လူဖြစ်ရတဲ့ဒုက္ခ

 လူဖြစ်ရတဲ့ဒုက္ခ

။

ဘာသာတရားတွေမှာ လူဟာဘုရားကတိုက်ရိုက်ဖန်ဆင်းတယ် အသိဉာဏ်အရှိဆုံးသတ္တဝါရယ်လို့ မည်မျှပင်ချီးချီးပပဆိုဆို အခြားသတ္တဝါဘုံသားတွေထက်ပိုလို့ မတောင်းဆိုရဘဲ ဇွတ်အတင်းဘယ်သူထည့်ပေးလိုက်လည်းမသိတဲ့ လူဖြစ်မှ ခံစားရတဲ့ဒုက္ခကြီးလို သီးသီးခြားခြား အပိုဆုကြီးတခုကပါရှိပြီးဖြစ်ပါတယ်

နတ်တို့ ဗြဟ္မာတို့ ဆိုပါတော့ နေစရာအတွက်က ကံအားလျှော်စွာ ပေါ်ပေါက်လာတာမို့မကြောင့်ကြရ စားစရာ ဝတ်စရာတို့လည်းထိုနည်း၎င်း

အပယ်ဘုံသားလို့ခေါ်တဲ့ ငရဲသားတွေဆိုရင်လည်း ဒုက္ခခံနေရသည်ဆိုစေ နေဖို့ရယ်ကြောင့်ကြစရမလို ပြိတ္တာတို့များကျပြန်တော့လည်း သစ်ပင်သစ်ကိုင်းအိမ်အိုဇရပ်ပျက်နေ‌ကောင်းနေရမယ် လူ့စွန့်ပြစ်အညစ်အကြေးတွေကို စားကောင်းစားရမယ် အငတ်ငတ်အပြတ်ပြတ်ဖြစ်ကောင်းဖြစ်နေမယ် သူတို့တာဝန်က တောင်းဆိုနေဖို့ ရှာနေဖို့သက်သက်သာရှိတယ်ဟုတ်

အဟိတ်တိရစ္ဆာန်တွေဆိုရင်လည်းကြည့်လေ နေဖို့အိမ်ကို ကိုယ်တိုင်တည်ဆောက်ရတဲ့ တိရိစ္ဆာန်မျိုးစိတ်အချို့ရှိမယ် စားဖို့ သက်စွန့်ဆံဖျားကြိုးစားရတဲ့ တိရစ္ဆာန်မျိုးစိတ်အချို့ရှိမယ်ဆိုပေမယ့် လူလောက်တော့ ဘာဟိရတယ်မများလှဘူး

စဉ်းစားကြည့်လေ 

သတ္တလောကမှာ ဘယ်သတ္တဝါက သူတို့မျိုးတူတွေဝတ်ဆင်ဖို့ အဝတ်အစားဖန်တီးထုတ်လုပ်ရတာမျိုးရှိလို့တုန်း

စားဖို့ဆိုရင်ပိုတောင်ကသီသေးတယ် ဘယ်တိရစ္ဆာန်က သူတို့အစားအစာအတွက် စိုက်ပျိုးမွေးမြူရတယ်ကြားဖူးလို့တုန်း စာလာရင်သဘာဝအားလျှော်စွာဖြစ်ပေါ်နေတဲ့ စားစရာကိုရှာဖွေရုံပါပဲ အားစိုက်ရတာချင်းတော့ကွာတာပေါ့

လူတွေများမတော့သိပ်ခက်တယ် 

ထူးကဲတဲ့ဉာဏ်ရည်ကြောင့်ပဲလားမသိ လူသားတွေအတွက် နေဖို့စားဖို့ဝတ်ဖို့ကို သဘာဝအလျှောက်ဖန်တီးပေးထားတာတွေက လုံလောက်မှုမရှိဘူး မတင်းတိမ်စေဘူး ပိုပိုပြီးကောင်းတာ ပြည့်စုံတာကို လိုလားရှာဖွေကြရင်း ရှာဖွေကြရင်း ပြည့်သည်မရှိ လိုမြဲလိုစဲ

