ပါလီ ဆိုတာကတော့ ပါလ ပုဒ်နဲ့အတူတူပါပဲ ထိမ်းသိမ်းသူ စောင့်ရှောက်သူပေါ့
သူမရဲ့အမည်လိုပဲ သူမရဲ့ဖြစ်တည်မှု သူမရဲ့ဘဝဟာ စိတ်ဝင်စားဖို့ကောင်းတယ်
လောကမှာ သတ္တဝါရယ်လို့ဖြစ်လာရင် မွေးဖွားနည်းလေးခုကနေ မွေးဖွားတယ်လို့ မြတ်ဗုဒ္ဓဟော်တော်မူထားတယ်
၁ သားအိမ်မှာ သန္ဓေတည်ပြီးမွေးတယ် ဥပမာ ခွေး
၂ ဥ အတွင်းမှာ သန္ဓေတည်ပြီးမွေးတယ် ဥပမာ ကြက်
၃ အစိုဓာတ်ရှိရာမှာ ငြိကပ် သန္ဓေတည်ပြီးမွေးတယ် ဥပမာ ခြင်
၄ အထင်အရှား ဘွားကနဲ့ပေါ်လာပြီး မွေးတယ် ဥပမာ နတ်
လူရဲ့ထူးခြားချက်က အဆိုပါမွေးဖွားနည်း လေးခုလုံးနဲ့ မွေးဖွားနိုင်တယ်
ကမ္ဘာဦးလူသားတွေဟာ ၄ အနေနဲ့ မွေးဖွားလာတယ်လို့ အဂ္ဂညသုတ္တန်မှာ မိန့်ဆိုဖူးတယ်
ဒီတော့ သူမဟာ သရက်ပင်အောက်မှာ ၄အတိုင်း မွေးသူပေါ့ သို့တည်းမဟုတ် သရက်ပင်ရဲ့ အစောင့်အလျှောက်နဲ့ မွေးဖွားကြီးပြင်းလာသူပေါ့ ဒါကတော့ သူမရဲ့ စိတ်ဆန္ဒကြောင့် ဖြစ်တယ်ရတာပါ
သရက်ပင်က မွေးဖွားလာသူဆိုတော့ မယုံကြည်မှု ရှိကောင်းရှိနိုင်ပါတယ် ဒေသနာတော်တွေမှာ မကျဥ်းပင်က မွေးသူတို့ မြန်မာရာဇဝင်မှာ ဝါးပင်က မွေးသူတို့လည်း ရှိတယ်မဟုတ်လား
ထူးထူးခြားခြား မွေးဖွားလာသူဖြစ်သည့်အလျှောက် သူမရဲ့ ရုပ်ရည်အသွင်အပြင်ဟာလည်း တစ်မူထူးခြားတယ် ပစ်မျိုးမှည့်မထင် လှပသူလို့ဆိုတယ်
ရှေးခေတ်အန္ဒိယမှာ ဒီလှပမှုကပဲ သူတို့အတွက် ကျိန်စာတစ်ခုလိုပါပဲ ဒါကြောင့်ပဲ ထင်ရှားပြီးလှပသူအချို့ဟာ စောစောစီးစီး အိမ်ထောင်ပြုကြတာ မိဘက အိမ်ထောင်ပြုစေတာမျိုးဖြစ်လိမ့်မယ်ထင်တယ် ဥပမာ ဝိသာခါ ငယ်စဥ်ကတည်းက သောတပန်ဖြစ်ပေမယ့် အရွယ်ရောက်လာတော့ မိဘက ဘာသာခြားတစ်ဦးနဲ့ လက်ဆက်ပေးတာမျိုးပေါ့
ဆေးဆရာကြီးဇီဝကရဲ့ မိခင်နဲ့နှမဟာလည်း ဒီသဘောနဲ့ ပြည့်တန်ဆာဖြစ်ခဲ့ဟန်ရှိတယ်
သူမကတော့ သရက်ပင်က မွေးဖွားသည့်အလျှောက် ထိမ်းသိမ်းစောင့်ရှောက်မယ့် မိဘဆွေမျိုးအသိုင်းအဝိုင်း ရှိဟန်မတူဘူး ဒါကြောင့်ဘဲ ဒီဘဝကိုရောက်စေတာနေမှာပါ
