.
ဆရာဆွေမင်း (ဓနုဖြူ) ရဲ့ နတ်ရဲတောင်လျှို့ဝှက်ချက်ဆိုတဲ့ စာအုပ်က ဇာတ်သွားကကျယ်ပြန့်ပြီး အတော့်ကိုသဘောကျစရာကောင်းတယ် ချိတ်ဆက်သွားတာတွေကလည်း အတော်သဘာဝကျတယ်
ဒါပေမယ့် စိတ်မှာစနိုးစနောင့်ဖြစ်တာလေးတနေရာရှိပါတယ်
အခန်းတခုလုံးစာမဟုတ်ဘဲ ပုံစံတူစကားတခွန်းတည်းကိုပဲ စာမျက်နှာသိပ်မခြားဘဲ မတူညီတဲ့ဇာတ်ကောင်နဲ့ သုံးချိန်တိုင်တိုင် ခပ်စိတ်စိတ်အသုံးပြုထားတာကိုပါ
ဆင်းရဲပေမယ့်လိမ်မပြောတတ်ပါဘူး ဆိုတဲ့စကားပါ
ဒီတော့ချမ်းသာသူတွေကကောလို့ ပြန်တွေးမိရင်း
အဲ့ဒီခေတ်ကစာအုပ်ဇာတ်လမ်းတွေမှာ ဒီနည်းတူပြောစကားတွေက အတော်ခေတ်စားပုံရတယ် ပြဿနာတရပ်ဖြစ်လာရင် မှန်သူမှားသူဆိုတာထက် အားနည်းသူဖက်ကရပ်တည်တယ်ဆိုတဲ့ ကရုဏာစိတ်ကြောင့်လည်းဖြစ်နိုင်တယ်
ဒါမှမဟုတ် ငွေရှိသူ အာဏာရှိသူတို့ရဲ့ တရားလွန်ဖိနှိုပ်မှုတွေ မရှိခိုးနိုးမလှစုန်းယိုးဆိုသလို ယိုးစွပ်မှုတွေ လူ့ဘောင်လောကမှာသိပ်များလွန်းလို့ မခံစားနိုင်သည့်အဆုံး ဇာတ်ကောင်တွေကနေ ကိုယ်စားရင်ဖွင့်ရင်း အထူးတလည်မှတ်သားမိအောင် ထပ်ဆင့်တပ်ဆင့်ညွှန်းဆိုမိသွားတာလေလားလို့တွေးမိတယ်
ကိုယ့်အတွက်တော့ သတိထားမှမှားတတ်တာမျိုးလို
တခါဆို ဆိုသလောက် လေးလေးနက်နက်ပြောရင် အတော်မှတ်လောက်သားလောက်ဖြစ်မယ့် တွေးချိန်ချင့်စရာများစွာပါတဲ့စကားက
အချို့ဆောင်ပုဒ်တွေလို တွေ့ဖန်များတော့ မလေးချင်တော့သလိုလို
များလွန်းတော့ပေါသွားသလိုလို
ညွှန်းလွန်းတော့ မျက်ရည်ခံထိုးသလိုလို ကရုဏာကိုဇွတ်ရယူဖို့ကြိုးစားသလိုလိုကြီးခံစားရတယ်
.
.
.
အဆိုပါ စာအုပ်တွေကို Doh Khit ယူကျုချန်နယ်မှာ #အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်
လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော
။
။
ဒါမှမဟုတ် စာအုပ်ဝယ်ဖတ်မယ်ဆိုရင်လည်း ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment