ယောက်ျား (ယောက်ကျား) - ယောင်္ကျား (ယောင်ကျား)
.
တချို့က ဒီအသုံးလေးမှာထွေးနေတတ်ကြတယ်
အလွယ်လုပ်တာလို့မဆိုနိုင်ဘူး ဘာကြောင့်လည်းဆိုတော့ အမှားရေးဖို့က ပိုတောင်ကြာပြီး ခက်ခဲတာကိုး
လျှန်းလို့မှားတဲ့ သတ်ပုံလေးလို့ဆိုရမယ်ထင်တယ်
အမှန်ကသတိလေးကပ်ပြီး သတ်ပုံလေးကို နှုတ်ကရွတ်ဆိုကြည့်ရင်ကို အမှန်ကပေါ်ပါတယ်
ယောက်ျားဆိုတဲ့ဒီရေးထုံးက ကကြီးနှစ်လုံးဆင့်ကိုမထွေးရလေအောင် တမင်ဖျောက်ထားတာပါ
ဖြည်လိုက်ရင် ယောက်ကျား ပေါ့ဗျာ
ဒါကိုတချို့ကလျှမ်းပြီး ကင်းစီးလို့ခေါ်တဲ့ အပေါ်ကိုတင်ရတဲ့ ငသတ်သေးသေးလေးကိုသုံးလို့
ယောင်္ကျား လို့ရေးတာမျိုးတွေ့ဖူးတယ်
ဒီသတ်ပုံလေးက ယူနီကုတ်မှာ ရေးရတာနည်းနည်းလက်ဝင်တယ် ယောက်ျားလောက်မလွယ်ဘူး
သဝေထိုး ယပက်လက်ရေးချ ငသတ်ရေးပြီး စာဆင့်တဲ့အပေါင်းလက္ခဏာလေးနှိုပ်ပြီးမှ ကကြီးယပင့်ရေးချဝစ္စနှစ်လုံးပေါက်လို့ ရေးရတာကိုး
ဒါကိုဖြည်လိုက်ရင် ယောင်ကျားလို့ ဖြစ်သွားတာပေါ့ဗျာ
မှားတယ်လို့တော့မဆိုနိုင်ပါဘူး
ယောင်တောင်တောင် ကျားတွေအတွက် ဖြစ်သင့်ပါတယ်ပေါ့ဗျာ 😁
.
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
No comments:
Post a Comment