ကဲ.. ဒီတော့အထူးထည့်ပေးလိုက်ပါတယ်ဆိုတဲ့ ဉာဏ်ပညာကြီးက ကိုယ်ပိုင်စားကျက်ကို ဖန်တီးထိမ်းသိမ်းစောင့်လျှောက်ကာကွယ်လို့ တိုးတက်အောင်အစဉ်ကြိုးစားအားထုတ်ဖို့ ဒီအတွက်လုံးပန်းဖို့သာအသုံးပြုနေရတယ်ဟုတ်

ဒီတော့ပြောစမ်းပါ 

လူဖြစ်ရတဲ့ဒုက္ခက သေးသလားကိုယ့်လူတို့ ...

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

Laapataa Ladies (2023) ပျောက်ဆုံးနေသော မိန်းမပျိုများ (ဇာတ်ကား🖊 တွေး၊ညွှန်း)

 

Laapataa Ladies (2023) 

ပျောက်ဆုံးနေသော မိန်းမပျိုများ

https://t.me/kolayinde1/1632

..

ဒီကားကို ကီရန် ရာအို (Kiran Rao) က ရိုက်ကူးပြီး

အမျိုးသား အာမိန် ခန်း (Aamir Khan) က  ပူးတွဲထုတ်ဝေသူအဖြစ်ပံ့ပိုးထားတာမို့

သူ့ဟန်လေးတွေရောယှက်လို့ ကြည့်ရတာအရသာတမျိုး

ဘတ်ဂျက်အလွန်အကျွံနဲ့ ထူးကဲတဲ့ပြကွက်တွေကိုမသုံးဘဲ

ဇာတ်လမ်းလေးအတိုင်းစီးမျောသွားအောင် သရုပ်ဆောင်တွေကို စိစစ်ရွေးချယ်ထားပုံရတယ်

တရပ်တရွာမှာ ဇနီးအလှကိုသွားရောက်တောင်းရမ်းလို့ဇာတိဆီပြန်အလာ 

ရထားကအဆင်းမှာ အခြားသူရဲ့ဇနီးသည်ကိုမှားယွင်းခေါ်ဆောင်မိလာတဲ့ "ဒီပတ် ကူးမားရ်"

ဘူတာမှာသောင်တင်ရင်း လင်ယောက်ျားရဲ့ရွာမသိ ကိုယ့်ဇာတိပြန်ဖို့ကလည်း 

အမျိုးသားမပါဘဲပြန်လာပါတယ်ဆိုရင် ပတ်ဝန်းကျင်အတွင်း ညှိုးနွမ်းသွားနိုင်တဲ့ 

မိသားစုရဲ့ဂုဏ်သိက္ခာကိုထောက်ဆနေရတဲ့ "ပူးရ် ကုမာရီ"

အမှားတခုကို ဘဝအတွက်လှေခါးလိုအသုံးချရင်း

ရည်ရွယ်ရာဆီလှမ်းလျှောက်လိုတဲ့ " ဂျာယာ"

သူတို့ရဲ့လက်တွေ့ဘဝ အတိဒုက္ခတွေကိုဖြေရှင်းကြပုံက Hero ဆန်တဲ့ဇာတ်ကွက်မျိုးကိုပယ်လို့ 

သူတို့အသိ သူတို့အရည်အချင်းနဲ့ကိုက်ညီတဲ့ရင်ဆိုင်မှုမျိုးမို့ သဘာဝတကျရှိလှတယ်

နောက်ဆုံးနှုတ်ဆက်ခါနီး မင်းသမီးနှစ်ယောက်ပြောသွားတာသိပ်လှတယ်

"အမကြောင့်သာမဟုတ်ရင် ကျွန်မသူတို့ကို တွေ့ရမယ်မထင်ဘူး"

