သန်းထွန်းလေး ☆ အင်းတဲရွာ

သန်းထွန်းလေး ☆ အင်းတဲရွာ
Than Tun Lay .INDE

Thursday, December 17, 2020

အလက်ဇန္ဒားဖလင်းမင်း Alexander Fleming



ဒီကနေ့ခေတ် ကပ်ရောဂါကြောင့် နိုင်ငံကြီးတစ်ချို့ ဆေးကုမ္မဏီအချို့ သူ့ထက်ငါအပြိုင်အဆိုင် ကာကွယ်‌ေဆးရဖို့ကျိုးစားကြသလို ဈေးကွက်ရဖို့ အလုအယက်လောဘတက်နေတာမြင်ရတော့  တစ်ချိန်က ဆေးပညာတွေ့ရှိမှုကြောင့် ဘီလီယံနာတစ်ယောက်ဖြစ်သွားနိုင်ပေမယ့် အဲ့ဒီ‌တွေ့ရှိမှုကို တစ်ကိုယ်စာလောဘမတက်ဘဲ အများပြည်သူ အလွယ်တကူ အသုံးပြုနိုင်ဖို့ ချပြလှူဒါန်းခဲ့သူတစ်ယောက်ကို သတိရမိတယ် အသုံးပြုကြပါ ပိုကောင်းမွန်လာအောင်လည်း ကြံဆကြပါလို့လည်းဆိုတယ်

သူကတော့
အလက်ဇန်းဒါး ဖလင်းမင်း Alexander Fleming

တစ်နေ့မှာ သူအမှတ်တမဲ့ထားခဲ့တဲ့ ပေါင်မုန့်မှာတက်နေတဲ့ မှိုကိုသတိပြုမိသွားပြီး ဆက်လက်လေ့လာရာမှထိုမှိုသည်ဘတ်တီးရီးယားကိုသတ်နိုင်တဲ့ ပနဆလီယမ်နိုတေတမ်အမျိုးအစားဖြစ်ကြောင်းတွေ့ရှိခဲ့တယ်

(သူ့ကို သိပ်အထင်မကြီးစေဖို့ ဖော့ပြောတာလည်းဖြစ်နိုင်ပါတယ်)

ယင်းနောက်ပညာရှင်များဆက်လက်သုတေသနလုပ်ကြရာမှယနေ့ခေတ်ပနဆလင်ဖြစ်လာခဲ့ပါတယ်

သူ့ဘဝ
.......
သူ့ရဲ့ဘဝကလည်း စိတ်ဝင်စားဖို့ကောင်းတယ် စိတ်ကောင်းစေတနာကောင်းက သူ့ဘဝကို ပြဒါန်းနေတယ်လို့လည်း ဆိုနိုင်တယ်

တစ်နေ့သောအခါမှာ စကော့တလန်  မှခြံစိုက်သမားတစ်ဦးဟာ ရွှံ့ဗွက်အိုင်မှာနစ်မြုပ်နေတဲ့ ကလေးငယ်လေးကို ကယ်ဆယ်ခဲ့တယ်

နောက်တစ်နေ့မနက်တွင် ခြံစိုက်သမားအိမ်ရှေ့သို့ အမျိုးကောင်းမြင်းတွေတပ်ဆင်ထားသော ရထားတစ်စီးဆိုက်ရောက်လာပြီး ၀တ်ကောင်းစားလှ၀တ်ဆင်ထားသော လူကြီးတစ်ယောက် ရောက်ရှိလာတယ် သူ့နာမည်ကတော့ ရမ်းဒေါ့ဖ်ချာချီ (Randolf Chuechil)

ခြံစိုက်သမားကိုတွေ့သောအခါ
“မနေ့ကသူ့သားကို ကယ်ခဲ့တာ ဒီကမိတ်ဆွေလားခင်ဗျာ”
“ဟုတ်ပါတယ် ကျွန်တော်ပါ”
ကျေးဇူးတင်သည့်အလျောက် ငွေကြေးထောက်ပံ့ပါရစေလို့ ကမ်းလှမ်းတယ် သူကလက်မခံပါဘူး အသက်တစ်ချောင်းမို့ ကယ်သင့်လို့ ကယ်တာသာဖြစ်ကြောင်း အကျိုးတစ်စုံတရာမမျှော်လင့်ကြောင်းဆိုတယ်

အဲ့ဒီအချိန်မှာ အနီးက ကလေးငယ်ကို သတိပြုမိပြီး ဒါခင်ဗျားသားလား သူ့ကို လန်ဒန်ခေါ်သွားပြီး ပညာတတ်တစ်ယောက်ဖြစ်အောင် ပြုစုပျိုးထောင်ခွင့်ပေးပါလို့ ခွင့်တောင်းလာတယ် ခြံသမားကြီးက သဘောထူလိုက်တယ်

