သန်းထွန်းလေး ☆ အင်းတဲရွာ
Than Tun Lay .INDE
Friday, April 17, 2026
Thursday, April 16, 2026
တွက်နည်းမတူတဲ့ပုစ္ဆာတပုဒ်
တွက်နည်းမတူတဲ့ပုစ္ဆာတပုဒ်
ဆရာဆွေမင်း (ဓနုဖြူ) ရဲ့ မေတ္တာနှောင်ကြိုး ၊ အသည်းလိုက်မုဆိုး ၊ သွေးစုပ်သတ္တဝါဆန်းများ စတဲ့စာအုပ်တွေမှာ သဏ္ဍာန်တူပုစ္ဆာတပုဒ်ကို မတူညီတဲ့ဖြေရှင်းမှုတွေကို ချပြထားတာစိတ်ဝင်စားစရာကောင်းတယ်
။
ပြဿနာက ရင်သွေးနဲ့ပတ်သက်တာပါ
။
ဒီလိုဆိုလိုက်ရင်ပဲ ဇာတ်လမ်းပုံစံတခုကို ချက်ချင်းတွေးထင်မိပါလိမ့်မယ်
ဟုတ်ပါတယ် သင်တို့တွေးထင်ထားသလိုပါပဲ မွေးစားမိဖနဲ့ မိဖအရင်းကြား လွန်းဆွဲခြင်းပြဿနာပေါ့
မြန်မာဗွီဒီယိုဇာတ်လမ်းတွေမှာတော့ ဒီပြဿနာဖြစ်လာရင် မေတ္တာပိုသူကဆင်းရဲသူဖြစ်မြဲတွေ့ရပြီး ကောင်းစွာနေထိုင်နိုင်ဖို့ ရင်နာနာနဲ့စွန့်လွှတ်လိုက်တာမျိုးသာ အများအားဖြင့် တွေ့ရတတ်တယ်ဟုတ်
__________________________
မြိုင်ရာဇာတွတ်ပီ ကျွန်ုပ် နှင့် မေတ္တာနှောင်ကြိုး
။
ဒီစာအုပ်မှာတော့ ဖြေရှင်းရသူက ဆရာတွတ်တို့မိသားစုကိုယ်တိုင်ဖြစ်ပြီး တွေ့နေကျဇာတ်လမ်းတွေအတိုင်း ပိုချမ်းသာသူတို့စီမှာ သက်သောင့်သက်သာဖြတ်သန်းနိုင်စေဖို့ ရွေးချယ်ပေးလိုက်ကြတယ်
အနစ်နာခံလိုက်တယ်ပေါ့
__________________________
ဒီစာနှစ်အုပ်ကတော့ ထူးခြားတယ်
__________________________
မြိုင်ရာဇာတွတ်ပီ ကျွန်ုပ် နှင့် သွေစုပ်သတ္တဝါဆန်းများ
။
ဒီစာအုပ်မှာတော့ ပြဿနာအရင်းခံက အရွယ်ရောက်ပြီးမိန်းမပျိုဆိုတော့ လူငယ်တယောက်ရဲ့ စဉ်းစားပုံရှုမြင်ပုံ ထောက်ဆတွေးခေါ်ပုံမို့
ဖြေရှင်းပုံခြားနားတယ် ဆန်းသစ်တယ်
မွေးစားဖခင်ကပိုချမ်းသာပြီး ဖခင်ရင်းကချို့တဲ့တော့ သူမကိုပိုလိုအပ်နေတဲ့ရပ်ဝန်းကို ရွေးချယ်ပါရစေလို့ဆိုတယ်
အနစ်နာခံတာမဟုတ်ဖူးနော် ပိုလိုအပ်နေတဲ့ရပ်ဝန်းအတွက် သက်သာစွာနေထိုင်ခွင့်ကိုစွန့်လွှတ်တာပါ
__________________________
မြိုင်ရာဇာတွတ်ပီ ကျွန်ုပ် နှင့် အသည်းလိုက်မှဆိုး
__________________________
ဒီစာအုပ်မှာ မွေးစားသူက ဆင်းရဲတော့ ချမ်းသာတဲ့မိဖရင်းစီပေးအပ်လို့ တရပ်တကျေးထွက်သွားမယ်အလုပ်မှာ အကြောင်းကြောင်းကြောင့် ချမ်းသာလာချိန် ထွက်မသွားဖြစ်တော့ဘဲ ရင်သွေးဟာ ဘယ်သူ့အပိုင်ရယ်လို့မဟုတ်ဘဲ နှစ်ဦးစလုံးစီမှာ လှည့်လည်နေထိုင်ရင်း ချမ်းမြေ့စွာနေထိုင်သွားပါတယ်
