မြိုင်ရာဇာတွတ်ပီ ကျွန်ုပ်နှင့်အဏ္ဏဝါဒေဝီစာအုပ်မှ ပြင်သင့်တဲ့နှစ်နေရာ

 မြိုင်ရာဇာတွတ်ပီ ကျွန်ုပ်နှင့်အဏ္ဏဝါဒေဝီစာအုပ်မှ ပြင်သင့်တဲ့နှစ်နေရာ

.

အဆိုပါစာအုပ်က ဇာတ်လမ်းချိတ်ဆက်မှုအရည်အသွေးအတော်မြင့်မားပြီး ပုံမှန်အားဖြင့် ဆရာတွတ်တို့နဲ့လားလားမှသက်ဆိုင်စရာမရှိတဲ့ ပင်လယ်ဓားပြတွေပါဝင်တာမို့ မြိုင်ရာဇာတွတ်ပီ ဇာတ်လမ်းတွေထဲမတော့ ရှားရှားပါးပါးနဲ့ တွေ့ရခဲတဲ့ (ကိုယ့်အထင်ဒီတအုပ်ပဲရှိလိမ့်မယ်ထင်တယ်)ပင်လယ်ဓားပြတွေပါဝင်တဲ့ဇာတ်လမ်းလို့ဆိုရမှာပါ

ခုပြင်သင့်တယ်ဆိုတာက မုန်တိုင်းတို့ ပင်လယ်ဓားပြဖြစ်ကြတော့ နောက်လိုက်အဖြစ် ဇော်ဒိန်ဆိုတဲ့ ကချင်လူငယ်လေးကို အကူအဖြစ်ခေါ်ခဲ့တယ်လို့ပထမဆိုတယ်

ပင်လယ်ခရီးကြမ်းမှာ အကူခေါ်တယ်ဆိုတော့ အသက်ကအနည်းဆုံးဆယ်နှစ်ဝန်းကျင်လောက်ဖြစ်မယ်လို့ ယူဆရမှာပေါ့ ဒီထက်ငယ်နေရင် ခိုင်းရတာထက်ဝန်တာပိုရုံသက်သက်ဖြစ်နေမယ်မဟုတ်လား

နောက်တော့ ပင်လယ်ဓားပြကြီးမှာ သမီးကလေးမွေးတယ် ထိုသမီးလေးနဲ့ ဇော်ဒိန်တို့ရည်ငံသွားကြတယ်ပေါ့ ဒီနေရာမှာ အသက်မတိမ်းမယိမ်းမို့ဆိုတဲ့စကားလုံးလေးသုံးထားတာတမျိုးကြီးဖြစ်နေတယ် အမှန်တော့ သုံးလေးနှစ်တင်မဟုတ်ဘူးလေ ဆယ်နှစ်ဝန်းကျင်ကွာတာမဟုတ်လား ဒီတော့ မတိမ်းမယိမ်းဆိုတဲ့စကားက အနည်းငယ်ဘဝင်မကျစရာ

ဇော်ဒိန်က မုန်တိုင်းကြီးတို့ပင်လယ်ဓါးပြစလုပ်ကတည်းက ပါခဲ့တာမျိုးမဟုတ်ဘဲ သမီးလေးမွေးပြီးနောက်များအကြာမှ အကြောင်းကြောင်းကြောင့် ရောက်လာတယ်ဆိုရင်ပိုကောင်းလေမလားလို့ ဒါကပထမအချက်

ဒုတိယအချက်က ဇော်ဒိန်ကသူလျှိုလုပ်တဲ့ကိစ္စ

မုန်တိုင်းကြီးကိုယ်တိုင်က သူ့သမီး အဏ္ဏဝါဒေဝီနဲ့ ဘဝင်မကျသည့်တိုင် သဘောတူစေ့စပ်ပေးပြီးမှ ဇော်ဒိန်က ဘာကြောင့်သစ္စာဖောက်နေဖို့လိုအုံးမှာလဲ

တကယ်လို့ မုန်တိုင်းကြီးက သဘောမတူလို့ ညှင်းပမ်းနှိုပ်စက်လို့ဆိုရင် ဒါမှမဟုတ် ဇော်ဒိန်က ငယ်စဉ်ကတည်းကပင်လယ်ဓါးပြလုပ်ခဲ့တာမဟုတ်ဘဲ အရွယ်ရောက်ပြီးမှရောက်လာတာမျိုးဆိုရင်တော့ အပြင်လောကနဲ့ကွာခြားမှုကိုသိလို့ ပင်လယ်ဓါးပြအလုပ်ကိုမနှစ်မြိုနိုင်တာမျိုးဖြစ်ကောင်းဖြစ်နိုင်တယ် ဒါမှမဟုတ် တင်မင်ကိုဖြိုခွဲဖို့ ဝင်ရောက်လာတာမျိုးဆိုရင်ပိုကောင်းလေမလားလို့ပါ

ခုက ဇော်ဒိန်က သစ္စာဖောက်မယ်သာဖောက်ရတာ သစ္စာဖောက်ရလောက်အောင် နှိုးစွနိုင်မယ့် လုံလောက်တဲ့

အကြောင်းအရင်းမရှိဘူး သိပ်မခိုင်မာလှဘူး လို့ယူဆမိတယ်

ဘဝင်ကျချင်ရင်တော့ ဒီလိုတွေးလို့တော့ရတာပေါ့ လူ့စိတ်ပဲဟာ ရုတ်ချည်းပြောင်းလဲတတ်တာသဘာဝပဲကိုး

.

.

ညွှန်းဆိုခဲ့တဲ့အဆိုပါ စာအုပ်တွေကို doh khit ယူကျုချန်နယ်မှာ #အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်

လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော

။

။

ဒါမှမဟုတ် စာအုပ်ဝယ်ဖတ်မယ်ဆိုရင်လည်း ‌ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