"နင့်ကြောင့်သာမဟုတ်ရင် ငါလည်းကိုယ်ကိုယ်ကို ဘယ်တော့မှတွေ့နိုင်မှာဟုတ်ဘူး" တဲ့

ဇာတ်လမ်းလေးတခုလုံးကိုလွှမ်းခြုံနိုင်သလို 

လူပျောက်ရှာရင်း ရည်ရွယ်ချက်ပျောက်ရှခဲ့ကြရတဲ့ မိန်းမပျိုတွေကို တွေ့မြင်မိရင်းက

ဘဝတဲ့ယှဥ်တဲ့ တွေးလုံးများစွာကို နယ်ချဲ့စေစားမိသွားသည်အထိပဲဆိုပါတော့

.. 

ပူးရ်     - နီတန်သျှီ ဂိုလ်း (Nitanshi Goel)

ဂျာယာ - ပရာသီဘ ရန်တာ (Pratibha Ranta)

ဒီပတ်   - စပတ် ရှီဗာတပ်ဖ် (Sparsh Shrivastav)

..

ဇာတ်ကားကြည့်ရန်

..

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

သန်းထွန်းလေး ☆ အင်းတဲရွာ

ဆရာနန္ဒသိန်းဇံ - အတွေးအခေါ်တို့လွင့်မြောခြင်း နှင့် လူ၏ဆောက်တည်ရာ

YouTube မှာနားစဉ်ရန်နှိုပ်ပါ

 

တော်လှန်အသံရှင်များအတွက် ဂုဏ်ပြုမှတ်တမ်း #Mondler

 

တော်လှန်အသံရှင်များအတွက် ဂုဏ်ပြုမှတ်တမ်း

#Mondler

.

သူမ ပင်တိုင်ဖတ်တာက နွေဦးနရသိံမှာဗျ

အသံလေးက ကြည်တယ် ရှင်းတယ် အေးတယ် မြတယ် (ထက်တယ်) ပေါ့

ဘာကြောင့်ဒီလိုပြောရလဲဆို သူမအသံကိုသေသေချာချာနားထောင်ကြည့်လိုက်ပါ တွေ့ပါလိမ့်မယ် ကိုလာအေးအေးလေး‌သောက်နေရသပါလိုပဲ အေးအေးချိုချိုနဲ့ရှတတသဘောလေး ခံစားမိပါလိမ့်မယ် ပြီးတော့ တဆက်တည်းမှာပဲ စွဲကျန်နေပါလိမ့်မယ်

ဒါကအသံနဲ့ပတ်သက်တဲ့ကိစ္စ

ဟန်လေးနဲ့ပတ်သက်လို့လည်း နည်းနည်းလောက်ပြောချင်တယ်

သူမစာဖတ်တာက သတိထားလွန်းနေတယ်လို့ခံစားရတယ်

သတိထားတာကောင်းတယ် အမှားနည်းတာပေါ့ ဒါပေမယ့်အသားမကျခင်စပ်ကြားမှာတော့ ခတ်ထောင့်ထောင့်ဖြစ်နေတတ်တယ် 

ဘယ်လိုလဲဆိုတော့ ပုံမှန် မှန်ကြည့်ရင်းခေါင်းဖြီးတယ်အေးဆေး အလိုက်တသင့်ပါပဲ အဲသတိလွန်လို့ မှန်မှာကြည့်ပြီး ဘီးကိုအသွားဖက်တန်းဖက်ရယ်လို့ သေသေချာချာကြည့်ပြီးကိုင်ရင် လက်ကိုဟိုလိုလှန်လိုက် ဒီလိုပြုလိုက်နဲ့ဖြစ်နေရတာမျိုး