__________________________
အပေါ်နှစ်အုပ်မှာ ဖြေရှင်းနည်းတွေက တဖက်ဖက်ကအမြဲနစ်နာနေတဲ့ ဇွတ်အတင်းအနစ်နာခံနေတာတွေကို ဘဝင်မကျခဲ့လေသမျှ ဒီစာအုပ်နဲ့မှပဲ သဘောကျသွားတော့တယ်
__________________________
ခုခေတ်စားနေတဲ့ သီအိုရီတခုလိုပေါ့
သူနိုင်ကိုယ်ရှုံး သူကောင်းဖို့ ကိုယ်ကနာ သူပေါ်ဖို့ကိုယ်နစ်ဆိုတာတွေကနေတဆင့်တက်လို့ ရှဉ့်လည်းလျှောက်သာ ပျားလည်းစွဲသာဆိုသလို အားလုံးအတွက်အဆင်ပြေတဲ့ ကောင်းမွန်တဲ့ရလဒ်ကိုဖော်ဆောင်နိုင်တဲ့ ဖြေရှင်းနည်းအစစ်အမှန်လို့လည်း ယုံကြည်မိတာကြောင့်ပါ
__________________________
__________________________
ညွှန်းဆိုခဲ့တဲ့အဆိုပါ စာအုပ်တွေကို ဒို့ခေတ်ယူကျုချန်နယ်မှာ အမောင်နွားကျောင်းသား ဖတ်ပြထားတာရှိတယ်ဗျ အဲ့သည်မှာ သွားရောက်နားစဉ်လို့ တော်လှန်ရေးမှာတတပ်တအားပါဝင်နိုင်ပါတယ်
လူကြီးမင်းတို့ရဲ့အားထုတ်မှု အဟောသိကံမဖြစ်ဖို့ VPN ခံဖို့လည်း မမေ့နဲ့အုံးဗျနော
။
။
ဒါမှမဟုတ် စာအုပ်ဝယ်ဖတ်မယ်ဆိုရင်လည်း ဆရာ့ရဲ့မိသားစုမျိုးဆက်တို့အတွက် အသီးအပွင့်ခံစားရစေမှာပါလို့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
နှလုံးသားချင်းနီးပါမှ
ဆရာနိုင်မြန်မာပြောဖူးတယ်
ကဗျာဆိုတာ နှလုံးသားကလာတာမို့
နှလုံးသားရှိရာမှာသာ နားခိုတယ်
နှလုံးသားရှိမှ ခံစားနားလည်နိုင်တယ်တဲ့
ထပ်ထူဝမ်းမြောက်ပျော်ရွှင်မှု
ထပ်တူညီမျှ နာနာကျင်ကျင် ဝမ်းနည်းကြေကွဲရမှုဆိုတာတွေကလည်း ထိုနည်း၎င်းပေါ့
နှလုံးသားချင်းနီးပါမှ ခံစားနားလည်နိုင်တာမျိုး
တမြေထဲ တရေထဲ လူမျိုးတခုတည်ဖြစ်လင့်ကစား နှလုံးသားခြင်းထပ်တူမကျရင်
အောင်မြင်တာတွေအတွက် မဲ့ရွဲ့စကားတင်းဆိုဖို့ဝန်မလေးသလို
မတရားအနိုင်ကျင့်စော်ကားခံနေရတာမျိုးကို မျက်မြင်ဒိဋ္ဌမြင်တွေ့နေရရင်တောင် ဖာသိဖာသာပြုနေနိုင်တာမျိုး
ကျောခိုင်းပြုံးရယ်နေနိုင်တာမျိုးမို့
ခံစားနားလည် စာနာနိုင်စွမ်းကလည်း
နှလုံးသားတူသူရဲ့ သဏ္ဌာန်မှာသာ ပေါက်ဖွားဖြစ်တည်နိုင်တာမျိုးလို့ဆိုချင်တာပါ
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
ငွေလကိုတိမ်ကြားရောက်အောင် လေနဲ့မှုတ်လို့ဖုံးကွယ်ရမလားကွယ် ...
