အပန်းဖြေခရီးလား
ငွေဆောင် ချောင်းသာ ကြိုက်ရာသွား
အပန်းပြေမှာ မုချ
လန်းစေမှာ စိတ်ချ
ဘုရားဖူးမတဲ့လား
စေတီဘုရား အစုံသွား
ပျော်ချင်လို့လား အဖော်မင်လို့လား
ဒါမှမဟုတ် ကုသိုလ်လို့ပဲ တံဆိပ်တပ်မလား
ဒီအချိန်မှာ စစ်ကိုင်းဘက် ယောင်လို့တောင် ခြေဦးမလှည့်နဲ့
အိုဇုန်းလွှာအပေါက်အောက်
တည့်တည့်ရောက်နေတာမို့
တိရစ္ဆာန်တွေလည်း သေရ
လူတွေလည်း အခြေမလှ
ရွာတွေလည်း ပြာကျ
ဗုံးသံကြောင့် မြေတုန်
ကျည်ဆန်ကြောင့် ရင်တုန်
သောကအစုံစုံနဲ့ဒီဘဝ
ယမ်းနံ့နဲ့မီးခိုးတွေကြား
ပြေးရ လွှားရ
အော်ရ ဟစ်ရ
သေကြ ကျေကြ
အစာငတ် ရေငတ်ဘဝတွေမို့
ဒီမှာက...
အပန်းဖြေစရာမရှိ
ပျော်စရာနတ္ထိ
No comments:
Post a Comment