။
မအလ အတင်းအဓမ္မအာဏာသိမ်းစဉ်ကာလအစောပိုင်းက ကိုယ့်တိုင်းပြည်အရေးအရာကို လာရောက်ဖြေရှင်းပေးမယ့် အဖွဲ့အစည်းတွေ နိုင်ငံတွေ မျှော်လင့်မိကြတာ အရိုးစွဲနေတဲ့ သူရဲကောင်းမျှော်ဝါဒကြောင့်ထင်ရဲ့
ဒီထဲကမှ သူ့ဆီကနေထပ်ဆင့်လုယူသူပေါ်ပေါက်လာရင်လည်း မဆိုးဘူးဟ အပြောင်းအလဲတခုဖြစ်တန်ကောင်းရဲ့ ကောင်းသောလားရာ ဖြစ်တန်ကောင်းရဲ့လို့ စကားချီပြီး ကိုယ်ကဆိုတော့ ကိုယ့်အစ်ကိုက ပုံလေးတခုပြောပြတယ်
______________________________
တခါက ကနောင်မင်းသားကြီးဟာ မင်းနဲ့တော်ဝင်မိသားစုဖြစ်တဲ့သူတို့အပေါ် ပြည်သူတွေဘယ်လိုသဘောထားလဲဆိုတာသိချင်တာနဲ့ တောရပ်ရွာဆီရုပ်ဖျက်ထွက်လာခိုက် တောင်သူကြီးတဦးနဲ့ စကားစမြည်ပြောရင်း စနည်းနာကြည့်သတဲ့
ဘဝရှင် မင်းတုန်းမင်းတရားလက်ထက်တော်မှာ တိုင်းပြည်သာယာအေးချမ်းပြီး တိုးတက်မှုရှိလာတာအမှန်ပဲဗျနော်
သူတည်ခဲ့တဲ့ ရတနာပုံရွှေမြို့တော်ကြီးကလည်း ခန့်ညားထည်ဝါ လှပပါဘိသနဲ့
မသိပါဘူးဗျာ ကျုပ်တို့ရွာမှာတော့ဒီအတိုင်းပါပဲ
ဘုရင်တွေက သူတို့မြို့တည်နန်းတည်မင်းတြားဘွဲ့ခံလိုတာနဲ့ တမင်းတက်တိုင်း တမြို့တည်ဖို့ အခွန်ချည်းလှိမ့်ကောက်နေတော့ စားဖို့တောင်အနိုင်နိုင်ရယ်ပါ လို့ တောင်သူကြီးကဆိုသတဲ့
ဒီတော့ အင်း..နောင်တော့်အပေါ်အမြင်တော့သိပ်မကြည်လှချေဘူး ငါအပေါ်ကောဘယ်လိုမြင်လဲ အကဲစမ်းကြည့်အုံးမှပဲလို့တွေးပြီး
အိမ်ရှေ့စံ ကနောင်ကိုယ်တော်လေးကတော့ ဒီလိုဟုတ်ဟန်မတူဘူးဗျနော်လို့ စကားမဆုံးခင်မှာပဲ
တောင်သူကြီးက
ဒီမအေဘေးမျိုးတွေဆိုတော့ ဒီအချိုးချည်းနေမှာပါမောင်ရာ 😄 တဲ့
______________________________
ကိုယ့်အစ်ကိုက ဒါလေးပြောပြပြီး အဖွဲ့အစည်းတခုလုံးကိုက ပုတ်ပွနေတာ ဘယ်သူ့ဆီက ဘယ်သူပြန်သိမ်းသိမ်း အာဏာငမ်းဖမ်းလို့ အာသာငမ်းငမ်းလိုချင်နေကြသူတွေချည်းပါ
ဘယ်ခွေးသတောင်းစားမှ ပြည်သူကိုမျက်နှာမူမှာ ကိုယ်စားပြုမှာမဟုတ်ပါဘူး
ဒီမအေဘေးမျိုးတွေက ဒီအချိုးချည်းလာမှာပါကွာ
မျှော်လင့်မနေပါနဲ့တဲ့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment