✉ ✉ ✉ ✉ ✉ ✉ ✉ ✉ ✉
ကျုပ်တို့အညာမှာ မင်္ဂလာတစ်မျိုးသာပ
အဟုတ်ဗျို့ဓမ္မတာ အစဉ်အလာမညှိုးခဲ့ပေဘု
အရိုးသမကျရှေးလိုပ အဖွားကလဲ ကျီတစ်ဆောင်
ကိုမင်းရာရယ် အမျိုးကလဲ မသေးပေဘု
အဖိုးအဖနှင့်တကွ မေးကြပေတော့ တစ်မျိုးငါ့မြေးဖို့ရယ်လို့ အိုကွယ် အဖိုးကပေးလိုက်ပါတဲ့ နွားညီနောင်
ချောင်းဦးနယ်တစ်လွှားဆီက
သြော် . . အမိအဖတို့ကလဲ ပြည့်ပြည့်၀၀တွေမို့
ရှိသမျှကုန်ချင်ကုန်ရော့လို့ မယုံရင်ကြုံလျှင်မေးပါတော့
အလုံတစ်ခွင်မှာ ဂုဏ်အင်ကလဲ မသေးပါဘု
မုံရွေး ကြေးမုံ
အလုံကျေး အကုန်မှာ ပြောင်းဖူးသယ်တွေက များလိုက်ပါဘိသနှင့်
ဆွေသားရင်းချာ ဉာတကာမိတ်တို့ကိုလ
အဖေသွားရင်းသာ လာစရာဖိတ်ခဲ့တာနှင့်
ညအိပ်ညနေ အစုံလာကြတော့
ခြုံစရာအကွက်ဖျင်စောင် ၂ ခုရဲ့ပြင်
ဂုံပဝါပါ တဘက်နှင့် ခြင်ထောင်ကလဲ တစ်ခုစီပေါ့
လုပ်မှုကိုင်ဖွယ် တောလယ်ယာတစ်ခင်းငဲ့ပြင်
ပြောင်းခင်း တစ်စလယ်၀င်နှင့်
တရှင် စပါးနှစ်ဆယ်ထွက်ကိုလ
ကိုမင်းရာရယ် ရှေးအဆက်ဆက်အကြွေး တက်တက်ပြီး
အေ၀းမထွက်ရအောင်လို့တဲ့ကွယ် ပေးလက်ဖွဲ့နှောင်
(၃) လမ်းချိုးအရှေ့က၊ စမ်းရိုးအကွေ့၊ ခရောင်းယာမှာ၊
ဟောသည်က အထုပ်တွေဖြေဖြေပြီး
အကုန်သာကြဲလေရော့ဟဲ့လို့
ခရမ်းမျိုးစေ့ကောင်းစွာ ငရုတ်ဂျုံ ကုလားပဲသာပ
နှမ်းမျိုးသွေ့သွေ့ပြောင်းဝါ ငပြုတ်ဖရုံပါ ဖရဲငဲ့ပြင်
ထမ်းပိုး၍ရောင်းစရာ အထုပ်မုန်လာခ၀ဲတွေနှင့်
အလုပ်စုံစရာကဘဲရယ်လို့ များလက်ဆောင်
အို . . ကိုမင်းရာရဲ့သားအတွက်ဆိုတော့
တအားတက်အောင်ရယ်လို့ (ကျုပ်တို့) အမေအိုကလဲ
ဓားမရှည် ဓားမတိုတွေနှင့် အခြေကိုနှင်
ကိုမင်းရာရယ် မယားဘက်က မောင်တွေကလဲ
ပလွေတိုနှစ်စင်း
မျိုးဆက်ခါခြုံ အိုးခွက်ပန်းကန်အစုံနှင့်
ပြေတစ်ခွင်သထုံရောက်ရာကဘဲ လွမ်းမိပါရဲ့
မြေအင်တုံ သောက်စရာဇွန်းငဲ့ပြင်
ကွမ်းအစ်ပါလွယ်အိတ်တစ်လုံးငယ်နှင့်
ပဲခူးဘူတာမှာလေ ငနဲသူခိုး လူညာတွေ မှုန်းလိုက်ပါတဲ့
ပျောက်သဟာ ဒဂေါက်ဖာကလဲ တစ်လုံးပါဘဲ့
စုရုံးလိုက်လျှင် တစ်အိမ်ထောင်ပ
လူ့ထုံးစရိုက်တွင် တစ်သိမ်ပြောင်လောက်ကဲ့
မင်္ဂလာဆောင်မှာ ခန်း၀င်ကလဲ မနဲပါဘု
မွဲဖို့ရာကံကြမ္မာနှင့်
ဖန်လာပုံကုသိုလ်ကလဲ မကောင်းချင်တော့
အထက် ဟိုအညာမှာလေ ကြက်ဆိုတာတောင်မှ မလောင်းခဲ့ပါဘု
အညာမြေ ဌာနေဟောင်းဆီက
အကြွေး(တစ်ရာ) ကို ဒွေးခါ ကလဲ တောင်းပြန်ပေါ့တဲ့
အမယ်မင်း မောင်းစရာရယ်လို့များ တပ်လိုက်မှဖြင်ခေါင်းတခါခါနှင့် ဆတ်လှစွာသော
လှလှစွေ့စွေ့ရယ်နှင့် ၀၀ပြေ့ပြေ့နပြာတစ်ရှဉ်းကိုလ
ကျောင်းတကာကိုသာ အပ်လိုက်ပေရော့
ရသရွေ့ဘာဘာညာညာရယ်လို့ မငြင်းလေနှင့်
မလေးရယ် ရောင်းကာသာ ဆပ်လိုက်ပေတော့
ရွာရှေ့ ယာတစ်ခင်း
✉ ✉ ✉ ✉ ✉ ✉ ✉ ✉ ✉ ✉ ✉ ✉ ✉ ✉ ✉
သခင်ကိုယ်တော်မှိုင်း
No comments:
Post a Comment