ချစ်ခြင်းမေတ္တာအကြောင်းဖွဲ့သီရာမှာ ဆရာမောင်ကြည်ငွေ ရေးပြီး တွံတေးကြီးဆိုထားတဲ့ ရှေးသီချင်းလေးတပုဒ်က စိတ်ထဲစွဲနေတယ်
နာမည်က "စောင်းသံတိတ်မှအိပ်ပါကွယ်"တဲ့
🎵မေတ္တာကန်သာအေးမြမြဝယ်
ငွေလရောင်ထွန်းတော့ အမှောင်စွန်းမှာနေချင်တယ်လို့
ငွေလကိုတိမ်ကြားရောက်အောင် လေနဲ့မှုတ်လို့ဖုံးကွယ်ရမလားကွယ် 🎼
နုလိုက်လှလိုက်တာဗျာ
_______________________
အတိတ်တချိန်က ချစ်သူရည်းစားတွေက နေ့လည်နေ့ခင်းများချိန်းတွေ့ရင် ပတ်ဝန်းကျင်ကမြင်သွားသိသွားမှာစိုးတာရယ် အကြောင်းမရှိဘဲအိမ်ကထွက်လမ်းသလားတဲ့အကျင့်မရှိတာမို့ ထွက်ဖို့ခက်တာရယ်ကြောင့် ညဖက် အိမ်လာဖို့ချိန်းတယ်
ကောက်ရိုးပုံအနားဆိုတာမျိုးပေါ့
ဒါ့ကြောင့်ပဲ ဆိတ်ကွယ်ရာကလည်းဖြစ်ပြန် အကာလညအခါမှာ ဆန့်ကျင်ဖက်လိင်နှစ်ဦးသား အနီးကပ်တွေစုံရတာလည်းဖြစ်ပြန်ဆိုတော့ စိတ်တိမ်းတာနဲ့ ယိမ်းသွားစရာအဖြစ်သနစ်တွေကြုံကြရတာ
ထားတော့
_______________________
ခုသီချင်းက စောင်းလေးတီးလို့ ထားချန်ခံခဲ့ရတဲ့တယောက်က အတိတ်တချိန်ချိန်းတွေ့ကြစဉ်က ကြည်နူးခဲ့တာလေးကို ကြေကြေမြေ့မြေ့လွမ်းလွမ်းဆွေးဆွေးတမ်းတမ်းတတနဲ့ စိတ်အစဉ်မှာပြန်လည်ပုံဖော်မြင်ယောင်ကာ ကျူးရင့်နေတဲ့သဘော
ဪ ညအခါလူခြေတိတ်ချိန်ဖြစ်လင့်ကစား လရောင်ကြောင့် မတော်တဆ တစုံတယောက်မြင်တွေ့မှာကိုစိုးထိတ်စိတ်ဖြစ်လိုရေရွတ်နေတာကို ထိုလကိုတိမ်တစုပ်အမြန်ဖုံးအုပ်သွားအောင် လေနဲ့မှုတ်ပြီးဖုံးကွယ်ပေးရမလားလို့ ချစ်သူတို့ဘာသာဘာဝ ကြည်နူးဖွယ်စကားဆိုခဲ့တာကို
