.............
ရှေးယခင်များက ကျုပ်တို့တောရွာတွေမှာဖြင့် ရပ်ရွာသူကြီးဖြစ်ဖို့ရာအတွက် ရွေးကောက်ပွဲရယ်လို့ မရှိပါဘူးဗျာ
သူကြီးနေရာ လစ်လပ်နေမှဖြင့် ရွာဦးကျောင်းဆရာတော်က ရပ်ရွာထဲက လူကြီးတွေခေါ်ပြီး ဘယ်သူ့ကို သူကြီးမြှောက်သင့်သလဲ မေးရဲ့မြန်းရဲ့
ဒီအခါမှာ ဘယ်သူကဖြင့် အသိဉာဏ်ပညာရှိ၏မရှိ၏ အကျင့်အနေအထိုင် ကောင်း၏မကောင်း၏ အသောက်အစား ကင်း၏မကင်း၏ လျှောက်ထားပြီး ဘယ်သူဆိုပြီးရွေးကြတာကိုး
ဒီနေရာမှာလည်း အဲ့ဒီလူကြီးတွေက အဂတိလိုက်ပြီး နီးစပ်ရာလက်သိပ်ထိုးလို့ ရတာမျိုးမဟုတ်ဘူးရယ်
အဲဲဒီသူကြီး ပြူမူလုပ်ဆောင်သမျှ ထောက်ခံခဲ့တဲ့ လူကြီးတွေကအားလုံးတာဝန်ယူရတာမျိုး တစ်ခုခု အကြောင်းကိစ္စဖြစ်လာပါပြီတဲ့ ဆရာတော်က အဲ့ဒီထောက်ခံခဲ့တဲ့ လူကြီးတွေကို အရင်တာဝန်ယူ ဖြေရှင်းခိုင်းတာဆိုတော့ သူတို့လည်း အတော်စဥ်းစဥ်းစားစား ချင့်ချင့်ချိန်ချိန်ရွေးရတာမျိုး
ခုတော့ ခေတ်စနစ်တွေက ပြောင်းလဲလာပြီမဟုတ်လား ဘယ်နေရာလေး ဘယ်ရာထူးလေးဆိုတာနဲ့ အများဆန္ဒဆိုတဲ့ ရွေးကောက်ပွဲလေး ကျင်းပလိုက်ရမှမဟုတ်လား
ဒီတော့ အသ်အသိဉာဏ်ပညာရှိသူ အကျင့်အနေအထိုင်ကောင်းသူ အသောက်အစားကင်းသူတွေထက် အပေါင်းအသင်းဝင်ဆံ့သူ ဥစ္စာဓနပြည့်စုံသူတို့က တစ်ပန်းသာလာတယ်
မဲပေးရွေးချယ်သူတို့ဖက်လည်း ပြန်ကြည့်အုံး သူတို့မဲပေးသူရဲ့ အကောင်းအကျိုးအဆိုးအပြစ်ကို သူတို့တာဝန်မယူရတော့ ကိုယ်နဲ့ အလွမ်းသင့်ရာ ခင်မင်ရင်းနီးရာ လက်ဆောင်ပဏ္ဏာလေးရရှိရာ ထည့်ကြတာမျိုးရှိလာနိုင်တယ်မဟုတ်လား
ရှေးထုံးတွေမှာလည်း ကောင်းတာတွေအများအပြား ခေတ်ကာလအရ မစီလျော်လို့ ပြုပြင်သင့်တာတွေရှိပေမယ့် အားလုံးမုချပြောင်းလည်းရမှ ဖြစ်မယ်လို့တော့ မထင်ပါဘူး
,............................
သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ်လုပ်ငန်း
No comments:
Post a Comment