မြိုင်ရာဇာတွတ်ပီဇာတ်လမ်းထဲက ပြင်သင့်တဲ့ဇာတ်ဝင်ခန်းတခု

 

မြိုင်ရာဇာတွတ်ပီဇာတ်လမ်းထဲက ပြင်သင့်တဲ့ဇာတ်ဝင်ခန်းတခု

.

ခေါင်းစဉ်ကိုကြည့်ပြီး ဒီကောင်ကြောင်ပဟလို့ တွေးမိကြလိမ့်မယ်ထင်တယ် 😄

ဆရာဆွေမင်း (ဓနုဖြူ) ရဲ့ စာအုပ်ကိုတောင် ဟိုဟာလိုတယ်ဒီဟာလိုတယ်နဲ့ စဆရကကြီးလား ဘာလားညာလား နွားရှေ့ထွန်ကျူးရအောင် ဒီကောင်ဘာကောင်လဲပေါ့

ကိုယ်ပြင်စေလိုတဲ့ ကဏ္ဍလေးကလည်း တအုပ်လုံးစာအတွက်မဟုတ်ဘဲ အခန်းလေးတခန်းကိုသာပါ အဲ့ဒီအခန်းက မပါသင့်ဘူးလို့ဆိုတာမဟုတ်ဘူးနော် ပုံစံလေးအနည်းငယ်ပြောင်းသင့်တယ်လို့ ယူဆတာပါ

အားနွဲ့သူပါကွယ် စာအုပ်ထဲက အခန်းကလေးတခန်း

ပြင်စေချင်တဲ့နေရာလေးက

မိတ်ဆွေရဲ့အကူအညီတောင်းမှုအရ အမျိုးသမီးပုံစံပြုမူနေထိုင်နေတဲ့ကောင်လေး ရွာကိုလိုက်ပါနေထိုင်စဉ်ကာလ ချောင်းမှာရေချိုးနေတဲ့ ပုဆွဲမိရဲ့မောင်လေး ရေနစ်ပါလေရော

ဒီမှာ ရွာသားတွေကဘယ်သူမှလိုက်မဆယ်ရဲလို့ ထိုကောင်လေးကလိုက်ဆယ်ရတယ်ပေါ့ 

ဒါလေးက ဇာတ်သဘောအရသူ့ကို ပို့ချင်တာမို့ အထူးရည်ညွှန်းရေးသားလိုက်တာလို့ပဲယုံကြည်မိတယ် 

အမှန်တော့ ဆရာ့စာအုပ်အများစုကိုအခြေခံရရင် ကြုံတိုင်းသားတွေက ငယ်စဉ်ကတည်းက ချောင်းထဲမြောင်းထဲကန်ထဲချိုးနေကျဆိုတော့ ယောက်ျားသားတွေထားအုံး အမျိုးသမီးတွေကပါ ရေကောင်းကောင်းကူးတတ်သူတွေချည်းပါ

ကလေးကလည်း မကူးတတ်လို့နစ်တာမဟုတ်ဘဲ သူငယ်ချင်းတွေနဲ့ရေချိုးနေရင် ကြွက်တက်လို့သာဖြစ်သွားတာကိုး

ပြီးတော့အဲ့ဒီနေရာမှာ ရွာသူရွာသားအများအပြားအပြင် အာနိုးလှမိုးတို့ ဗိုက်ကလေးတို့ ဆရာတွတ်တို့သာမက သူတို့ထက်ရေကူးပို့ကျွမ်းတယ်လို့ စာအုပ်အများစုမှာဆိုထားတဲ့ စောကြီးလည်းရှိနေတယ်

ဒါကို ဘယ်သူမှ ဆင်းမဆယ်ဝံ့ ဆယ်ရဲသူမရှိလို့ အဲ့ဒီတယောက်ကဆင်းဆယ်ရတယ်ဆိုတာ တမင်ဟီးရိုးဇာတ်ကြီးသွင်းလိုက်သလိုခံစားရတယ်

တဆက်တည်းမှာပဲ ဒီစာအုပ်က ဆရာဆွေမင်း (ဓနုဖြူ) ရေးသားတာမှဟုတ်ပါလေစလို့လည်း သံသယဝင်မိတယ်

ဘာ့ကြောင့်လည်းဆိုတော့ ဒီလိုအထူးညွှန်းဆိုချင်တာမျိုးရှိရင် ဆရာက အကြောင်းတရားခိုင်မာအောင် နေရာ အခြေအနေကို ဟာကွက်ထောက်ကွက်မရှိအောင် သေသေချာချာစိတ်ကူးစေစားတတ်တာမို့ပါ

ဒီလိုဆိုရင် ဆရာဆိုရင် ဘယ်လိုရေးဖွဲ့နိုင်လဲ စဉ်းစားကြည့်ရအောင်

ရိုးရိုးလေးပဲတွေးကြည့်ရရင်

လမ်းလျှောက်လာရင်း ချောင်းနားအရောက်မှာ ကလေးတယောက်ရေနစ်နေတာတွေ့တယ် ပတ်ဝန်းကျင်ကြည့်လိုက်တော့လည်း ဘယ်သူမှမရှိတော့ စွန့်စွန့်စားစား အသက်ကိုပဓါနမထားပဲ ကယ်တင်လိုက်တယ် 

ဒါဆိုရင် ဗိုက်ကလေးတို့ စောကြီးတို့ရဲ့ဌာန်ကို မပျက်စီးစေဘဲ ပိုပြီးသင့်လျှော်စေမလားလို့ ယူဆမိတယ်

ဒါ့ကြောင့်ဒီအခန်းလေးကို ပြင်စေချင်တာပါ

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

သန်းထွန်းလေး ☆ အင်းတဲရွာ