အဲ့ဒီကလေးငယ်ဟာ ဆရာဝန်တစ်ယောက်ဖြစ်လာရုံသာမကပင်နီစလင် ကိုပထမဆုံးတွေ့ရှိသူအဖြစ် သူနာမည်က ကမ္ဘာကျော်သွားခဲ့ပါတယ်

သူ့နာမည်က အလက်ဇန်းဒါး ဖလင်းမင်း Alexander Fleming
မွေးဖွားနှစ် ၁၈၈၁ အယ်ရ်မြို့  စကော့တလန်
ပနဆလင်တွေ့ရှိနှစ် ၁၉၂၉
နေရာ စိန့်မေရီဆေးရုံ ပယ်ဒင်တန်မြို့
ပထမဆုံးပနဆလင်သုံးကုသမှု ၂၀.၂.၁၉၄၁
အရပ်သားများစတင်အသုံးပြုမှု ၁၉၄၄
ဆာဘွဲ့ရနှစ် ၁၉၄၄
နိုဘယ်ဆုရနှစ် ၁၉၄၅
သေဆုံးနှစ် ၁၉၅၅(နှလုံးသွေးကြောပိတ်)

စစ်မဖြစ်ခင်လေးမှာ လန်ဒန်ကဆေးရုံကြီးတစ်ခုကို အဆုတ်အအေးမိတဲ့ရောဂါနဲ့ လူတစ်ယောက်ရောက်လာပါတယ် အဲ့ဒီတစ်ယောက်က စောစောကသူဌေးကြီးရဲ့သား။သူ့နာမည်က ၀င်စတန်ချာချီ (နောင် ဗြိတိသျှ၀န်ကြီးချုပ်ဖြစ်လာမည့်သူ)။ သူ့အသက်ကို ကယ်လိုက်တာကလည်း အလက်ဇန်းဒါးဖလင်းမင်းပါ

လူတစ်ယောက်တည်းရဲ့အသက်ကို သားအဖနှစ်ယောက်က ကယ်ဆယ်ပေးနိုင်ခဲ့တဲ့ အံ့ဖွယ်ဖြစ်ရပ်တစ်ခုလို့ ဆိုနိုင်သလို ဒီစိတ်ကောင်းစေတနာကောင်းရှိကြောင့်လည်း ဒီကနေ့ထက်တိုင် သူတို့ရဲ့အမည်က တွင်ကျန်နေတာလည်း ဖြစ်ပါတယ်

သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ် နှင့် ရွှေပန်းထိမ် လုပ်ငန်း


Friday, December 11, 2020

မန္တ​လေးမြို့တည်နန်းတည်နှစ်၁၅၀ပြည့် အနုပညာပုံရိပ်ပွဲ​တော် အစအဆုံး

 လူရွှင်​တော် ထင်​ပေါ် ကျော်ကြား တက်တိုး

မင်းသမီး ပန်တျာ​ဌေး​ဌေးမြင့်

အငြိမ့်နှစ်သက်သူဆိုရင့်​တော့ ကြည့်သင့်တတယ် မန်းဆန်နန်းဟန်အပြည့်မို့ပါ


 

Wednesday, December 9, 2020

ချစ်ဖူးသူများ


တည်ငြိမ်လှချည်လားတဲ့....