လတိမ်ကွယ်သွားတော့ ဟိုသကောင့်သားကဘာလုပ်လိုက်လဲမသိ 🤔
နှောင်းကန်အရိပ်က ထိတ်စရာများနှယ် တို့
သက်သေတည်ထားစရာအဖြေလည်းကင်းပြီမို့ကွယ်တို့ ဖျက်မလွယ်အမျက်ရယ်ထား နယ်ခြားမြေဝေးစွန့်ခွာပြေးသူထံတို့ သီချင်းထဲမှာ ပါတာကို 😁
ခုများစောင်းလေးတီးလို့စေလိုက်တယ် ကြားပါစေတော့ နားစဉ်ဖြစ်ရင် စောင်းသံတိတ်မှပဲ အိပ်ပါလေတော့ ဆိုတဲ့သဘောနဲ့ ကြည်နူးခဲ့တာလေးကိုထောက်ချင့်လို့ အယူခံတင်လိုက်တဲ့သဘောပေါ့ဗျာ
.
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
ကောင်းကင်ပြာကို ဆေးရောင်ချယ်သူ
ဆရာစန္ဒယားလှထွဋ် ရေးသားခဲ့တဲ့ အချစ်ဘယ်ကစ ဆိုတဲ့သီချင်းကို တပုဒ်လုံးမရရင်တောင်
🎼ကောင်းကင်ပြာကိုဘယ်သူများဆေးရောင်ချယ် 🪄
ဒီစာသားလေးကို လူတိုင်းနီးပါး အမှတ်တမဲ့ပဲဖြစ်ဖြစ် ညဉ်းဆိုဖူးကြလိမ့်မယ်ထင်တယ်
အသံလေးကလည်းသာသလို ယောက်ျားမိန်းမ အဆိုတော်တော်တော်များများလည်းပြန်ဆိုကြတာမို့ ခေတ်ကာလကလေးငယ်တို့လည်း ကြာဖူးနားဝရှိကြမယ်ထင်တယ်
_______________________
ကိုယ်လည်းတွေးကြည့်မိတယ် ကောင်းကင်ကြီးက ဘာကြောင့်ပြာနေရတာလဲ ကောင်းကင်မို့ပြာတာပဲ ကောင်းကင်ပဲပြာရမှာပေါ့ဆိုတာကလွဲလို့ ဘာမှအဖြေထပ်ပေးလို့မရဘူး
ဒီအတွေးတွေနဲ့ဘဝင်မကျသည့်တိုင် ထပ်ဆင့်အဖြေမရှာမိဘဲ လက်ခံထားမိတာ ကာလအတော်ကြာခဲ့တယ်
_______________________
အမှန်တော့ ကောင်းကင်ဆိုတာဘာလဲ ..?
ကျွန်တော်တို့မြင်ရတဲ့ အထက်အာကသကိုခေါ်တာမဟုတ်လား
ကျွန်တော်တို့မြင်ရတဲ့ အထက်အာကာသက ဘာကြောင့်ပြာရတာလဲ ..?
