........................................
ဝိပ္ပတ္တိတရားလေးပါး ဆိုတာကတော့
ဂတိ ဝိပတ္တိ ကောင်းမွန်သောဘဝမှာ မဖြစ်ခြင်း
ဥပတိ ဝိပတ္တိ ရုပ်အဆင်း ချို့တဲ့ခြင်း
ကာလ ဝိပတ္တိ ခေတ်ကာလမကောင်းခြင်း
ပယောပ ဝိပတ္တိ ဉာဏ်ပညာ ဝီရိယ နိမ့်ကျခြင်း တဲ့
ကောင်းမွန်သောဘဝမှာ မဖြစ်ခြင်းဆိုတာကတော့ ငရဲ တိရိစ္ဆာန် ပြိတ္တာကစလို့ လူ့ဘဝရခဲ့သည့်တိုင်အောင် နိမ့်ကျသောမျိုးရိုး ကိုယ်ကျင့်တရား ချို့တဲ့တဲ့ မိဘရဲ့ဝမ်းမှာ သန္ဓေတည်ရတာမျိုးပါ
ရုပ်အဆင်းချို့တဲ့ခြင်းဆိုတာကတော့ ရှင်းပြဖို့တောင်လိုမယ်မထင်ပါဘူး အချို့ တိရိစ္ဆာန်ခြင်းအတူတူ အလှမွေးခွေးလေးတွေနဲ့ လမ်းဘေးက ခွေးဝဲစားရဲဘဝဟာ ရုပ်အဆင်းလေးတစ်ခုနဲ့ ခြားနားချင်တိုင်း ခြားနားနေပါတယ်
ခေတ်ကာလမကောင်းခြင်း ဆိုတာကတော့ ကိုယ်ရှင်သန်ကြီးပြင်းရာနေရာဟာ စစ်ပွဲတွေနဲ့ သတ်ဖြတ်နေတာမျိုး တစ်မင်းတအာဏာနဲ့ ကျီးလန့်စာစားနေနေရတာမျိုး ရောဂါဘယထူပြောတဲ့ အချိန်မှာဖြစ်နေတာမျိုး မင်းအစိုရရဲ့ စီမံခန့်ခွဲမှုညံ့ဖြင်းတာကြောင့် ငတ်မွတ်ခေါင်းပါးတဲ့ အချိန်မျိုးမှာဖြစ်နေတာမျိုးကို ဆိုလိုပါတယ် တနည်းအားဖြင့် မင်းဆိုးမင်းညစ်အောက်မှာ နေရတာမျိုးပေါ့
မိဖသော်၄င်း ရုပ်အဆင်းအင်္ဂါသော်၄င်း ခေတ်ကာလသော်၄င်း အဲ့ဒီသုံးပါးကတော့ ကံအားလျော်စွာ ဖြစ်ရတာမျိုးဆိုတော့ ကိုယ့်မှာရွေးချယ်ပိုင်ခွင့်မရှိပါဘူး
နောက်ဆုံးတစ်ခုဖြစ်တဲ့ ဉာဏ်ပညာဝီရိယ မနိမ့်ကျဘူးဆိုရင် ရူးနှမ်းနေတာမျိုးမဟုတ်ရင် ရုန်းထွက်လို့ရပါတယ်
နိမ့်ကျတဲ့အသိုင်းအဝိုင်းမှာ ဖြစ်စေအုံးတော့ ရုပ်အဆင်းမလှပစေအုံးတော့ ဉာဏ်ပညာဝီရိယနဲ့ ထိုးထွက်လို့ရနိုင်တာပဲ
ခေတ်ကာလ ဘယ်လောက်ပင်မကောင်းစေအုံးတော့ တစ်ရွာမပြောင်း သူကောင်းမဖြစ်ဆိုသလို ကိုယ်နဲ့သဟာဇာတဖြစ်ရာကို ရေကြည်ရာမျက်နု လှည့်လည်နေထိုင်နိုင်တာပဲမဟုတ်လား
သန်းထွန်းလေး (အင်းတဲရွာ)
အောင်ညီကိုရွှေထည်စက်ဖြတ်လုပ်ငန်း
No comments:
Post a Comment