မောင့်အပူ​ပွေသူပါရှင် ဆိုပြီး 

ဆွေး​ဆွေး​မြေ့​မြေ့ သီဆိုတတ်တဲ့ #မေရှင် ကို 

အဲ့ဒီတစ်​ကြောင်းတည်းနဲ့ သိပ်ချစ်ခဲ့ဖူးသူပါ


လှည်းတန်းက တအီ...အီ ဆိုပြီး သံရှည်စွဲလို့

အလွမ်းသံနဲ့ တောသဘာဝ​တောအလှ ခံစား​စေခဲ့တဲ့

#ခင်အုန်းမြင့်လေး ကိုလည်း ချစ်တာပဲ


အ​တွေးစိတ်ကူး ထက်သန်ပြီး

တွေး​တွေးဆဆ ယဥ်ယဥ်​ကျော့​ကျော့နဲ့

#တက္ကသိုလ်ဘုန်းနိုင် ရဲ့ ခိုင် ကိုလည်း သိပ်ချစ်ခဲ့ဖူးပါတယ်


ခြေဖဝါးတစ်ခု အ​ကြောင်းပြုလို ကာလရှည်ကြာ ကျိုးစားသူ့တစ်​ယောက်ရဲ့ 

နောက်ဆုံး​​ခြေဖဝါးဟာ ဦးညွှတ်ဖို့ ဘယ်​လောက် ထိုက်တန်သလဲဆိုပြီး

လမ်းညွှန်ပြတဲ့ #နန္ဒသိန်းဇံ ကိုလည်း သိပ်ချစ်ဖူးတာ​ပေါ့


တမူထူးတဲ့ အ​တွေးစိတ်ကူးနဲ့

အတိတ်ကမ္ဘာသို့လှည့် အနန္တသူရိယနဲ့ တွေ့ဆုံစကားဆိုခဲ့တဲ့ 

#ချစ်ဦးညို ကိုလည်း ချစ်ခဲ့ဖူးသူပါ


ချောင်းရေယာဥ်ရှံပါလို့ လမ်းမသိပါဘူးတဲ့လား

ဇာတ်သဘာဝ ကန့်လကာကို ဖွင့်ပြခဲ့တဲ့

#နန္ဒာစိုး(ဆင်ဖြူကျွန်း) ကိုလည်း ချစ်ဖူးခဲ့တာပဲ


အချိတ်အဆက် ကွင်းဆက်မပြတ် မျက်နှာ​လေယူ ဟန်မူအ​နေအထားနဲ့ 

အငြိမ့်ဆိုတာ ဟာသပညာဆိုတာရဲ့ အနှစ်သာရကို သူ့ကြည့်ဖူးမှ ခံစားရတာလို့

အ​တွေး​ရောက်​စေခဲ့တဲ့ #ထင်ပေါ်ကျော်ကြားတက်တိုး အတွဲလည်း ချစ်တာပဲ


လေး​လေးတွဲ့တွဲ့ နွဲ့နွဲ့​ပြောင်း​ပြောင်း အကအလှနဲ့

စည်မျက်နှာကဲ့သို့  ညီညာပါ​လေသကိုတဲ့ မန္တ​လာရဲ့အလှကို သာယာသီ​ကြွေးပြီး 

စွဲယူဖမ်းစားခဲ့တဲ့ #ပန်တျာဌေးဌေးမြင့် ကိုလည်း သိပ်ချစ်​ပေါ့


အသက်မကြီး​သေးပါ​မောင်ရယ် ထန်းရွက်ပုတီး​လေး 

ဆွဲချင်ပါ​သေးတယ်လို့ ရွှေစာရံဘုရားပွဲသွား

သံစဥ်​လေးအတွက် #စိန်တင်ဟန် ဆိုတဲ့ ဆိုင်းဆရာကြီးလည်း ချစ်တာပဲ


ကိုယ့်အ​တွေး​တွေမှာလည်း ကြင်နာသူ​လေးစိုးမိုးစဥ်

ဆိုပြီး ဆွေး​ဆွေး​မြေ့​မြေ့ တမ်းတမ်းတတ ဆိုတတ်တဲ့

#စည်သူလွင် ရဲ့ အ​တွေးထဲက ကောင်းမ​လေးကိုလည်း သိပ်ခဲ့ဖူးတာ


ဒီ​လောက်အထိချစ်တတ်တာ ငြိမ်တာဖြစ်နိုင်ပါမလား

လှုပ်လို့အားရလို့ အနည်ထိုင်တာပါဆို​တော့

သူက ပြုံးတယ်...


တကယ်​တော့ ကျွန်​တော်က ချစ်တတ်သူပါ...


#သန်းထွန်းလေး (အင်းတဲရွာ)

#အောင်ညီကို ရွှေထည်စက်ဖြတ် နှင့် ရွှေပန်းထိမ်လုပ်ငန်း

Tuesday, December 8, 2020

ပျော်ရွှင်ခြင်း ပျော်ရွှင်နိုင်ခြင်း


ကိုယ်ဝါသနာအရ​သော်၄င်း အ​​ခြေအ​နေအရ​သော်၄င်း ရွေးချယ်ပြီးသား အသက်​မွေးဝမ်း​ကြောင်းပြုရာ အလုပ်ကို ဝတ်​ကျေတန်း​ကျေမျိုးမဟုတ်ဘဲ လေး​လေးစားစား ကျိုးကျိုးစားစား လုပ်သူ​တွေကို အင်မတန်သ​ဘောကျတယ်ဗျ


အချို့ရှိတတ်တယ်ဗျ လုပ်သာလုပ်​နေရတယ် စိတ်မပါတာမျိုး ငါ့အလုပ်က တက်လမ်းမရှိဘူး ဘာဖြစ်ညာဖြစ်တယ် ပြောသံကြားရင် သူ့အတွက် စိတ်မ​ကောင်းဖြစ်မိတယ် 


