ကျွန်တော်တို့က ဘောလုံးပွဲကြည့်ရင်
ရွန်းနီက ဒိုလေးက မက်ဆီက လီဝန်ဒေါစကီးက
ဘယ်လိုဂိုးသွင်းသွားတာ
ဂစ်က ဘက်ခမ်းက ဘယ်လိုဖြတ်တင်လိုက်တာ
ဖာဒီနန်က ဗီဒစ်က ဘယ်လိုဖြတ်ထုတ်လိုက်တာ
ဗန်ဒါဆာက ဒီဂီယာက ဘယ်လိုဖမ်းသွား
စသည်ဖြင့်ပေါ့ ဘောပွဲရဲ့အစိတ်အပိုင်းတွေကို ပြန်လည်သုံးသပ်စမြုံ့ပြန်ရာမှာ ပြောတတ်ကြတယ်
တစ်ကယ်အရေးပါတဲ့အစိတ်အပိုင်းတစ်ခုကိုတော့ ချီးကျူးသုံးသပ်ဖို့ အမြဲမေ့လျော့ခဲ့ကြတယ်
အဲ့ဒီအစိတ်အပိုင်းကတော့ ကစားကွက်ရဲ့ နံပါတ်၆ ဆိုတဲ့နေရာပါ
ဒီနေရာမှာ ကစားတဲ့ကစားသမားတွေဟာ ပင်ကိုယ်အားဖြင့် အနေအေးပြီး ဆုံးဖြတ်ချက်ခိုင်မာကြသူတွေပါ ထင်ပေါ်စိတ်လည်းနည်းကြသလို အသင်းအတွက်ပေးဆပ်ရင်းသာ ကျေနပ်ကြသူတွေပါ
အဲ့ဒီနေရာကစားတဲ့သူတွေကို အကြမ်းဖျင်းချပြခြင်ပါတယ်
မန်ယူမှာဆို ပေါလ်စခိုး ကားရစ် ခု ရှနိုက်ဒါလင် တို့ပေါ့
နိုင်ပွဲတွေမှာကော ရှုံးပွဲတွေမှာပါ သူတို့ကို မေ့ထားတာလေးတစ်ခုတော့ စိတ်မကောင်းဖြစ်ရတယ်
တစ်ချိန်တုန်းက ကြယ်စင်စုများ ဆိုတဲ့ အသင်းကို ဖွဲ့စည်းဖို့ ရီးရဲအသင်းရဲ့ ဥက္ကဌ ဟာ ကမ္ဘာကျော်ကစားသမား တွေကို အများအပြားဝယ်ယူခဲ့စဉ်ကပေါ့
ဇီဒန်းရဲ့ ပြောစကားလေးသတိရမိတယ်
မက်ခလီလီ ကို ချဲဆီးကို ရောင်းပြီး ဘက်ခမ်း ကိုဝယ်ယူတော့ ပြောတဲ့စကားပါ
ကားအကောင်းစားကို အင်ဂျင်ဖြုတ်ပြီး ရွှေကိုယ်ထည် အုပ်တာ အဓိပ္ပါယ်မရှိဘူးတဲ့
သူတို့သိပါတယ် ပွဲတစ်ပွဲရဲ့ အဆုံးအဖြတ် ဂိုးတွေသွင်းယူနေတဲ့ ကစားသမားတွေဟာ နံပါတ်၆ ရဲ့ အရေးပါမှုကို ပိုပိုပြီး သိကြတယ်
No comments:
Post a Comment