။
ဒီစကားစုလေးမှာ ဏအောက်က အက္ခရာလေးက ဘာဖြစ်မလဲစဉ်းစားဖူးကြလားဗျ ဘယ်ဟာကမှန်မလဲဆိုတာကောပေါ့
ဏ္ဍ မှာက ဏအောက်က ဍရင်ကောက်ဖြစ်ပြီး
ဏ္ဌ မှာတော့ ဏ အောက် ဌဝမ်းဘဲပါ
ဋတလျင်းချိတ်မပါဘူးပေါ့
ဖြည်လိုက်ရင်တော့
သဏ်ဍာန် နဲ့ သဏ်ဌာန်ပေါ့ဗျာ
ဒါပေမယ့်ဖတ်ရင် သဏ် ကိုအသံဝက်နဲ့
(သတန် နဲ့ သထန် ပေါ့)
မြန်မာအဘိဓာန်မှာတော့ ဏ္ဍ ရေးထုံးသာရှိပြီး ဏ္ဌ ရေးထုံးမပါဝင်ဝာာတွေ့ရတယ် App ဆိုတော့ ကျန်ခဲ့တာလည်းဖြစ်ကောင်းဖြစ်နိုင်တာပေါ့ g board မှာတော့ စာဆင့်နှစ်ခုစလုံးကို ထည့်သွင်းပေးထားတယ်
မြန်မာလိုဆိုရင်တော့ ပုံပန်း အသွင်အပြင်တဲ့
ဒီနေရာမှာ တချို့က ဏ္ဌ ဒီရေးထုံးကိုပိုသဘောကျကြတာတွေ့ရတယ်
နှစ်ဖက်စလုံးက ပါဠိ သဏ္ဍာန / သဏ္ဌာန ကနေလာတယ်လို့ ကိုယ်စီအခိုင်အမာဆိုကြပြန်ပါတယ်
ဒီတော့ဂွပဲ
တခုမှန်ရင်တခုမှားရတော့မယ်မဟုတ်လား
နှစ်မျိုးစလုံးကလည်း အသုံးတွင်နေပြန်တော့ ကိုယ့်မူနဲ့ကိုယ် အမှန်ဖြစ်နေကြတော့ အဘိဓာန်ပဲလွှင့်ပစ်ရမလိုလို အများသုံးပဲလိုက်ရမလိုလိုရယ်
ဒီလိုစိတ်ထဲကလိကလိဖြစ်နေသမျှ ai ကိုမေးကြည့်မှပဲ ဘဝင်တကျရှိသွားတော့တယ်
သူကမျက်စိနဲ့မြင်ရတဲ့ အပြင်ပန်းဆိုရင် ဏ္ဍ နဲ့ရေးပြီး
စိတ်အတွင်းပိုင်းမှာဖြစ်ပေါ်တာဆိုရင် ဏ္ဌ နဲ့ရေးပါတယ်တဲ့
(ပုံသဏ္ဍာန် နဲ့ အတွင်းသဏ္ဌာန်ပေါ့ဗျာ)
ဒီတော့ တခုစီကသီးခြားအဓိပ္ပာယ်ဖော်ဆောင်တဲ့သဘောမို့ နှစ်ခုစလုံးကို အမှန်ပေးလို့ရတာမို့ ကျေနပ်သွားတာပါ
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
။
ကိုလေး ☆ အင်းတဲ
No comments:
Post a Comment