လှူမျှဝေ၍ ဆိုသည့်ဇာတ်လမ်းနှင့် စကားပြောပြဿနာ

လှူမျှဝေ၍ ဆိုသည့်ဇာတ်လမ်းနှင့် စကားပြောပြဿနာ

။

ပထမဆုံးအနေနဲ့ ဒီစာအုပ်လေးက တဆင့်ချင်းတည်လို့ ဇာတ်ကိုတဖြည်းဖြည်းအရှိန်တင်သွားတာ အတော်ကောင်းတယ် ချိတ်ဆက်မှုတွေကလည်း အတော့်ကိုသဘာဝကျတယ်

ဒါပေမယ့် စကားတခွန်းမှာပြဿနာဖြစ်နေတယ်

ဘယ်လိုလဲဆိုတော့ နီလာဆိုတဲ့ကျောက်ဖြစ်ပေါ်လာပုံ ပါးစပ်ရာဇဝင်လေးကို ပြောပြပုံလေးမှာပါ

ဒီပုံလေးက အခြားစာအုပ်တွေမှာလည်း ဆရာသုံးနေကျပါ

ဘယ်လိုလဲဆိုတော့ ပတ္တမြားကျောက်နီတွေသာထွက်တဲ့ မိုးကုတ်မြေမှာ တနေ့တော့အပြာရောင်ကျောက်လေးရလာတယ် 

ဒါကိုသက်တန်းနုသေးလို့သာ ပြာနေတာဖြစ်လောက်တယ် ‌တနေ့နေ့နီလာမှာပဲ နီလာမှာပဲလို့ မျှော်လင့်တောင်းတလို့စောင့်ကြည့်ရင်းက အဆိုပါအ‌ပြာရောင်ကျောက်ကလေးကို နီလာလို့ အမည်သမုတ်လိုက်ကြတယ်ဆိုတာပေါ့

ဒီဇာတ်လမ်းလေးကို ပထမရွာမှာ ဆရာလေးကိုကြည်နိုင်က ပြောပြတယ် ‌နောက်မြို့ပြကျောက်ဝိုင်းရောက်တော့ ကျောက်ဆရာတယောက်ကထပ်ပြောတယ် 

ဒါကလက်တွေ့ဘဝမှာတော့ပြဿနာမဟုတ်ပေမယ့် စာအုပ်မှာကျ အကြောင်းအရာတခုတည်းကို နှစ်နေရာဆိုတော့ စာမျက်ပုတ် အပ်ကြောင်းထပ်တဲ့သဘောဖြစ်သွားတယ်လို့ ယူဆမိတယ်

ဒါက ဆရာဆွေမင်း (ဓနုဖြူ) ဆုံးပါးပြီးနောက် မြိုင်ရာဇာတွတ်ပီဇာတ်လမ်းတွေကို ဆက်လက်အသက်သွင်းပေးနေတဲ့ ဆရာ့ရဲ့ဇနီး ဒေါ်မို့မို့ဆန်းရဲ့ တခုတည်းသောအားနည်းချက်လို့ထင်တယ်

သူမက ပေးချင်တဲ့ အသိပညာပိုင်းနဲ့ အချက်အလက်ဆိုင်ရာမှာ ဘယ်သူကပြောမလဲဆိုတဲ့ ဇာတ်ကောင်ရွေးချယ်မှုနဲ့ ဘယ်သူပြောသင့်လဲဆိုတဲ့ ပြောစကားခွဲဝေမှုအပိုင်းမှာ ပြဿနာလေးမကြာမကြာတွေ့ရတယ်

ဒါကြောင့်ပဲ ပြောစကားက တော်တော်ကောင်းပေမယ့် ဇာတ်ရုပ်နဲ့မလိုက်တော့ မကိုက်တော့ သူပြောရမယ့်စကားမဟုတ်တော့ သို့တည်းမဟုတ် ထပ်နေတော့ လေးနက်သင့်သလောက်မလေးနက်တော့ဘဲ ပေါ့သွားသလိုလို ဇွတ်အတင်းဆရာကြီးလုပ်နေသလိုလိုကြီး ဖြစ်ဖြစ်သွားတယ်

အထက်ပါ နီလာကျောက်လေးအကြောင်းကတော့ ဆရာလေးကိုကြည်နိုင်ဖြစ်ဖြစ် ကျောက်ဆရာဖြစ်ဖြစ် ဘယ်သူပြောပြောရပါတယ် ဒါကပြဿနာမဟုတ်ပါဘူး နှစ်ခါဖြစ်နေတာက စာမျက်နှာပုတ်သွားစေတယ်လို့ ယူဆမိတာ

ပြီးတော့ ဆရာလေးက ကျောက်ကိုတွေပြီး အရည်အသွေးကိုပြောနိုင်တာ ဈေးတန်းကိုမှန်းဆနိုင်တာက နည်းနည်းညွှန်းလွန်းသလိုဖြစ်နေတယ်လို့ ယူဆမိတယ် ဒါမျိုးဆုံးဖြတ်ဖို့က စာတွေ့နဲ့ သို့တည်းမဟုတ် ဒီလောကမှာကျင်လည်ဖူးသူဖြစ်ရင်တောင် တော်ရုံလုပ်သက်လောက်မဖြစ်နိုင်ဘဲကို

။

။

ညွှန်းဆိုခဲ့တဲ့အဆိုပါ စာအုပ်တွေကို doh khit ယူကျုချန်နယ်မှာ #အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးတွက်တတပ်တအားပါဝင်နိုင်ပါတယ်

လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော

။

။

ဒါမှမဟုတ် စာအုပ်ဝယ်ဖတ်မယ်ဆိုရင်လည်း ‌ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