ဆရာ့မှတ်စု ☆ Teacher's diary
https://t.me/koloneypoen/133
မှတ်စုစာအုပ်လေးတအုပ်ကိုအခြေတည်လို့ ဇာတ်အိမ်ဖွဲ့ထားတဲ့
Teacher's diary ဆိုတဲ့အမည်နဲ့ ထိုင်းကားလေးကို
ညွှန်းဆိုပါရစေ
ကြည့်လိုက်ပါ ပေးရတဲ့ အချိန်ထက် များစွာသာလွန်တဲ့ ခံစားချက်ရမှာပါ
ဒီဇာတ်ကားက
သဘာဝလွန်စွမ်းအားတွေ
သည်းထိတ်ရင်ဖို့ ဇာတ်ဝင်ခန်းတွေ
ကမ္ဘာကြီးကို ဖျက်ဆီးမဲ့သူတွေ
ကာကွယ်မဲ့သူတွေ
ဂြိုလ်သားတွေ
စွမ်းရည်အထူးရှိတဲ့ ပုဂ္ဂိုလ်တွေ
ဆိုးသွမ်းမှုတွေ
ဂလဲ့စားချေမှုတွေ
ရယ်မောပျော်ရွှင်ဖွယ် ပြရုပ်တွေနဲ့ ထုံမွှမ်းထားတာမျိုးမဟုတ်ပါဘူး
ထိုင်းကားဆိုပေမယ့် ပေါက်နေတဲ့ထိုင်းကားတွေနဲ့လည်း အယူအဆခြင်းမတူဘူး
ပေါက်ဖို့ အောင်မြင်ဖို့ဆိုတာထက်
ဖန်တီးသူက သူ့စိတ်ကူး သူ့အမြင်ကို စိတ်လွတ်လက်လွတ် ချပြထားတာမျိုး
မြန်မာကားတွေမှာ တွေ့နေကျအတိုင်းလိုပါပဲ
ဆရာနဲ့တပည့်ဆက်ဆံရေး
ဆရာတယောက်ရဲ့ ခံယူချက်
ဆရာတယောက်ရဲ့ စိတ်ထားကို နူးနူးညံ့ညံ့ဖော်ပြထားတာမျိုးပါ
ရိုက်ကွင်းရိုက်ကွက် ကင်မရာအယူအဆတွေဟာလည်း အတော်နှစ်လိုဖွယ်ကောင်းတယ်
ငြိမ်နေတဲ့ ကင်မရာအယူအဆတခုက အဲ့ဒီလောက်အထိ နှစ်သက်စရာ ရိုက်ကွက်မျိုး
ဖန်တီးနိုင်လိမ့်မယ်လို့ ဘယ်တုံးကမှ မထင်ခဲ့မိဘူး
ဒီကားကြည့်ပြီးမှပဲ သိလိုက်ရတာက ဇာတ်ကားကောင်းတကားဖြစ်ဖို့
ငွေကြေး နည်းပညာ စက်ပစ္စည်း ရုပ်ဝတ္ထု အထောက်အပံ့တွေထက်
တွေးခေါ်နိုင်မှုနဲ့ ထွင်းဖောက်မြင်နိုင်စွမ်းကသာ ပိုပြီးအရေးပါမှန်းကိုပေါ့
ဒီကားကို ဖန်တီးသူကတော့
နီထီဝပ် ထာရထောင်န် (Nithiwat Tharathorn) ဖြစ်ပြီး
ဇာတ်ဆောင်တွေအနေနဲ့
မင်းသား ဆူကရစ် ဝီစစ်ကဲ (Sukrit Wisetkaew)
မင်းသမီး လိုင်လာ မူညစ်ဆခ် (Laila Boonyasak)
တို့က ပါဝင်ပုံဖော်ပေးကြပါတယ်
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
================================
ကြာနီကန်ဆရာတော် ဦးဇဋိလ
https://www.facebook.com/profile.php?id=61553891251403
ကဗျာ ဆောင်းပါး
https://www.facebook.com/thanhtunlay.inde.09799871227
ဂီတစာဆိုမောင်ကြေးမုံ
https://www.facebook.com/profile.php?id=61550245496227&mibextid=9R9pXO
________
သန်းထွန်းလေး ☆ အင်းတဲရွာ
G-mail - Koloneypoe@gmail.com
Blog -Http://koloneypoe.blogspot.com
Youtube -https://youtube.com/@thantunlayinde
Facebook -https://www.facebook.com/ThanTunLayANKGold09799871227
================================
No comments:
Post a Comment