင်းမတူတာလည်းပါမှာပေါ့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

သန်းထွန်းလေး ☆ အင်းတဲရွာ