ငါးပါးသီလဆိုတာ မြတ်ဗုဒ္ဓက ဟောကြားခဲ့တာဆိုပေမယ့် လောကမှာ လိုက်နာကျင့်သုံးသူတိုင်း လူမျိုးဘာသာမရွေး အကျိုးရှိမှာကတော့ အသေအချာပါပဲ
ဘာကြောင့်လည်းဆိုတော့ သူ့အသက်သတ်ချင်းဆိုတဲ့ အကျင့်ကလေးထိုသူမှာရှိပြီဆိုတာနဲ့ နောက်မှလာတဲ့အကျိုးတွေကို လက်တွေ့မျက်တွေ့မဟုတ်လို့ မယုံကြည်စေအုံးတော့ ထိုသူကိုအကြောင်းပြုပြီး ဘယ်ပုဂ္ဂိုလ်သတ္တဝါမှ အသက်သေခြင်းဆိုတဲ့ ဘေးဒုက္ခကို မခံစားရတော့ဘူး မဟုတ်လား
ဒီငါးပါးထဲမှာမှ အခြားသော သီလတွေဟာ ပြုမိဖို့ အခြားအရာဝတ္ထု ပုဂ္ဂိုလ်သတ္တဝါအားဖြင့် အကြောင်းအထောက်အပံ့တွေ လိုအပ်တာကြောင့် ကျုးလွန်ဖို့ရာခက်ကောင်းခက်နိုင်ပါတယ်
ဥပမာ သူ့ဥစ္စာခိုးယူဖို့အတွက် သူတစ်ပါးရဲ့ ပိုင်ဆိုင်မှုဖြစ်တဲ့ အရာဝတ္ထုတစ်ခုခု လိုအပ်တယ်မဟုတ်လား
မုသာဝါဒဆိုတာကတော့ အတော်ကို ထိမ်းဖို့သိမ်းဖို့ခက်ခဲ့လိမ့်မယ်ထင်တယ် သူ့မှာကျူးလွန်ဖို့ လိုအပ်ချက်က သိပ်နည်းတယ်မဟုတ်လား နားဆင်မယ့်သူသာ လိုအပ်တယ်လေ
မုသာဝါဒထဲမှာမှ လေးမျိုးပြားတော့ အလွန်အင်မတန်မှကို ထိရှလွယ်တယ် ကျူးလွန်ဖို့လွယ်တယ်ဆိုတာ သိသာလာတယ်
ဒီအထဲမှာမှ ပိသုနဝါစာ ဆိုတဲ့အကြောင်းလေးတွေးမိတယ်
ပိသုန ဆိုတာ တစ်လုံးချင်းစီမှာ ကိုယ်ပိုင်အဓိပ္ပါယ်တွေရှိတယ်ဗျ
ပိ ပီယ ချစ်ခင်မှု
သု သုည ဆိတ်သုဥ်းမှု
န ဂမန ဖြစ်စေခြင်းတဲ့
ဒီတော့ ချစ်ခင်ရင်းနှီးမှုကို ပျက်စီးစေတဲ့ ဆိတ်သုဥ်းစေတဲ့ ပြုမူပြောဆိုမှုတွေ လုပ်ရပ်တွေကို ပိသုနဝါစာလို့ခေါ်ပါတယ် တစ်နည်းအားဖြင့် ဂုံးတိုက်တယ်ဆိုတာမျိုး
ဒီခေတ်အခေါ် အမုန်းစကားပေါ့
ဒီလိုဆိုတော့ နှုတ်ကထွက်တာကိုမှဆိုတာလောက်ပဲ အဓိပ္ပါယ်ဖွင့်ရင် ဒီခေတ်မှာ မပြည့်စုံတော့ဘူး အမုန်းစကားဆိုတာက ပါးစပ်ပြောနေမှဟုတ်တာ လူမှုကွန်ယက်တွေမှာ စာသားတွေ မှတ်ချက်တွေဟာလည်း အမုန်းစကားကို ဖြစ်စေတယ်မဟုတ်လား
သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ်နှင့်ရွှေပန်းထိမ်လုပ်ငန်း
No comments:
Post a Comment