နေကြီးကအပြာရောင်အလင်းတန်းတွေထုတ်လွှင့်နေလို့လားလို့ စဉ်းစားကြည့်ပြန်တော့ နေကြီးက အနီ လိမ္မော် အဝါ အစိမ်း အပြာ မဲနယ် ခရမ်းဆိုတဲ့ ရောင်စဉ်ခုနှစ်ပါးလုံး ထုတ်လွှတ်တာဆိုပြန်တော့ကား
ခွတော့ကျပြီပေါ့
_______________________
စာတွေဖတ်ကြည့်ပြန်တော့ အာကာသလဟာပြင်ကြီးက အပြာရောင်မဟုတ်ဘူးတဲ့
ကျွန်တော်တို့ကမ္ဘာကြီးရဲ့လေထုကိုဖြတ်သန်းလွန်မြောက်လို့ အာကာသအတွင်းရောက်ရှိသွားရင် အမည်းရောင်လဟာပြင်ကြီးက ဆီးကြိုနေလိမ့်မယ်လို့ဆိုတယ်
_______________________
ပြီးတော့ဂြိုဟ်တွေရဲ့ထက်ကောင်းက အားလုံးအရောင်တပြေးညီမဟုတ်ဘဲ အင်္ဂါဂြိုဟ်ဆိုရင် သူ့ရဲ့ကောင်းကင်က အနီရောင်ကြီးလို့ဆိုတယ်
ကျွန်တော်တို့ကမ္ဘာရဲ့အရံဂြိုဟ် လရဲ့ထက်ကောင်းကင်က အနက်ရောင်ကြီးတဲ့ ဒါ့ကြောင့် လပေါ်မှာနေသူတယောက်က နေ့လည်နေခင်းဖြစ်နေရင်တောင် ကြယ်တွေကို မြင်တွေ့နိုင်တယ်လို့ဆိုတယ်
_______________________
ဒီလိုဆိုရင် ကျွန်တော်တို့ကမ္ဘာဂြိုဟ်ရဲ့ကောင်းကင်ကြီးကဘာကြောင့်ထူးပြာနေရလဲဆိုရင် ကမ္ဘာကြီးကိုလွှမ်းခြုံထားတဲ့လေထုကြောင့်လို့ဆိုတယ်
နေကနေထုတ်လွှင့်လိုက်တဲ့ရောင်စဉ်တွေထဲက လှိုင်းအလျားရှည်တဲ့ ရောင်စဉ်တွေက ကမ္ဘာ့လေထုကို လွယ်ကူစွာဖောက်ထွင်းဝင်ရောက်လာနိုင်ပြီး လှိုင်းအလျားတိုတဲ့ အပြာရောင်နဲ့ ခရမ်းရောက်က လေထုရဲ့တားစီးမှုကြောင့် ပြန့်ကားသွားတယ်တဲ့
ထိုထဲကမှ ခရမ်းရောင်ကိုတော့ မမြင်ရဘဲ ဘာကြောင့်အပြာရောင်ဖြစ်နေရလဲဆိုရင် လူ့စက္ခုက ခရမ်းထက်အပြာကို ပိုမိုအာရုံဖမ်းယူနိုင်တာကြောင့်ရယ် ပြီးတော့ နေကထုတ်လွှင့်လိုက်ကတည်းကိုက ခရမ်ထက်အပြာက အဆပိုများတာမို့ရယ်လို့ဆိုတယ်
ဒါကြောင့်ပဲ လှိုင်းအလျားတိုတဲ့ အရောင်တွေက
အရုဏ်တက်ချိန်နဲ့ညနေဆည်းဆာချိန်မှာ ကျွန်တော်တို့ဆီဖြတ်သန်းလာရဲ့ခရီးရှည်လွန်းတာမို့ ပြန့်ကားပြေပြောက်သွားပြီး လှိုင်းအလျားရှည်တဲ့ အနီနဲ့လိမ္မော်ရောင်တို့ကသာ ကျွန်တော်တို့စက္ခုဆီအထိရောက်အောင် ဖြတ်သန်းလာနိုင်တာမို့ ဆည်းဆာချိန်တွေက အနီနဲ့ လိမ္မော်ရောင်ပြေးနေရတာပါလို့ဆိုတယ်
ဒီတော့ ကောင်းကင်ပြာကို ဘယ်သူဆေးရောင်ချယ်လဲဆိုတာ သိလောက်ပြီပေါ့
။
။
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
Wednesday, April 15, 2026
ဆရာနန္ဒသိန်းဇံ - မိတ်ကောင်းဆွေကောင်းနှင့်ခရီးသွားခြင်း
ဆရာနန္ဒသိန်းဇံ - မိတ်ကောင်းဆွေကောင်းနှင့်ခရီးသွားခြင်း
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
ထိခိုက်နာကျင်သူတွေနဲ့ ထပ်တူခံစားရကြောင်းပြသတဲ့ ပျော်ပွဲရွှင်ပွဲတွေ ...