ပြီးတော့ ကျန်းမာရေးအတွက်ရယ်လို့ သေသေချာချာအမှတ်ထားပြီး လမ်းလျှောက်တယ်ဆိုပါတော့ သာမန်သက်သောင့်သက်သာနဲ့ ဘာမှကသီစရာမရှိတဲ့ပြုမြဲကိစ္စက သတိထားပါမှ ဘယ်ခြေဘယ်လက်စုံကျလိုကျ ညာခြေညာလက်ဖြစ်လိုဖြစ် အတော့်ကိုတိုင်ပင်ကိုက်ယူရတာကလား

စာဖတ်သူ mondler မှာ ဒီသဘောလေးရှိနေတယ်လို့ ခံစားသူတယောက်အနေနဲ့ ထင်မြင်မိတယ်

အခြားဘယ်မှာတွေဖတ်ဖူးလဲ စာဖတ်သက်ဘယ်လောက်ရှိမလဲတော့မသိဘူး ကိုယ်သတိထားမိတာတော့သိပ်မကြာသေးဘူး ဘာကြောင့်သတိထားမိလဲဆိုတော့ ကွန်းမန့်တွေမှာ သေသေချာချာအလေးထားတုံ့ပြန်တတ်တဲ့ သူမရဲ့ချစ်စရာသဘောကျစရာအပြုအမူကြောင့်ပါ

ဒီတော့ စာဖတ်သက်နုနေသေးလို့လို့မှတ်ယူပြီး နည်းနည်းလောက်အကြံပြုပါရစေ . ..

(ကိုယ်ဆိုရင်သုံးမိနစ်စာဗီဒီယိုတပုဒ်ကို သုံးခါကြိုဖတ်ပြီးမှ အသံသွင်းရတယ် တကယ်သွင်းတော့ အပိုအလိုတွေနဲ့ ငါးမိနစ်စာအသံဖိုင်ကြီးထွက်လာတယ် ပြန်ဖြတ်ညှပ်ပေါ့ 😁 )

ပြောချင်တာက ဒီလိုလျှမ်းတတ်တဲ့လူမျိုးအတွက်သာ သတိကြိုးကအမြဲဆိုင်းထားဖို့လိုတာပါ

ဘောလုံးစကားနဲ့ပြောရရင် ပင်ကိုယ်အရည်အသွေးထက်မြက်တဲ့ ဘရာဇီးသားတွေကို ကန့်သတ်ထားလိုက်ရင် အမှားတော့မရှိပေမယ့် သူရဲ့ပင်ကိုယ်ဟန် အလှအပအယိမ်းအနွဲ့လေးတွေမမြင်တွေ့ရတာမျိုးဖြစ်တတ်တာမို့

ကြားနိုင်မယ်ဆိုရင်တော့ လေလှိုင်းကြားကအမှာပါးချင်ရဲ့

Mondler ရေ မင်းအသံကမင်းဟန်က သတိကြိုးဆိုင်းထားဖို့မလိုပါဘူး 

မင်းက အမှားကင်းဖို့ တပြေးတည်းရိုးရိုးကြီးပျံနေရမယ့်သူမျိုးမဟုတ်ဘူး

လွပ်လွပ်လပ်လပ်ပေါ့ပေါ့ပါးပါးသာပျံဝဲလိုက်ပါ 

ဆန္ဒရှိသလို ဝေ့ကာဝိုက်နိမ့်ကာမြင့်ကာစောင်းကာငဲ့ကာ လှလှပပပျံဝဲနိုင်စွမ်းရှိသူပါလို့

ဒါကစာဖတ်သူအပေါ် ခံစားသူတယောက်ရဲ့ထင်မြင်ချက်သက်သက်သာဖြစ်ပါတယ်

.

.