အမှန်​တော့ သူနဲ့နီးစပ်ရာ အသိုင်းအဝိုင်းမှာ အဲ့ဒီလုပ်ငန်းနဲ့ပဲ ထွန်း​ပေါက်​အောင် ပြုလုပ်နိုင်သူမရှိ​သေးလို့ အားကျစရာ နည်းယူစရာ ပုဂ္ဂိုလ်မ​တွေ့လို့ပါ ကိုယ်ကိုယ်တိုင် လမ်းသစ်​ဖောက်ဖို့ကလည်း လုံ​လောက်တဲ့ စိတ်ခံယူချက် မရှိ​သေးလို့ပါ


ဒီ​တော့ ကိုယ့်လက်ထဲက အရာထက် တစ်စွန်းတစ်စသာမြင်ရတဲ့ အခြားသူလက်တွင်းကအရာကို ပို​ကောင်းလိမ့်မယ့်လို့ ယူဆလာကြ​တာ​ပေါ့


တကယ်​တော့  

ပညာရှင်ကလည်း ပညာရှင်အ​လျှောက် 

အောင်မြင်သူကလည်း အောင်မြင်သူအ​လျှောက် 

ချမ်းသာသူကလည်း ချမ်းသာသူအ​လျှောက်  

အားလုံး ကိုယ့်အထွာနဲ့ကိုယ် ကျိုးစား​နေကြရတာ ရုန်းကန်​နေကြရတာ သတိမထာမိကြဘူးလို့ ထင်တယ်


ဒါ​ကြောင့် ကိုယ်​လျှောက်လှမ်းရာ အလုပ်ကို လေး​လေးစားစား ကျိုးကျိုးစားစားလုပ်သူ​တွေကို တကယ့်ကို သ​ဘောကျမိပါတယ် 


သူတို့ကမှ တကယ့်​ပျော်ရွှင်နိုင်သူ​တွေမဟုတ်လား...


သန်းထွန်း​လေး (အင်းတဲရွာ)

အောင်ညီကို ရွှေထည်စက်ဖြတ် နှင့် ရွှေပန်းထိမ်လုပ်ငန်း

Sunday, December 6, 2020

အတင်းအဖျင်း

တွဲသုံးတာများပေမယ့် ပုဒ်တစ်ခုခြင်းစီမှာ ခြားနားတဲ့အဓိပ္ပါယ်တွေရှိပါတယ် သာမန်အားဖြင့် တူညီသယောင်ရှိပေမယ့် စိတ်အခြေခံကတော့ သိပ်ကို ကွာခြားလွန်းပါတယ်

အတင်းဆိုတာက ရှင်းပါတယ် မကျေနပ်မှု ဒေါသလေး အခြေခံပြီး နောက်ကွယ်မှာ ဝေဖန်အပြစ်တင်နေတာမျိုးပါ

စပါးနှံ​တွေမှာ အစံမပါတဲ့ စပါး​စေ့​တွေကို သိမ်တယ် ဖျင်းတယ် အဖျင်းလို့ ခေါ်တာပါ

အနှစ်မပါ ပေါ့ပျက်ပျက်နဲ့ အကျိုးလဒ်မရှိပဲ  မောဟ အခြေခံ နှုတ်ကလွှတ် ထွက်ကျလာတာမျိုးကို သိမ်ဖျင်းတဲ့ စကားကို့ ခေါ်ပါတယ်

ဖြစ်ဖူးကြမှာပါ ကိုယ်ကတော့ ဘာမှရည်ရွယ်ပြီး ပြောလိုက်တာမဟုတ်ပေမယ့် တစ်ဖက်လူက ငြိုငြင်သွားတာမျိုးတွေ 

လောကမှာ နှုတ်တစ်ခုကြောင့် ရှုပ်ထွေးနေတာ များပါတယ် 

မြတ်ဗုဒ္ဓရဲ့ အရည်အချင်းတစ်ရပ်ဖြစ်တဲ့ သုဂတော ဆိုတဲ့ ဟုတ်မှန်၍ အကျိုးရှိသော စကားကိုသာ ဆိုတတ်တော်မူသော ဆိုတဲ့ ဂုဏ်တော်ကို နှလုံးသွင်းကြည်ညိုရင်း

ထိမ်းဖို့ခက်တဲ့ နှုတ်ကို သတိလေးကပ်ပြီး ထိမ်းသိမ်းကျဖို့ တိုက်တွန်းရင်...

သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ်လုပ်ငန်း

သန်းထွန်းလေး (အင်းတဲရွာ)

ရုပ်သေးပွဲသွားရအောင်

  ရုပ်သေးပွဲသွားရအောင် Https://youtube.com/@thantunlayinde  ရေး-ကန်မြဲကိုအေးကျော် ဆို-ခင်အုန်းမြင့်လေး .. ပင်ခေါင်တိုင် သပြေကိုင်းနဲ့ နေမှို...