.
ဘယ်နိုင်ငံဘယ်လူမျိုးဘယ်ဘာသာဝင်မဆို လူသားမှန်သမျှဟာ ပျော်ရွှင်မှုကို တကူးတက မျှော်လင့်တောင်းတကြသလို လိုက်လံရှာဖွေလို့ သွားရောက်ခံစားကြတဲ့သဘောရှိတယ်
ကိုယ်တွေးကြည့်မိတယ်
ဘာကြောင့်ပျော်ရွှင်မှုကို တကူးတကလိုက်ရှာနေရတာလဲ
သူတို့နေစဉ်ဘဝက ပျော်ရွှင်စရာတွေဆိတ်သုဉ်းနေလို့လား
ပြီးတော့ အလုပ်ဖိအားများလို့ဆိုတဲ့ အပန်းဖြေခရီးတွေပေါ့
လုပ်ငန်းခွင်မှာ ကျေနပ်နှစ်သက်မှုမရှိလို့လေလား သူ့အလုပ်ကသူ့ကိုမပျော်ရွှင်စေလို့လား
ဒါမှမဟုတ် နေ့စဉ်ဘဝမှာ သူရရှိနေတဲ့ပျော်ရွှင်မှုက လုံလောက်မှုမရှိတာကြောင့် ထပ်ဆင့်ရှာဖွေဖို့ လိုအပ်နေတာလေလားပေါ့
သေချာတာတော့ လူတွေက ပျော်ပွဲရွှင်ပွဲကို ရှာပြီးရင်းရှာနေကြတယ်ဆိုတာပါပဲ
___________________________
ဘယ်လောက်တောင်လဲဆိုရင် ဆုံးရှုံးမှုကို ထပ်တူဝမ်းနည်းကြောင်းပြသဖို့ အားပေးထားပံ့မှုပြုဖို့တွေမှာတောင် ပျော်ပွဲရွှင်ပွဲတွေကျင်းပပြုလုပ်ကြတယ်
ဉာဏ်ပညာရှိသူတို့က ကိုယ့်ရဲ့ပျော်ပွဲရွှင်ပွဲလိုလားတောင်းတမှုအတွက် ကိုယ့်ကိုယ်ကိုဖြေသိမ့်နိုင်ဖို့ သို့တည်းမဟုတ် ကိုယ်တယောက်တည်းထောက်ကူဖို့မစွမ်းနိုင်တဲ့အခါ ကိုယ်တတ်ထားတဲ့ပညာနဲ့ ယုတ္တိယုတ္တာကျတဲ့ ခေါင်းစဉ်တွေတပ်လို့ပွဲလမ်းတွေဖန်တီးကြတယ်
ဥပမာ ငလျင်ဘေးအတွက်တို့ မီးဘေးအတွက်တို့ ရေဘေး လေဘေး စစ်ဘေးအတွက်တို့ဆိုပြီး ခေါင်းစဉ်တပ်ထားတဲ့ ပွဲလမ်းသဘင်တွေပေါ့
ဒီအတိုင်းရိုးရိုးအလှူခံမယ်ဆိုရင် လူအများစုရဲ့စိတ်နှလုံးကို မဆွဲဆောင်နိုင်လို့ စိတ်ပါဝင်စားလာအောင်မလှုံ့ဆော်နိုင်လို့နဲ့တူပါတယ်
___________________________
တမျိုးတော့တမျိုးကြီးဗျနော် 🤔
ဆုံးရှုံးရသူတွေ နာကြင်ခံစားရသူတွေနဲ့ ထပ်တူခံစားရ ထပ်တူဝမ်းနည်းရမှုကိုပြဖို့ ပျော်ပွဲရွှင်ပွဲပြုလုပ်တယ်တဲ့
