NUG မှာ သူကြီးဘစီလိုအပ်နေသလား ...? 😁
____________
တို့ရွာထဲမှာလူများစွာ ချမ်းသာကိုယ်စိတ်အမြဲပါစေ... စာအုပ်နှင့် အတွေးစ
။
အကြီးအကဲတယောက်မှာ ဩဇာနဲ့အရှိန်အဝါဆိုတာ တကယ်လိုအပ်ပါလားလို့တွေးမိစေတာက ဒီစာအုပ်ဖတ်အပြီးပါ
အဆိုပါစာအုပ်မှာ အတီးဝက်သားပေါ်ရောင်းတဲ့ကိစ္စ ဖြေရှင်းဖို့ ဆရာတွတ်ရောက်သွားချိန်မှာ သူကြိုတင်စဉ်းစားခဲ့တဲ့
ထင်မြင်ချက်နဲ့ ခံစားချက်တွေရောထွေးလို့ အများပြောသမျှသံယောင်လျှောက်လိုက်နေမိကာ ပြဿနာရဲ့လိုရင်း ဖြေရှင်းတဲ့ဆီမရောက်ဘဲ အော်ကြီးဟစ်ကျယ်သာ ခွန်းတုံ့စကားဆိုရင်း စကားသာများပြီး အရာမရောက်ဖြစ်နေတယ်
ဒီအချိန်မှာ သူကြီးဘစီ လှည်းကလေးနဲ့ရောက်ချလာလို့
တယောက်တပေါက် ပွက်လောရိုက်အောင်ငြင်ခုံနေမှုကို ကျွတ်ကျွတ်ညံနေတဲ့ ဘေးတီးစကားသံတွေကို ငြှိမ်းဖို့ ပထမဆုံး ဟောက်သင့်သူကိုဟောက် ငေါက်သင့်သူကိုအရင်ငေါက်လိုက်တယ်
ပြီးတော့ ပြဿနာရဲ့ မူလဇစ်မြစ်က ပါဝင်ပတ်သက်သူတွေကို တယောက်ချင်းခေါ်လို့ ရေရာတိကျတဲ့ အဖြေရသည်အထိ စစ်မေးတယ်
ထိုထွက်ဆိုချက်တွေကို ယာယီအတည်ပြုချက်အဖြစ်မှတ်ယူလို့ ထပ်ဆင့်စုံစမ်းမှုတွေကနေ ခြားနားတဲ့အဖြေတွေ
ရလာခဲ့ရင် ထွက်ဆိုခဲ့တဲ့စကားတွေအတွက် တာဝန်ယူရမယ် ပြစ်မှုထင်ရှားရင် ကြီးလေးတဲ့အပြစ်ဒဏ်ခံရမယ်လို့ကြိမ်းတယ် ပြောဆိုသတိပေးတယ်ပေါ့
ဒါပါပဲ
ဆရာတွတ်ခမျာ အတီးနဲ့ လူပျိုကြီးအကြား လုံးလည်ချာလိုက်လို့ တမနက်လုံး မေးရိုးထောင်သည်အထိ အသံပြာသည်အထိ ဘယ်လိုရှင်းရှင်းမရတဲ့ပြဿနာက သူကြီးရှင်းတော့ လှည်းပေါ်ကတောင်ဆင်းစရာမလိုဘူး မိနစ်ပိုင်းတောင်မကြာဘူး
မကြည်ပြာကိစ္စ ရှင်းလင်းပွဲ အစအဆုံးတော့စောင့်မကြည့်ဖြစ်ပါဘူး ဒါပေမယ့်တွေ့ရသလောက် ရှင်းမှပိုရှုပ်နေသလေသလား NUG မှာ သူကြီဘစီ လိုနေသလားလို့ပါ 😄
။
။
အဆိုပါ စာအုပ်တွေကို Doh Khit ယူကျုချန်နယ်မှာ #အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်
လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော
။
။
ဒါမှမဟုတ်
စာအုပ်ဝယ်ဖတ်မယ်ဆိုရင်လည်း မူရင်းဖန်တီးသူရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment