ဆရာတွတ်ရဲ့ လက်စွဲတော်နှစ်လုံးပြူးသေနတ်ရဲ့ရာဇဝင်

 

ဆရာတွတ်ရဲ့ လက်စွဲတော်နှစ်လုံးပြူးသေနတ်ရဲ့ရာဇဝင်

။

ဆရာဆွေမင်း (ဓနုဖြူ) က ဆရာတွတ်ရဲ့လက်စွဲတော်သေနတ်အကြောင်းကို တကူးတကစာဖွဲ့ထားတဲ့ စာအုပ်မရှိဘူးလို့ထင်တယ် 

အဖေ့အမွေနှလုံးပြူးကိုလက်ဆွဲလို့တောဝင်တယ် ဆိုတာလောက်ပဲ စာအုပ်အများစုမှာဆိုတယ် 

_______________________________

ဒီတော့ ဘွိုင်းကောက်တက္ကသိုလ်ကျောင်းသား ရေနံမြေသပိတ်တပ်သား ဂဠုန်တပ်သား ဘီအိုင်အေတတ်သားတဖြစ်လဲ အဖေဒဲ့ပီက ဒီသေနတ်ကို ဘယ်ကရလဲ စဉ်းစားစရာထပ်ဖြစ်လာတယ်

ဆယ်ကျော်သက်အရွယ်ကတည်းက ဘုရင့်တပ်သား နှစ်အိုးစားအကျပ်ဖြစ်လာတဲ့ အသက်ခုနှစ်ဆယ်ကျော်အရွယ်အထိ ပြည်ချစ်စိတ်ပြင်းထန်စွာနဲ့ ဘီအိုင်အေတပ်သားအဖြစ်ပါဝင်လို့ ကိုလိုနီနယ်ချဲ့တွေကို တက်တက်ကြွကြွတွန်းလှန်တိုက်ခိုက်ခဲ့‌တဲ့ သူ့အဖေပေါက်ပီ ဆီကရတာလားဆိုတော့ မဟုတ်ပြန်

သူတို့နှစ်ယောက်လုံးက တပ်သားဟောင်းများဖြစ်သည့်တိုင် တပ်ကနောက်ဆုံးထွက်ခွာလာချိန်မှာ လက်နက်ယူမလာကြဘူး အပ်နှံထားခဲ့ပုံပဲ ဒါကသဘာဝကျပါတယ် သေနတ်ဆိုတာ တိုင်းပြည်ကာကွယ်ဖို့အတွက်သာမို့ ထွက်ခဲ့ပြီး သာမန်ပြည်သားတယောက် သယ်မလာတာဖြစ်သင့်တယ်ဟုတ်

_______________________________

ဒါဆိုရင် ဒီသေနတ်က ဘယ်ကရောက်လာတာလဲ ...?

ဒီလိုဗျ အဖေဒဲ့ပီရဲ့ ဘဝနှောင်းပိုင်းကာလမှာ ရွာပြန်ချိန် မုဆိုးလုပ်ဖို့ရွေးချယ်လိုက်ချိန်မှာ ကွယ်လွန်သွားတဲ့ သူကြီးဟောင်း ဦးသာအောင်ရဲ့သေနတ်ကို သူ့ဇနီးဒေါ်စိန်မှုံ ဆီကနေ ဝယ်ယူခဲ့တယ်လို့ဆိုတယ်

ဗမာဘုရင့်တပ်သားဟောင်း ဦးသာအောင်က ထိုသေနတ်ကိုဘယ်လိုရခဲ့လဲဆိုတော့ နယ်ချဲ့တို့အထက်မြန်မာပြည်ကိုသိမ်းပိုက်လို့ ဘုရင်ကိုဖမ်းစီးသွားချိန် ပါတော်မူပြီးချိန်မှာ တပ်ဖျောက်ကာ ကြုံတိုင်းရွာမှာလာခိုချိန် သူ့သူငယ်ချင်းက အင်္ဂလိပ်စစ်ဗိုလ်ကို သတ်လိုက်တယ်

ကာလအတန်ကြာမှာထိုသူငယ်ချင်းက သူချစ်ရသူကို ခူးဆွတ်သွားချိန်မှာ မုန်းစိတ်ပွားလို့ သတင်းပေးလိုက်တယ် ဒီအတွက် ဆုလာဘ်အနေနဲ့ သူကြီးရာထူးနဲ့ နှလုံးပြူးသေနတ် ရရှိလာခဲ့တာပါ

_______________________________

ဦးသာအောင် အင်္ဂလိပ်တွေကို လက်ထောက်ချအဖမ်းခိုင်းလိုက်တဲ့ သူငယ်ချင်းကဘယ်သူထင်လဲ

ဆရာတွတ်ရဲ့အဖိုး ဦးပေါက်ပီဗျ

_______________________________

ဒီတော့ ဆရာတွတ်ရဲ့သေနတ်က နယ်နယ်ရဟုတ်ရိုးလားဗျာ

သာမန်အမဲပစ်သေနတ်ဆိုတာထက်ပိုတဲ့ လေးနက်တဲ့အဓိပ္ပာယ်တွေရှိတယ်

အဘိုးရဲ့ ဇနီးမယား သားနဲ့ နှစ် ၅၀ လောက်ကွဲကွာရခြင်းရဲ့ ပြယုဒ်

အဖမဲ့သားအဖြစ် နှစ်ကာလရှည်ကြာစွာဖြတ်သန်းခဲ့ရတာတွေကို သင်ပုန်းချေခွင့်လွှတ်ခဲ့တဲ့ အဖေ့စိတ်ထားကိုကိုယ်စားပြုရာ သင်္ကေတလို့လည်း ဆိုနိုင်တယ်မဟုတ်ပါလား

။

။

ညွှန်းဆိုခဲ့တဲ့အဆိုပါ စာအုပ်တွေကို doh khit ယူကျုချန်နယ်မှာ #အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်

လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော

။

။

ဒါမှမဟုတ် စာအုပ်ဝယ်ဖတ်မယ်ဆိုရင်လည်း ‌ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