___________________________
ကိုယ်တော့ဖြင့် စိတ်ပါဝင်စားလာအောင် တကူတကဖန်တီးစွဲဆောင်ဖို့ လိုအပ်နေတဲ့သူတွေစီမှာ စာနာမှုကို စိုက်ပျိုးနိုင်လိမ့်မယ် ခိုင်ခိုင်မာမာအမြစ်တွယ်သွားလိမ့်မယ်လို့ မယူဆဘူး ယာယီအားဖြင့်အဆင်ပြေကောင်းတော့ပြေမယ်ပေါ့
တချို့ကလည်း ကိုယ့်ရဲ့ပျော်ပွဲရွှင်ပွဲစိတ်သာယာတိမ်းမူးမှုအတွက် ဆင်ခြေတချို့ရှာဖွေထားတတ်ကြတယ်
ဘယ်သူတွေ ဘယ်လူမျိုးတွေ ဘယ်ဘာသာဝင်တွေလည်း ပြုတာပဲစသည်ဖြင့် မှားဖော်ညှိတာမျိုးပေါ့
အမှန်တော့ သူများလုပ်လို့ ကိုယ်လည်းပြုရတယ်ဆိုတာ ကိုယ့်ရဲ့စဉ်းစားဆင်ခြင်နိုင်တဲ့ ဉာဏ်ပညာကို ကိုယ်ကိုယ်တိုင်စော်ကားလိုက်သလိုပါပဲ
လုပ်ချင်လို့လုပ်သကွာဆိုသူကမှ ကြည်ညိုစရာကောင်းသေးတယ် သူ့စိတ်သူ့ဆန္ဒ သူ့ကိုယ်ပိုင်ဆုံးဖြတ်ချက်အတိုင်း ပြုလုပ်ချင်လို့ပြုတာကိုး
___________________________
ဒါက အမှန်အမှားပြဿနာမဟုတ်ဘဲ ထင်မြင်ချက် ခံယူချက်သဘောထားရေးရာကိစ္စသက်သက်ပါပဲ
___________________________
ဒီအကြောင်းပြောဖြစ်တော့ ကိုယ့်အစ်ကိုက မင်းလိုသာဆိုရင် သင်္ကြန်လည်းပြောက် သီတင်းကျွတ်လည်းပျောက် ရိုးရာပျော်ပွဲရွှင်ပွဲတွေပြောက်လိမ့်မယ်တဲ့
ဟုတ်သားဗျနော် ကျွန်တော်တို့က ယဉ်ကျေးမှုဆိုတာကို ပျော်ပွဲရွှင်ပွဲတွေနဲ့ ကပ်ချပ်ထားတတ်ကြတာကိုး
.
.
#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်
။
ကိုလေး ☆ အင်းတဲ
သန်းထွန်းလေး (အင်းတဲရွာ)
-
#ႀတိစကၠစာအုပ္မ်ား (၄၁) အုပ္ပါခဗ်ာ (၁)ႀတိစကၠ ဆယ့္ႏွစ္ႀကိဳးေမွာ္ရံု http:// www.mediafire.com /download/p1bc9b3kera4yth/ႀတိစကၠ_ဆယ့္ႏွစ္ႀကိဳး...
-
အရိုး စာအုပ္မ်ားစုစည္းမႈ ( ၁၀ )အုပ္ပါခဗ်ာ ၁။ဇီတာ http:// www.mediafire.com /download/pq84w3qtry49n4x/106_AYoe_ZiTar.pdf ၂။ေျခတစ္လွမ္းမွ ...
