♕ ♕ ♕ ♕ ♕
ကာရစ်လို့ ဆိုလိုက်တာနဲ့ အားလုံးမျက်လုံးထဲမှာ ကွင်းလယ်စက်ဝိုင်းနားက လက်ထောင်ပြီး ဘောလုံးအမြဲတောင်းနေတတ်သူ တစ်ယောက်လို့ အများစုမြင်ပါလိမ့်မယ်
မှန်ပါတယ် သူဟာ ဂတ်တူဆို အက်ဆီယံ မာရှေယာနို ဘောလက် တို့လို မာမာထန်တန် ကစားနိုင်သူတစ်ယောက်မဟုတ်ဘူး
ဒါပေမယ့် အသင်းလိုအပ်လာချိန်မှာ အဆင့်မီတဲ့ နောက်တန်း တစ်ယောက်အဖြစ်လည်း ကစားနိုင်တယ်
မော်ကြီးက အသက်အရွယ်ကြောင့် တွေဝေနေသူ တစ်ယောက်ပါ
အမှန်တကယ် မန်ယူရဲ့ ကွင်းလယ်ဗိုလ်ချုပ်ဟာ သူပါ
၄း၃း၃ ကစားကွက်မှာ ကွင်လယ် သုံးယောက်ရဲ့ အလယ်က တစ်ဖက်အသင်းရဲ့ တိုက်စစ်ကို ပြစ်ဒဏ်ဘောမဲ့ ဖျက်ထုတ်နိုင်သူတစ်ယောက်ပါ ဟာရဲရား ဖယ်လိုင်နီတို့က အသက်ငယ်ရွယ်တာကြောင့် ကစားအားနဲ့ ဖျက်ထုတ်ပုံတွေမှာ ပိုကောင်းတာမှန်ပေမယ့် သူတို့ရဲ့ ဖျက်ထုတ်မှုတွေက ရံခါမှာ အန္တရာယ်ဇုန်မှာ ရှိပါတယ် တည်ကန်ဘောတွေ မကြာခဏ ပေးရတာလည်း တွေ့ဖူးတယ်
မန်ယူရဲ့ နာမည်ကျော် ကစားကွက် ၄း၄း၂ မှာလည်း ကာရစ်ရဲ့ အရေးပါမှုဟာ ရော့နည်းမသွားပါဘူး ကွင်းလယ် နှစ်ယောက်မှာ တစ်ယောက်က တိုက်စစ်အတွက်ဖြစ်ပြီး နောက်တစ်ယောက်က ခံစစ်အတွက်ပါ
၄း၂း၃း၁
၄း၁း၂း၃
၄း၁း၃း၂
၄း၁း၄း၁
စတဲ့ကစားကွက်တွေကို မော်ရင်ဟိုက အသင်း အခြေအနေအပေါ်လိုက်ပြီး ပွဲစဉ်ကစားနေတဲ့ အချိန်မှာ လိုအပ်သလို ကစားတတ်တယ်လို့ ယူဆပါတယ်
အထူးသဖြင့် အသင်းကြီးတွေနဲ့ ကစားတဲ့ ပွဲစဉ်တွေမှာ ကာရစ်ရဲ့ ကဏ္႑ဟာ သိပ်အရေးပါလွန်းတယ်လို့ ထင်ပါတယ် ကိုယ်က ကွင််လယ်မှာ မစီးမိုးနိုင်တဲ့ ပွဲစဉ်တွေမှာ တန်ပြန်တိုက်စစ်ဟာ အကောင်းဆုံးလက်နက်ပါ ဒီနေရာမှာ အရေးအကြီးဆုံးက ပေးပို့မှု တိကျဖို့ပါ
တစ်လက်စတည်း ဝေဖန်စရာရှိတာက ဒီဂီယာပါ ဒီလိုဝေဖန်တဲ့အတွက် မန်ယူဖန်အများစုကတော့ သဘောကျမှာမဟုတ်ပါဘူး
