ငါးစိမ်းမြင် ငါးကင်ပစ်တယ် ဆိုတာ
။
ဒီစကားက အတော်အသုံးတွင်ကျယ်တာမို့ လူတိုင်းသိပြီးရင်းနှီးပြီးသားပါ ဘယ်လိုနေရာမှာ ဘယ်လိုရည်ရွယ်ချက်နဲ့သုံးတယ်ဆိုတာလည်း သဘောပေါက်ပြီးဖြစ်ပါလိမ့်မယ်
ဒါပေမယ့်ဗျာ
ဒီစကားပုံကိုကိုယ်နားမလည်ဘူး
ငါးစိမ်းမြင်တာနဲ့ ဘာ့ကြောင့် ကင်ပြီးသားငါးကိုပစ်ရလဲပေါ့
ငါးကင်ဆိုတာက ဘာမှထပ်အလုပ်ရှုပ်နေစရာမရှိ အသင့်စားရုံပဲမဟုတ်လား ဒီအတွေးနဲ့ပေါ့
အမှန်က ဒီစကားပုံလေးကို ကောက်ယူပုံလွဲနေတာပါ
ငါးကင်ဆိုတာက ငါးကင်ပါပဲ
ငါးစိမ်းကကျ ဒီလိုမဟုတ်ဘူး ပေါင်းမလား ချက်မလား ကြော်မလား ကြိုက်နှစ်သက်သလိုစီမံပိုင်ခွင့်ရှိတယ် အရသာအသစ်အဆန်းလေးတွေ ပေးနိုင်တယ်ပေါ့
____
ဒီတော့ဗျာ ပိုင်ဆိုင်ပြီးသားအရာက အလှဆုံး အချောဆုံး အပြည့်စုံဆုံး ဖြစ်ကောင်းဖြစ်မယ်ပေါ့ ဒါပေမယ့်ပိုင်ဆိုင်ထားသူအဖို့ ဘယ်လောက်ရနံ့သင်းပျံ့ပျံ့ ဘယ်လောက်အရသာရှိရှိ ငါးကင်က ငါးကင်ပဲ ငါးကင်အနံ့ ငါးကင်အရသာပဲဟုတ်
ဘယ်လောက်နှစ်သက်ပါတယ်ဆိုဆို နေ့စဉ်ရက်ဆက်ဆိုငြီးငွေ့လို့ အသစ်အဆန်းလေးတွေ ထိတွေ့မြည်းစမ်းကြည့်ချင်တဲ့ ပုထုဇဉ်သဘာဝကို ရည်ညွှန်းတာကတမျိုး
____
နောက်ထပ် ဒီစကားပုံရဲ့ ရည်ရွယ်ချက်ကတော့
ဇာတ်တော်မှာ လူတယောက်ပညာစုံလို့ဇာတိပြန်လာစဉ် ဆရာကြီးက သူ့သမီးနဲ့လက်ဆက်လို့ထည့်ပေးလိုက်တယ်
လမ်းခရီးမှာ ဓားပြတိုက်ခံရချိန် ထိုအမျိုးသမီးက ဓားပြကိုတပ်မက်လို့ လင်ကိုသတ်နိုင်အောင်ကူပေးလိုက်တယ်
ဓားပြနဲ့ နှစ်ပြားဂဟေဆက်မယ်ပေါ့
ဒါပေမယ့်ဓားပြကြီးကစဉ်းစားတယ် ငါလည်းတချိန်ဒါမျိုးကြုံနိုင်တယ်တွေးပြီး ထိုမိန်းမကိုထားချန်ခဲ့လိုကျန်ခဲ့ချိန်
သိကြားမင်းက မြေခွေးအယောင်ဆောင်လို့ အသားတတုံးချီလာတယ် ထိုစဉ်ငါးတကောင်ကိုတွေ့တော့ အသားတုံးကိုချပြီး ငါးကိုလိုက်တယ်
ဒါပေမယ့်ငါးက ရေအောက်ငုံ့လျှိုးသွားတော့ ထားချန်ခဲ့တဲ့အသားတုံးဆီပြန်လာပေမယ့် ထိုအသားတုံးကို ငှက်တကောင်ကကိုက်ချီသွားတော့ နှစ်ခုစလုံးဆုံးလို့ငေးငိုင်နေတဲ့အဖြစ်ကို ထိုမိန်းမကမြင်ပြီး လှောင်ပြောင်ရယ်မောတော့
မြေခွေးကသိကြားမင်းအဖြစ် ချက်ချင်းပြောင်းလို့ ငါ့ကိုသာရယ်တာ နင်လည်းအတူတူဘဲမဟုတ်လားလို့ဆိုတယ်
____
ဒီဇာတ်တော်အရဆိုရင်တော့ ငါးစိမ်းမြင်လို့ငါးကင်ပစ်တယ်ဆိုတာက နောက်ဆုံးငါးစိမ်းလည်းဆုံး ငါးကင်လည်းဆုံးဖြစ်တတ်တာကို သတိကပ်ဖို့ပြဆိုတယ်လို့ဆိုရမှာပေါ့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment