။
စာအုပ်စာပေနဲ့ခိုင်ခိုင်ခံ့ခံ့ရှိတာက ရေဆေးငါးသဏ္ဍာန် မျှစ်စို့ကြီးအလား ဝဝလှလှ ကျောင်းနေဖက် ကုန်းဘောင်သူပျိုဖြူကြီးကို သဘောအကျကြီးကျလို့ ဒေသတွင်းလက်ဝှေ့ပွဲမှာ ယောက္ဖလောင်းဗိုက်ကလေးကိုအနိုင်ထိုးဖို့ ဝေဝါးတွေဝေနေတဲ့ "ကြိုးဝိုင်းထဲကအချစ်" ဆိုတဲ့စာအုပ်ပါ
ဒီစာအုပ်ကို ကိုယ်ငယ်ငယ်က ဖတ်ကောင်းဖတ်ခဲ့ဖူးမယ်ထင်တယ် ဒါပေမယ့်စိတ်ထဲစွဲနေအောင်အထိ မှတ်မှတ်သားသားမရှိခဲ့ဘူးဗျ နောက်ပိုင်း "ဒို့ခေတ်တော်လှန်ယူကျုချန်နယ်က အမောင်နွားကျောင်းသား" ဖတ်ပြမှသာ ပြန်အမှတ်ရမိတာ
။
။
ကိုယ်စွဲနေတဲ့ ဆရာတွတ်တို့ရဲ့ဖူးစာရေးဇာတ်လမ်းလေးက ဒီလိုစာတအုပ်အနေနဲ့ ခိုင်ခိုင်ခံ့ခံ့ထွက်ခဲ့ဟန်မတူဘဲ တတိုင်းမွှေးလိုစာဆောင်မှာ အခန်းတိုအဖြစ်ပါဝင်ခဲ့တယ်လို့ထင်တယ်
ကိုယ့်ရှေ့မှာတင်ခဲ့ဖူးတဲ့ ဆရာတွတ်ဇာတ်လမ်းထဲက ပြင်စေချင်တဲ့အခန်းလေးတွေဆိုတဲ့ status မှာ Myat Thu ဆိုတဲ့တယောက်ကတော့ ရွှေသွေးမှာဖတ်ခဲ့ဖူးတယ်လို့ဆိုတယ်
ထားပါတော့ ...
။
။
ဒါပေမယ့်ဘာကြောင့်လဲမသိဘူး အဲ့ဒီဇာတ်လမ်းလေးကိုပဲ မူသေအဖြစ်စွဲနေမိတာ ဒီကနေ့ထိအောင်ပဲ
ဘယ်လောက်တောင်လဲဆိုရင် ရှေ့ခပ်စောစောက ဗိုက်ကလေးအကြောင်းရေးရာမှာ အဲ့ဒါကိုကိုင်ပြီး ရေးတာဆိုတော့ ဝိဝါဒကွဲစရာအချက်တွေအတော်လေးပါသွားတယ်
။
။
အဲ့ဒီကိုယ်စွဲနေတဲ့ ဆရာတွတ်တို့ရဲ့ ဖူးစာရေးဇာတ်လမ်းလေးက ဇာတ်လမ်းကိုတော့ အပြည့်အစုံမမှတ်မိပါဘူး အကြောင်းအရာအားဖြင့်တော့ ဒီလိုဗျ
။
ဆရာတွတ်က မြင်းတစီးနဲ့တဖက်ရွာက ချစ်သူကိုခိုးဖို့အသွားမှာ (သူ့ချစ်သူက ချောချောလေးဗျ 😁) ညမှောင်ရီ လှည်းတစီးကိုဖြတ်အကျော်
အဆိုပါလှည်းပေါ်မှာ မိခင်အိုကြီးနဲ့ သမီးပျိုလေးတယောက်
သူတို့က လူသူပြတ်ရာမှာ လှည်းဝင်ရိုးကျိုးဒုက္ခရောက်နေတာကိုး
ဒါကိုတွေ့လို့ကူညီလိုက်ရာက
အဆိုပါမိန်းမပျိုလေးမသေးမျှင်နဲ့ ဖူစာဆုံဖို့ရယ်ဖြစ်လာတာ
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
သန်းထွန်းလေး ☆ အင်းတဲရွာ
No comments:
Post a Comment