ဒီဂီယာနဲ့ ပတ်သက်ပြီး သို့မဟုတ် ဂိုးသမားတွေနဲ့ ပတ်သက်ပြီး ကျွန်တော်က တာဝန်နှစ်ခုကို ပူးတွဲမြင်မိပါတယ်
၁ ဂိုးဖမ်းသပ်ရပ်ဖို့
၂ ပေးပို့ပုံ တိကျဖို့ပါ
ဒီဂီယာက နံပါတ်တစ် အချက်မှာ သိပ်ကောင်းတယ် ထိပ်တန်းအဆင့်ပါ ဒါပေမယ့် ကမ်ဘာ့အဆင့်မှာ ဘူဖွန် နူအာ တို့ရဲ့ နောက်မှာရှိနေတဲ့ အချက်က ပေးပို့ပုံ အားနဲချက်ကြောင့်လို့ ထင်တယ်
ဂိုးသမားတွေထဲမှာ ကျွန်တော့် ဟီးရိုးက ဗန်ဒါဆာ ပါ
လွန်ခဲ့တဲ့ ဆယ်စုနှစ်လောက်က ဗန်ဒါဆာ ပွဲတွေကို ကြည့်ဖူးရင် ဒီကိစ္စကို အားလုံးလက်ခံလိမ့်မယ်လို့ မျှော်လင့်ပါတယ် အဲ့ဒီအချိန်က ရွန်းနီ တိဗက် ရော်နယ်ဒို တို့ ရှန်းရှန်းတောက် အောင်မြင်မှုရဲ့ နောက်ကွယ်က အဓိက ဒေါက်တိုင်တွေထဲမှာ ဗန်ဒါဆာရဲ့ ပေးပိုးပို့မှုတွေက တစ်တတ်တအားပါ
ဒီဂီယာရဲ့ ပေးပို့မှုတွေကနေ ဂိုးရသွားတာမျိုး မမြင်ဖူးသလောက်ပဲ
ဒါကြောင့် ကာရစ်ရဲ့ ကဏ္႑က ပိုပိုပြီး လိုအပ်လာတယ်
ကာရစ်ကို မကြိုက်တဲ့သူတွေလည်းရှိပါတယ် သူဟာ ကစားပုံနှေးကွေးတယ် အလိမ်အခေါက် မကျွမ်းကျင်ဘူး ရုပ်ပိုင်းဆိုင်ရာမှာလည်း သိပ်မမာဘူးပေါ့
ဒါပေမယ့် သူတို့မေ့နေတာက သူဟာ ပီယာလို လို အိုဇေးလို ကစားသမားပါ
သူ့အတွက် အရေးအကြီးဆုံးက လူထက် ဘောလုံး ရောက်ဖို့ပါ
ပေါစခိုးလ် ဂျရတ် လမ်းပတ် တို့လို တိကျသေချာတဲ့ ကန်ချက်တွေနဲ့ ဂိုးအဖြစ်ပြောင်းလဲပေးမယ်သူ
ယာယာတိုရေး ပေါ့ဘာ တို့လို ဘောလုံနဲ့အတူ တွဲထွက်သွားမယ့် ကစားသမားမျိုးမဟုတ်ဘူး
ဒီနေ့ခေတ်မှာ ပီယာလို ကာရစ် အလွန်ဆို တို့ကို မှိတာဆိုလို မိုဒရစ် တစ်ယောက်ပဲ ကျွန်တော်မြင်မိပါတယ်
သူလို ကစားသမားမျိုးတွေက တစ်ခါတစ်လေ တစ်ပွဲလုံးပြောက်နေတတ်တယ် ဒါပေမယ့်
ဘောလုံးပွဲတွေရဲ့ အုံးနှောက်ပါ
လက်ခုပ်သံမယ့် ပေးဆပ်နေရသူပါ
♕ ♕ ♕ ♕ ♕ ♕ ♕ ♕ ♕ ♕ ♕ ♕ ♕ ♕ ♕ ♕ ♕
သန်းထွန်းလေး
အင်းတဲရွာ
No comments:
Post a Comment