♕ ♕ ♕ ♕ ♕ ♕ ♕
မြတ်ကဝေ လေးမြတ်ဗြဟ္မစိုရ် မဖင့်သူက
အမတ်တေွရွေးသကို အခွင့်တွင်မှ
ခွေးလိုကျင့်စေဘို့ အဖွင့်ကျမ်းဋိကာ
(အိုကွယ်)အရေးဆိုသနှင့် အခွင့်အလမ်းညီသကွာ
သြော် ခေါင် ပထမပေပေါ့
အချောင်ရနေကြ မောင်ဘဖေတပည့်ဒါယကာရင်းကိုဖြင့်
တောင်ကျရေ သိသိသာသာဆင်းသလိုပ
မြစ်မင်းရေကြည်ဖြာတဲ့
ရွှေပြည်အညာ ခေတ်ဝနာတဝှမ်းဆီက
ရေသီတာ မေတ္တာအမွန်းတွေနှင့်
လွမ်းရတဲ့ ငါဆရာမှာနော်ကွယ်
အရွန်းလဲမခနဲ့ပါဘု အကျွမ်းတပည့်ရင်းတွေမို့
သြော်....သွမ်းမလှည့်သော်လည်း သွန်းရဲ့အခါခါ
ကျွေးတဲ့မွေးတဲ့သခင်မင့်တွင် ယုံမြောက်စားအောင်ပ
ခွေးရဲအသွင်ကျင့်စဉ် ဂုဏ်ခြောက်ပါးရယ်နှင့်
အလုံအလောက်ထားရင်ဖြင့် ကျွန်တင့်စရာ
အို..ဝန်မင်းအရာငယ်နှင့် ခမျာသပိတ်အကြောင်း
(အရီးစိမ်းရယ်)အခွန်မြင့်သဟာကု်ိတော့ ဆရာစိတ်မကောင်း
ဓမ္မတာ သြဇာ ဆရာဟောရက
တည်သောအခါ ပတ္တရောင် လှည့်ပြန်တော့
တပည့််မတာတေလန်တို့ စာပေမအံတစ်ပုဒ်နှစ်ပုဒ်မညီးတဲ့အပြင်
ဝါသနာအခြေခံအလုပ်ကြီးပေထင့်
တုတ်စီးကာတမျိုးတဖုံဆန်းတဲ့ပြင်
ကြိုးခုန်တမ်း ကစားသဟာတွေကို များစွာမှမိလေတော့
မချိအောင် ပြစ်ဒဏ်ပေးခဲ့တဲ့ပြင်
မဝေးမကွာ တစ်မြှောက်နှစ်မြှောက်လျှောက်ခဲ့တော့
တောင်အောက်တခို့ ချုံနိမိတ်ကယ်နှင့်
ချောင်ချောက်အရူ်ိ့ရိူ့ ဝါးရုံရိပ်တွင်မှ
ယုန်အိပ်သလို ဒါယိကာမ သန်းတို့ကိုဖြင့်
(သြော်)သမထလမ်းညစခန်းတွင်မှ မရမကဇမ်းရောသကွဲ့လို့
မစန်း စက်ရာမှာ ဘသန်း တခွက်ကွာလို့ နှိုးသလိုပ
တိုးတိုးကလေး အသာအသာလှုပ်တဲပြီး
ဘာလုပ်မယ်ကမ္မဌာန်း မထိုင်ကြသလဲလို့
စတိုင်ကျအောင် ဆရာပြောတဲ့ပြင်
အညာတောတခွင် ကျုပ်တို့စစ်ကိုင်းတွင်ဖြင့်
လမိုင်းပုံ တဂုဏ်လှပေတဲ့ ပုညရှင်တောင်အတက်တွင်မှ
အောင်နက်အူသံ ကြားခဲ့ရတဲ့ပြင်
ချောင်တဖက် ဆူဆူညံညံစကားတွေနှင့်
ဘုရားရင်ပြင် အဝင်စမုတ်တွင်မှ
သင်ပုဒ်ပလ္လင်မှာ ညောင်ရေလာင်းပါလို့
ပူးသတ်အကျော်အမော် မျုးမတ်ကတော်အပေါင်းတွင်ဖြင့်
(သြော်)ရထားအဆောင်ဆောင် ကားတွေနဲ့အများဘောင်ကြွားနိုင်တဲ့
ငါးထောင်စားကြီး သူမြတ်လောင်းရယ်နှင့်
ဘဝသံသာရာမှာ ကျမကံပါလို့ ပေါင်းပေါင်းပြီး
ဒြပ်လည်းပေါ်အောင်ဘုရား အမတ်ကြီးကတော်ဖြစ်ကြောင်းရယ်နှင့်
အခုလိုဆုကိုတောင်းရှာတဲ့ ကျောင်းအမကြီးဒေါ်ရွေစိမ်းကိုဖြင့်
မဟော်ကဝေ ယိမ်းအခြေပြုပါလို့
ပြည်သူအပူကု်ိ ဝေစုယူချင်တဲ့အမတ်တွေကြောင့်
အကျပ်တခါကြုံလိုမို့
ရတနာပုံ တသုတ်အမောတွင်မှ ဓမ္မရုံ အချုပ်သဘောပေပေါ့
ဗုဒ္ဓ ယောဆရာမဟာထေရ်ရဲ့ သုတ်ဟောဋ္ဌကထာအလာမိ၍
ဝါသနာဝသီ ခွေးကျင့်တရားကု်ိဖြင့်
ပါရမီတဖြည်းဖြည်း မြင့်ဘု်ိ့ထားတဲ့ပြင်
စောဘဂဝ သာသနာမှာ တောရဆရာတပါးပေမို့
ကျွန်ခေတ်အခါကု်ိ မေတ္တာနှင့် သနားလေတော့
လောဘရမက်သနဲသူကု်ိ ဒေါသမျက်မာန်ပွားသနဲ့
(အမယ်မင်း)အများဘောင်၌အမှားမှောင်မိုက်ချင်တဲ့
ငါးထောင်ကြိုက် အမတ်ကတော်လောင်းကု်ိဖြင့်
(ဝန်မင်းရယ်)ဘုရားတောင်တစ်ဝိုက် ဇရပ်ပေါ်မှာထောင်း
➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳
သခင်ကိုယ်တော်မှိုင်း
ခွေးဋိကာ စာအုပ်မှ
No comments:
Post a Comment