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

ကိုလေး ☆ အင်းတဲ

Give me soon sunshine and all is will (မျှော်လင့်ခွင့်ပေးပါ - အေးဆေးဘဲ) (3 idiots.movie songs)

 Give me soon sunshine and all is will

(မျှော်လင့်ခွင့်ပေးပါ - အေးဆေးဘဲ)

3 idiots

အရူးသုံးကောင် အစအဆုံး

(မြန်မာစကားပြော 720 p)

https://t.me/koloneypoei/119

(မြန်မာစကားပြော 360 p)

https://t.me/koloneypoei/118

စာတန်းထိုး

https://t.me/koloneypoei/22

သီချင်း

https://t.me/koloneypoei/21

မူရင်းသီချင်းသံကို ထည့်သွင်းထားတာမို့ 

သီချင်းသံ အနည်းငယ်တိုးသွားပါတယ်

ဇာတ်ကားနောက်ဆုံးမှာပါတဲ့သီချင်း ဘာသာပြန်စာသား 

အပြည့်မပေါ်ပါက view size ချိန်း၍ကြည့်ပါ

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

ဆက်စပ် Facebook page 

ကဗျာ ဆောင်းပါး

https://www.facebook.com/thanhtunlay.inde.09799871227

ဂီတစာဆိုမောင်ကြေးမုံ

https://www.facebook.com/profile.php?id=61550245496227&mibextid=9R9pXO

____

သန်းထွန်းလေး ☆ အင်းတဲရွာ 

G-mail      - Koloneypoe@gmail.com 

Blog         -Http://koloneypoe.blogspot.com

Youtube    -https://youtube.com/@thantunlayinde

Facebook  -https://www.facebook.com/ThanTunLayANKGold09799871227 

================================

You've been on my mind

 You've been on my mind 

____

written by Rodney Crowell - ရော်နီ ခရော်ဝေါ်

Song by Emmylou Harris ‧ 1989 - အမ်မီလူ ဟဲရစ်

____

ကိုယ်တော့ဖြင့် အဖွင့်လေးမှာ သီချင်းဆိုနေတာနဲ့မတူဘဲ ဆွေးဆွေးမြေ့မြေ့ တမ်းတမ်းတတနဲ့ တကိုယ်တည်းဂစ်တာ‌လေးခေါက် ကြေကွဲရေရွတ်နေတဲ့ အသံလေးက သိပ်စွဲငြိမိတာ

။

ဒီသီချင်းလေးက ဒီအတိုင်းဆိုရင်တော့ သိကြမယ်မထင်ဘူး

ကိုယ်တွေထက်တောင် အသက်ကြီးတာကိုး

သံစဉ်ကိုယူပြီး စာမြှောင်ကပ်ထာတဲ့ မြန်မာသီချင်းရှိတယ်ဗျ 

အဲ့ဒါပြောလိုက်ရင်တော့ ဒီခေတ်ကလေးတွေလည်းသိကြမှာပါ

ကန်ရေပြင်မြေနီလမ်း တို့နဲ့ဝေး · စွယ်တော်ခုံပြာတန်း တို့နဲ့ဝေး · ယုံပါကွာ အချစ်ဆုံးမင်းကို · တို့တော့ သတိရနေမှာပါ

။

။

အရေးတော်ပုံအောင်တော့မည်

စစ်အာဏာရှင်မုချအဆုံးသတ်တော့မည်

။

သန်းထွန်းလေး ☆ အင်းတဲရွာ

Love Birds (2023) (ဇာတ်ကား🖊 တွေး၊ညွှန်း)

Love Birds (2023) (ဇာတ်ကား🖊 တွေး၊ညွှန်း)

.

Director:  ပီစီ ရှီခါ (PC Shekhar)

.

ဒီပါ့ခ်  - ဒါလင် ခရစ်သျှန (Darling Krishna)

ပူဂျာ   - မီလာနာ နာဂရပ်ရှ်(Milana Nagaraj)

မာယာ - ဆမ်မြုတ ဟိုးနက် (Samyukta Hornad)

.

ဒီကားကိုညွှန်းဖို့ ထူးထွေရေးနေစရာလိုလိမ့်မယ်မထင်ဘူးဗျ

"ဟန်ထွန်း" အတွက် "ဆရာကေအေတီ" ရေးပေးထားတဲ့ 

သီချင်းနှစ်ပုဒ်ဆွဲထုတ်လိုက်ရင်ကို ဒီကားအတွက်ပြည့်စုံပါတယ်

"ပြန်ဆုံချင် ရင်ခုန်သံကိုမညာနဲ့လေ ...မညာနဲ့လေ ...