လိုချင်သူတွေဝိုင်းဝိုင်းလည်နေသူတစ်ယောက်ကို တစ်ဦးတစ်ယောက်ရဲ့ ပိုင်ဆိုင်မှုထက် အများဆိုင်ဆိုတဲ့ ပုံစံမျိုးနဲ့ ဘုရင်က သတ်မှတ်ပေးတယ်
ပြည့်တန်ဆာပေါ့ ဒါပေမယ့် ဘုရင်ကိုယ်တိုင်ရဲ့ အဆုံးအဖြတ်ဖြစ်တဲ့အတွက် ဘုရင့်ရဲ့ အထောက်အပံ့များစွာ ရတာမျိုးတော့ရှိတယ် သတ်မှတ်နှုံးထား အဆောင်အယောင် အခြွေအရံစတာမျိုးတွေပေါ့
ဒါပေမယ့် သူမဟာ နိမ့်ကျတဲ့အခြေမနေမှာပဲ ကိုယ်စွမ်းဉာဏ်စွမ်းချို့တဲ့ပြီး ဆုပ်ယုတ်သွားမယ့်သူမျိုးမဟုတ်ပါဘူး ဘုရားရှင် ဝေသာလီပြည်ဖက်ကို ကြွလာတော်မူတုံးက ဘုရင် မင်းညီမင်းသားတို့ထက်အရင် ဘုရားကို ဆွမ်းကပ်နိုင်သူဖြစ်တယ်
တဖက်ပြည်က ဗိန္ဗိသာရမင်းနဲ့ရရှိခဲ့တဲ့ သားတော်ဟာလည်း ဝိမလကောဏ္ဍည ရန္တာတစ်ပါးအဖြစ် မြတ်ဗုဒ္ဓသာသနာမှာရှိပါတယ်
သူမကိုယ်တိုင်လည်း ဘဝနှောင်းပိုင်းမှာ သူမရဲ့ဘဝအစဥ်အလျှောက်ကို သတိသံဝေဂယူရင်း ရဟန္တာထေရီမအဖြစ် ဘဝဇာတ်သိမ်းသွားသူတစ်ယောက်ဖြစ်ပါတယ်
အတိတ်
.........
ဖုဿဘုရားရှင်လက်ထက်က နှမတော်တစ်ယောက်ဖြစ်ပြီး မောင်တော်မြတ်ဘုရားကို ကုသိုလ်ပြုဆုပန်ရာမှာ ဖြစ်ရာဘဝတိုင်း လှပသူတစ်ယောက်ဖြစ်ရပါလို၏တဲ့ မြင့်မြတ်တဲ့တရားအသိဉာဏ်ထက် သာမန်အလှအပရေးရာကို စိတ်ညွှတ်ဆုတောင်းခဲ့ခြင်းက သူမအဖို့ ဒုက္ခနဲ့သံသရာရှည်ဖို့ဖြစ်လာတယ်
ကဿဖဘုရားရှင်လက်ထက်မှာလည်း ထေရီမဖြစ် တရားကျင့်ကြံရင်း မိခင်ဝမ်းမှာ သန္ဓေတည်ရမှာကို ကြောက်ရွံ၍ ဆုတောင်းခဲ့သည့်အလျှောက် ဂေါတမဗုဒ္ဓလက်ထက်မှာ သရက်ပင်အောက်မှာ ကိုယ်ထင်ဖွားနည်းနဲ့ မွေးဖွားလာသူတစ်ယောက်ဖြစ်လာခဲ့တယ်
ဒီလိုထင်ရှားသူတစ်ယောက်ဟာ ထူးခြားတဲ့ အသိဉာဏ်ရှိလာမယ့် ဘဝမှာတောင် ဘာကြောင့် ပြည့်တန်ဆာဘဝနဲ့ ဖြတ်သန်းခဲ့ရလည်းဆိုတော့ သိခီမြတ်စွာဘုရားလက်ထက်မှာ သူမဟာ ထေရီတစ်ပါးပါပဲ ဘုရားရင်ပြင်မှာ တံတွေးထွေးလိုက်မိတဲ့ ရဟန္တာထေရီတစ်ပါးကို ပြည့်တန်ဆာမ အပျက်မလို့ နှုတ်ကဆဲရေးအပြစ်တင်မိလို့ပါ
သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ်နှင့်ရွှေပန်းထိမ်လုပ်ငန်း
koloneypoe.blogspot.com
No comments:
Post a Comment