(ပထမပါရာဇိက-မေထုန်မှီဝဲက ရဟန်းဘဝဆုံးရှုံးမည်)
..
အများခေါ်တော့ သုဒိန်
သူ့နာမည်က သုဒိန္န
မြတ်ဘုရားရဲ့ ဒေသနာအကြားမှာ
လောကီဘဝလူ့လောကကဖယ်ခွာလို့
မြတ်သောအနွယ် ဘိက္ခုနွယ်ဖြစ်လိုစိတ်တဖွားဖွား
ဒီလိုနဲ့ ခုနှစ်ရက်ခှနှစ်လီ
အစာငတ်ရေဖြတ် ထက်သန်တဲ့စိတ်နဲ့
တောင်းဆိုရာမှာတော့ မိဘတို့လိုက်လျှောခဲ့ရ
ရဟန်းဘဝရောက်လေသည်မှ
ဒီခန္ဓာယုတ်အကောင်ပုတ်ကို ဒီဘဝဒီမျှနဲ့အဆက်ဖြတ်ဖို့
ခက်ပါသည်ဆိုတဲ့အကျင့် ဓုတင်အလီလီကျိုးစား
သူ့ရည်မှန်းချက်
သူ့ဘဝအတွက်
စွန့်ချင်းအမျိုးမျိုး
အားထုတ်မှုအဖုံဖုံနဲ့ အာဂယောက်ျား
နည်းပေါင်းစုံဖြည့်ကျင့်
ဝီရိယလွန် ပညာချို့ပြီထင့်လို့
သံသယစိတ်ဝင် မြတ်ဘုရားထံအမှားထောက်
ပြန်ပြင်ဆောက်မယ်လို့ ဇာတိထံပြန်ကြွ
လမ်းခရီးလတ်
လူ့ဘဝမှ ခိုင်းစေသည့်ကျွန်
ထမင်းကြွင်းသွန်ဖို့အလာ
ချစ်နှမ ပစ်မည့်အစား ငါ့ကိုလှူပါလားတဲ့
အံ့ဖွယ်စိတ်ထား
ရဿာတဏှာမရှိ
ကြည်ညိုဖွယ်အတိဘိက္ခု
ခမည်းတော်က ဆွမ်းခံအပင့်
စိန်ငွေကျောက်သံပတ္တမြား ကြွယ်ဝမှုအလီလီ
မယားဟောင်းနဲ့ပါချည်လို့ဖမ်းမည့်အကြံ
ယတိပြတ်ငြင်းဆို
ကျုပ်မယူလို ရေတွင်သာမျှောလိုကမျှောချေတော့
တချိန်ကချစ်ခင်စိတ်ပွား ဇနီးမယားကိုလည်း
နှမလက်လျှော့နေလေတော့တဲ့
ခွေယိုင်ပျော့ခွေ မူးမိုက်လေပြီး
နောက်ဆုံးဆန္ဒသားမျိုးစေ့ကိုချလေပြီးမှ
ပြတ်လိုကပြတ်ဖြတ်လိုကဖြတ် အရှင့်ဆန္ဒအတိုင်း
နှမမနှောက်ယှက်ပါတော့အဆို
မြတ်ဘုရားရဲ့ ပညတ်ချက်ထား စည်းကမ်းများကို
တွေးတော့ဆင်ခြင် မေထုန်ကဏ္ဍမပါလေတော့
ရနိုင်ကောင်းမျှ ချစ်နှမ
ထိုထိုသတင်း ရပ်တွင်းမှနယ်
မြို့ရွာအနှံ့ပျံ့နှံ့ဆင့်ပွား
မြတ်ဘုရားထံရောက်လေသော်
မချွင်းမချန်မေးမြန်းစစ်ဆေး
အမှားကိုထောက် သေချာဆုံးမဟောကြားလေပြီး
သုဒိန်ဘဝ ပမာအထားအစပြုလို့
ရဟန်းဘဝ ယှတ်လျှော့စေသည့်
ပထမဆုံးဥပဒေ ချမှတ်တယ်
ရဟန်းဘဝ မလျော့သည့်တိုင်
မိမိအမှား ဖယ်ရှားမနိုင် စိတ်ကိုယိုင်နှဲ့
တွေးမိလေတိုင်း မြင်တွေးမချိ ရှက်ရွံ့အတိမို့
ဘဝဆုံးတိုင် အမြတ်နိဗ္ဗာန်မလှန်းနိုင်တော့
သားမြတ်မျိုးစေ့ တောင်းခဲ့လေသည့်
မယားဟောင်းနဲ့ ရင်သွေးအလှသားမြတ်တို့မှာ
နောင်များအကြာသာသနာမှာ ခိုလှုံအားထုတ်
ကျိုးပမ်းလေရာ အမြတ်နိဗ္ဗာန်လှမ်းကြတယ်
ဘဝအရေးမျှော်ကာတွေးလို့
မြတ်သောစိတ်နဲ့ ဝင်ခဲ့ပြီးမှ
ကျိုးပမ်းအားထုတ်မလျှော့သည့်တိုင်
မှားသည့်အတွေးတချက်လေးက
ကဗြောင်းကဗြန်မှောက်၍လှန်သလို
ဘဝအမှောင်ဖုံးတတ်သည်မို့
ရှင်သုဒိန်ကို ပမာပြုလို့
သတိချပ်လို ရပ်စေလို.......
................................................................................................................................................
ဒါကတော့ ပထမပါရာဇိကလို့ခေါ်တဲ့
ဒီအပြစ်လုပ်ရင် ရဟန်းလို့မဆိုနိုင်တော့ဘူးလို့ဆိုရမယ့်
အပြစ်လေးခုထဲက တခုဖြစ်ပေါ်လာပုံပဲဆိုပါတော့
(ရဟန်းဘဝမှ ဆုံးရှုံးမည့် အပြစ်လေးခု
၁-မေထုန်မှီဝဲခြင်း
၂-ခိုးခြင်း
၃-လူ့အသက်သတ်ခြင်း
၄-တရားထူးရပြီဟု လိမ်လည်ပြောဆိုခြင်း)
................................................................................................................................................
မြင့်မြတ်သောစိတ် ထက်သန်သောဝီရိယတို့နဲ့
ဒီခန္ဓာ ဒီဘဝမှာ ပြတ်အောင်ကျင့်မဟဲ့လို့
သံမဏိစိတ်ဓါတ်နဲ့ဝင်ရောက်လာခဲ့ပေမယ့်
မှားယွင်းတဲ့အတွေးနဲ့လုပ်ရပ်တခုက
မူလရည်မှန်းချက်နဲ့သွေဖည်လို့
ဘဝနိဂုံးအဆုံးမလှသည်အထိ ပေးဆပ်ခဲ့ရတဲ့
သံဝေဂယူ သတိမူဖွယ်ရာ ရှင်သုဒိန်ဘဝ
သူ့ကိုသွေးဆောင် မှားအောင်ပြုသူ ဇနီးဟောင်းနဲ့
ရင်သွေးတို့ကျ သူ့ဘဝမြင်ဆင်ခြင်လို့ မြတ်တရားရ
အိုး....... ဘဝမာယာ
No comments:
Post a Comment