ဒီတခါရင်ခုန်သံကိုညာခဲ့ရင် 

ငါနဲ့မင်း တကယ်ဟို..အဝေးဆုံး" 

ဟုတ်တယ် ... 

ချစ်နေကြပေမယ့် သေးငယ်တဲ့နားလည်မှုလွဲစရာလေးတွေကနေ တစတစကြီးထွားလာရင်း 

မာနတို့ဖုံးလွှမ်းလို့ မေတ္တာကို ကျော့ကွင်းလို ...

အလေးထားတာကို လှောင်ချိုင့်အတွင်းသွပ်သွင်းလို့ ချုပ်ချယ်သလိုထင်မြင်ရင်း

ကိုယ်စီရင်ခုန်သံကိုညာမိရင်း မကြားမိတော့ရင်းက  

လမ်းခွဲဖို့ဆုံးဖြတ်ခဲ့တဲ့ "ဒီပါ့ခ် နဲ့ ပူဂျာ"

သူတို့ရဲ့ ပြတ်စဲခြင်းကို တရားဝင်ဖြစ်ဖို့ "ရှေ့နေမလေး မာယာ"  ဆီရောက်ရှိလာချိန်မှာ

ပရိယာယ်ဆင်လို့ စေ့စပ်မှုမည်မျှပင်လုပ်လုပ် ဘယ်လိုမှပေါင်းစည်းဖို့ရာမဖြစ်နိုင်တော့တဲ့အခါ

ရုံးတော်မှာ တရားဝင် လမ်းခွဲခဲ့ကြ ပြတ်စဲခဲ့ကြ

ကိုယ်စီအိမ်ပြန်လို့ ဘဝသစ်စဖို့ရည်ရွယ်ရင်း

ကောင်းမွန်သောလမ်းခွဲခြင်းနဲ့ နှုတ်ဆက်ရင်း 

စကားစမြည်ဆိုရင်း...

ခြေထောက်ဒါဏ်ရာကြောင့် လမ်းလျှောက်ဖို့ခက်နေတဲ့ "ပူဂျာ"ကို အိမ်ပြန်လိုက်ပို့ရင်းက 

မူးမိုက်လဲကျလို့ ဆေးရုံရောက်သွားချိန်

ရောဂါရင့်လို့  ရက်ပေါင်း ၃၀ တောင် မနေရတော့ဘူးလို့ သိလိုက်ချိန်မှာတော့

မာနနဲ့ယှဥ်လို့ အတူမနေလိုတော့ဘူးရယ်လို့ လမ်းခွဲခဲ့ပြီးခါမှ

တဘဝတာ နှုတ်ဆက်ရတော့မယ်လို့ သိလိုက်ချိန်မှာတော့

ကိုယ်စီအတ္တတို့ လွင့်ပါးပြောက်ကွယ်ရင်းက ..

"သူ့အချစ်" ဆိုတဲ့သီချင်းလေးကိုဆိုညဥ်းခံစားမိပြန်တယ် 

"လူ့ဘဝကသိပ်တိုတယ် အားလုံးတော့မပြည်စုံနိုင်

အချစ်စစ်ဟာ သူပေးတဲ့အချစ်ရဲ့သဘော"

.

ဇာတ်ကားကြည့်ရန်

https://t.me/kolayinde1/896?single

.

အရေးတော်ပုံအောင်တော့မည်

စစ်အာဏာရှင်မုချအဆုံးသတ်တော့မည် 

.

