စကားပြောဆိုရာဝယ်
********
ဒေသနာတော်တွေမှာ စကားပြောဆိုခြင်းနဲ့ ပတ်သက်ပြီး လမ်းညွှန်ပြသမှုလေးတွေရှိတယ်
စကားခြောက်ခွန်း လူ၌ထွန်း
လေးခွန်းကိုပယ် နှစ်ခွန်းတည်
ကျွန်တော်တို့နှုတ်ထက်မှာ မစိမ်းတဲ့လင်္ကာလေးဆိုပေမယ့် အဓိပ္ပါယ်ကောက်လွဲမှားနေတာမျိုးလည်း ရှိနိုင်တယ်လေ
အရင်က စကားပြောချင်တိုင်း မပြောရဘူး ခြောက်ခါလောက်ပြောချင်မှ နှစ်ခါလောက်သာ ပြောရတယ် စကားနည်းရန်စဲသဘောလို့ ထင်ခဲ့တာ
စကားမပြောပဲ ဝစီပိတ်ဘာညာ ကျင့်တာတွေကို မြတ်စွာဘုရားက သူအကျင့်စဉ်လို့ ပြစ်တင်တော်မူတယ်
တကယ့်ဆိုလိုရင်းအဓိပ္ပါယ် စကားခြောက်ခွန်းဆိုတာက
၁ မှန်သည် အကျိုးရှိ နှစ်သက်သည်
၂ မှန်သည် အကျိုးရှိ မနှစ်သက်
၃ မှန်သည် အကျိုးမရှိ မနှစ်သက်
၄ မှားသည် အကျိုးရှိ နှစ်သက်သည်
၅ မှားသည် အကျိုးမရှိ နှစ်သက်သည်
၆ မှားသည် အကျိုးမရှိ မနှစ်သက်
၁ နဲ့ ၂ ဖြစ်တဲ့
မှန်ပြီးအကျိုးရှိတဲ့စကားဆိုရင် နှစ်သက်သည်ဖြစ်စေ မနှစ်သက်သည်ဖြစ်စေ ပြောသင့်သည့်အချိန်မှာ ပြောသင့်တယ်လို့ဆိုတယ်
ဒီနေရာမှာ ပြောသင့်သည့်အချိန်ဆိုတဲ့ ကာလလေးသတ်မှတ်ထားတာကိုတော့ သတိချပ်ဖို့လိုတယ်
တချို့မှာ ငါကသူ့အတွက်ကောင်းစေချင်လို့ ပြောတာကို နားမလည်ဘူး စသည်ဖြင့်ဖြစ်နေတာတွေက အချိန်ဆိုတဲ့ ကာလလေးလိုအပ်နေလို့ ဖြစ်တာပါ
လူမှုဝန်းကျင်မှာ စကားပြောဆိုမှုကနေ ရှုပ်နေတဲ့ပြဿနာလေးတွေကနေ ကင်းဝေးပါစေကြောင်း ဆန္ဒပြုရင်း..
သန်းထွန်းလေး ☆ အင်းတဲရွာ
Https://youtube.com/@thantunlayinde
No comments:
Post a Comment