သန်းထွန်းလေး ☆ အင်းတဲရွာ

 

ဆရာနန္ဒသိန်းဇံ - စိတ်အဆင့်ဆင့်မြင့်တက်ခြင်းသဘာဝ

 YouTube မှာနားစဉ်ရန်နှိုပ်ပါ

သဘာဝအလှကို အတုများရဲ့အာဏာသိမ်းမှုအကြောင်း

 သဘာဝအလှကို အတုများရဲ့အာဏာသိမ်းမှုအကြောင်း

။

ကျွန်တော်တို့ငယ်ငယ်က အမျိုးသမီးတို့အလှအပအတွက် ယာယီအကူတန်ဆာလေးတွေ သုံးတတ်ကြတယ်ဗျ 

ဥပမာ ဆံကေသာအတွက်ဆိုပါတော့ 

ပန်းအမျိုးမျိုးဆင်ယင်လို့ ဆံသားကိုပိုပြီးတင့်တယ်စေကြတယ် 

ပန်းဆိုတာကလည်းသိတဲ့အတိုင်း 

အရောင်အသွေးအစုံ အရွယ်အစားအစုံ ရနံ့မျိုးစုံကိုး 

ဒီတော့ အဆင်တန်ဆာအားဖြင့်ပံ့ပိုးရုံမက ရနံ့လေးပါတွဲယှက်တာမို့ သင်းသင်းပျံ့ပျံ့နဲ့ အမျိုးသားတို့ ဘဝင်နှလုံးခိုက်မိကြတာအမှန်

နောက်တော့ ပန်းလေးတွေနေရာ ခေါင်းစီးကွင်းအလှလေးတွေ အဆင်ဒီဇိုင်းမျိုးစုံနဲ့ ဆံညှပ်လေးတွေ ပေါများလာတဲ့ခေတ်တခုကိုရောက်လာတယ် 

သူတို့ကအဆင်ဒီဇိုင်းအားဖြင့်ပိုလှကောင်းလှမယ် တာရှည်ခံတာခြင်းကလည်းမယှဉ်သာအောင်ရှိချင်ရှိမယ်ဆိုပေမယ့် ဆိုးတာက ရနံ့တော့မရှိဘူးပေါ့

ဒီတော့ရနံ့ပေါင်းစုံခေါင်းလိမ်းဆီရဲ့အကူကို ထပ်ဆင့်ယူရတယ် ပန်းလိုတမျိုးတည်းနဲ့ မပြီးတော့ဘူးပေါ့

ယခုကာလမှာတော့ အထက်ပါ အကူပစ္စည်းတွေဖြစ်တဲ့ ခေါင်းစီးကွင်း ဆံညှပ်လေးတွေပါ တဖြည်းဖြည်းနေရာမရဖြစ်လာတယ်

အလှအပအတွက်အကူပစ္စည်းလေးတွေနေရာမှာ တာရှည်ခံအထောက်အကူတွေကို ကိုယ့်ကိုယ်ခန္ဓာမှာ ပိုပြီးအတွင်းကျကျ ပါဝင်ပတ်သက်စေကြတယ်လို့ ဆိုရမယ်

အရင်လို ယာယီအကူပစ္စည်းတွေမသုံးတော့ဘဲ ကိုယ်ခန္ဓာကို တိုက်ရိုက်ပြုပြင်ကြချင်းမျိုးတွေပေါ့

ဘယ်လိုလဲဆိုတော့ ဆံသားအတွက်ဆိုပါတော့ 

အရင်လို ဆံညှပ်လေးပန်းလေးနဲ့ ဆံသားရဲ့အလှကို ထောက်ပံ့ကူညီပေးစေတာမျိုးမဟုတ်တော့ဘဲ ဆံသားကိုတိုက်ရိုက်ပြုပြင်တာမျိုးပေါ့ 

စံပါယ်ဖြူလေးရဲ့ ဆံသားအထက်ကနေပံ့ပိုးမှုနဲ့ 

မျက်နှာလေး ကြည်လင်လာစေတာတွေ 

ရွှေဝါရောင်ပန်းပိတောက်တို့နဲ့အရှိန်အဝါနဲ့ 

မျက်နှာလေးဝင်းပလာစေတာတွေ

စတဲ့ ထောက်ကူပေးတတ်တဲ့ အရောင်ပါပစ္စည်းလေးတွေနေရာမှာ ဒီအရာလေးတွေကိုမသုံးတော့ဘဲ 

ဆံသားကိုပဲတိုက်ရိုက် အရောင်မျိုးစုံဆိုးလိုက်ကြတာမျိုး

တွန့်တာ

ကောက်တာ 

ဖြောင့်တာ 

ဒီဇိုင်းမျိုးစုံထုံးဖွဲ့တာ တွေကောပေါ့

လက်ကောက်ဝတ်က ခေါင်းစီးကွင်းလေးတွေ နာရီအဆန်းလေးတွေနေရာမှာ အရေအသားအောက်ထိထွင်းဖောက်နေရာယူလာကြတဲ့ အရောင်အသွေးအစုံ ဒီဇိုင်းအဖုံဖုံနဲ့ ထိုးကွင်းမင်ကြောင်တွေ

မီးခြစ်ဆံလေးသုံးလို့ မူလမျက်ခုံးလေးရဲ့အလှကို ပိုမိုနက်မှောင်လာစေဖို့ အကူအပံ့ဖြစ်စေတာလေးတွေနေရာမှာ မူလအစစ်ကိုဖျက်စီးပယ်သတ် အပြောင်ရိပ်ပြစ်လို့ ပုံသဏ္ဌာန်မျိုးစုံဆွဲခြစ်တာတွေ တခါတည်းမင်ကြောင်ထိုးလိုက်တာတွေ

ဖုချင်ရာဖောင်းချင်ရာကို အခုအခံတွေသုံးလာရာက အသားအရေအောက်ကို တိုက်ရိုက်ထိုးသွင်းမို့မောက်စေတာတွေ

စသည်ဖြင့် ပြင်ပပစ္စည်းတွေကို အလှအပအတွက်အထောက်အကူအနေနဲ့သုံးတာမျိုးမဟုတ်တော့ဘဲ ခန္ဓာကိုယ်ကိုတိုက်ရိုက်ပြုပြင်စေပြီး 

မကြိုက်ဘူးလို့ယူဆတဲ့ မူလသဘာဝအရာတွေကို ကိုယ်ခန္ဓာမှာလက်မခံတော့ဘဲ အပြီးတိုင်ဖယ်ရှားရှင်းလင်းအစားထိုးလာရာက

ခုများတော့ လူ့ခန္ဓာဟာ အတုများစွာရဲ့လွှမ်းမိုးအာဏာသိမ်းမှုကိုခံလာရလေသလားလို့ ခံစားမိလာတယ်

ဒီအတွေးတွေနဲ့ ကိုယ်တွေငယ်ငယ်က ကြားခဲ့ဖူးတဲ့ ဆရာမောင်ဆွေနွယ်နဲ့မင်းမင်းလတ်တို့ရေးသားထားတဲ့ သီချင်းလေးကြားယောင်လို့ 

သူတို့များရှိနေသေးရင် ဒီကနေ့ခေတ်ကိုကြည့်ပြီး ဘယ်လိုများရေးလေမလဲလို့တွေးမိရင်း အဲ့သီချင်းလေးနှုတ်ဖျားဆီရောက်လာပြန်တယ်

ဘာတဲ့

မြင်သူချစ်တဲ့ ဆေးဆိုးပန်းရိုက်မျက်နှာလေး

ဆွဲမက်လောက်ရဲ့ကွယ်

။

။

#အရေးတော်ပုံအောင်တော့မည်

#စစ်အာဏာရှင်မုချအဆုံးသတ်တော့မည်

။

သန်းထွန်းလေး ☆ အင်းတဲရွာ

ဆရာနန္ဒသိန်းဇံ - အနေခက်အောင်ကူညီကြသူများ

 

YouTube မှာနားစဉ်ရန်နှိုပ်ပါ