သန်းထွန်းလေး ☆ အင်းတဲရွာ

သန်းထွန်းလေး ☆ အင်းတဲရွာ
Than Tun Lay .INDE

Monday, November 23, 2020

ဖိတ်​ခေါ်ပါသည်

ရေးဆို သန်းမြတ်စိုး (ကို​ထွေး)
တီး နိုင်လင်းထွန်း

 

ဟိုမိုက​ရေစီ

ကျွန်​တော်ရဲ့ ပုဂ္ဂလအယူအဆအရဆိုရင် ဒီမိုကရေစီဆိုတဲ့ စနစ်ကို သိပ်ကြိုက်လှတယ်မဟုတ်ဘူး သူ့မှာ အုပ်ချုပ်သူအသိုင်းအဝိုင်းကို အများသ​​ဘောနဲ့အညီ ရွေး​ကောက်တင်​မြှောက်တာပဲ ဘာမကြိုက်စရာရှိလဲလို့ မေးစရာရှိတယ် 

အများသ​ဘောဆိုတဲ့ အဓိပ္ပါယ်ကို သိပ်မကြိုက်လှတာပါ လောကမှာ ပညာရှိသူနဲ့ မရှိသူ ဘယ်ကပိုများမယ်ထင်လဲ  အများသ​ဘောကျနှစ်သက်တယ်ဆိုတိုင်း​ရော အမှန်ဖြစ်နိုင်ပါ့မလား 

ဟစ်တလာကို ဘယ်လိုထင်လဲ သူကအာဏာသိမ်းပြီး​ ခေါင်း​ဆောင်ဖြစ်လာတာ မဟုတ်ဘူး​နော် အများသ​​ဘောနဲ့အညီ ရွေး​ကောက်တင်​မြှောက်ခံရသူပါ

မ​ရွေး​ကောက်ခင်မှာလည်း နှုတ်အားဖြင့် ကတိကဝတ်​တွေ မြှောက်လုံး​တွေ ဟောက်လုံး​တွေ ခြောက်လုံး​တွေ စုံလို့​ပေါ့ တနည်းအားဖြင့် ရွေး​ကောက်ခံသူက လေနဲ့အရင်ယှဥ်ပြိုင်ကြတယ်

နှုတ်​ရေးကြွယ်သူက အ​လေးသာတာများပါတယ်  ဒါ​ကြောင့်ပဲ သိပ်မကြိုက်လှတာပါ ကာလကြိုက်စကားလုံး​တွေ ရေရွတ်​နေယုံနဲ့ နိုင်ငံ့အ​ရေးအ​လေး​ပေးတယ်လို့ မုချသတ်မှတ်​တော့မှာလား ဒီမိုဒီမိုနဲ့​ပေါ့ ကျွန်​တော်က​တော့ ဟိုမိုကို ပိုကြိုက်တယ်တယ်ဆိုခဲ့ရင်​ကော 

ပြီး​တော့ ကျွန်​တော်ရဲ့ အ​ရှေ့တိုင်းနိုင်ငံ​တွေမှာ ဒီမိုကရေစီရဲ့ စံနဲ့သိပ်မကိုက်တဲ့ အယူအဆတစ်ခု စွဲ​နေတာရှိတယ် ဟီးရိုးဝါဒပါ သူရဲ​ကောင်းမျှော်တာ ပုဂ္ဂိုလ်ချစ်ဝါဒမျိုးလို့ဆိုနိုင်မယ်ထင်တယ် သူ​ပြောသမျှလုပ်တယ် သူ​ပြောမှသ​ဘောကျတယ် ဒီ​တော့ အရာအားလုံး သူပဲဆုံးဖြတ်​ပေး​နေရတယ် ဒါကိုက ဧကရာဇ်စနစ်ရဲ့ ပင်မအယူအဆပါ 

ကိုယ်နှစ်သက်တဲ့ ကြိုက်တဲ့ သ​ဘောကျတဲ့သူ​တွေဆိုရင် တရားလွန်​မြှောက်ပင့်တာမျိုး ဒါဟာအပြုခံ ပုဂ္ဂိုလ်အတွက်လည်း ကောင်းလှတယ်မဟုတ်ဘူး အဖျက်အ​မှောင့် ပြုချင်သူ​တွေအတွက် ပစ်မှတ်ဖြစ်သွားပြီး ကျော်လွှားနိုင်ရင် အ​ကောင်းဆုံးဖြစ်နိုင်​ပေမယ့် အ​ကြောင်း​ကြောင်း​ကြောင့် အဖျက်အ​မှောင့်သမား​တွေရဲ့ လုပ်ရပ်အောင်မြင်သွားရင် လွယ်လွယ်ကူကူ ပျိုကွဲသွားတတ်တယ်

ဥပမာ
အ​နော်ရထာရဲ့​ခေတ်မှာ ကျော်လွှားနိုင်ခဲ့တယ်လို့ထင်တယ် ဒါ​ကြောင့်ပဲ ပထမမြန်မာနိုင်ငံဆိုပြီး စတင်ဖြစ်​ပေါ်လာတယ်လို့လည်း ယူဆမိတယ် ပြီး​တော့ ဘုရင့်​နောင် အ​လောင်းဘုရားစသည်ဖြင့်​ပေါ့

ဗိုလ်ချုပ်အောင်ဆန်း လုပ်ကြံခံရပြီးနဲ့ ရှင်သန်လှုပ်ရှား​နေချိန် မြန်မာ့နိုင်ငံ​ရေးအခင်းအကျင်းကိုလည်း လေ့လာကြည့်ပါ ပထမ​ကျော်လွှားနိုင်လို့ တစ်နိုင်ငံလုံးက တိုင်းရင်းသား​တွေစုစည်းပြီး လွတ်လပ်​ရေးရဖို့ လမ်းစဥ်ချနိုင်ခဲ့တယ် နောက်လုပ်ကြံခံရ​တော့ ပျိုကွဲ​တော့တာပဲ

ပြီး​နောက်​တော့ ဘုန်း​တော်ဘွဲ့​တွေ အစားထိုးမရတဲ့ တေးချင်း​တွေ အပြိုင်အဆိုင် ဟစ်ကြွေးရင်း​ပေါ့  
အစားထိုးဖို့ကို မကျိုးစားတာ သာလွန်တဲ့သူကို မွေးမထုတ်နိုင်တာမျိုးဆိုရင် နေခဲ့​ပေအုံး​ရော့လို့ပဲ ဆိုရမယ်ထင်တယ်

ကျွန်​တော်အလိုအရဆိုရင် အား​ကောင်းခဲ့ဖူးတဲ့ ပ​ဒေသရာဇ်ဖြစ်​စေ ဧကရာဇ်ဖြစ်​စေ  စစ်အုပ်ချုပ်မှုဖြစ်​စေ ဒီမိုကရေစီဖြစ်​စေ ဟိုမိုက​ရေစီဖြစ်​စေ ဘယ်အုပ်ချုပ်​ရေးစနစ်မှ မုချ​ကောင်းတယ် မ​ကောင်းဘူးလို့ ဆိုနိုင်မယ်မထင်ဘူး ချို့ယွင်းချက်လည်းရှိသလို အားသာချက်လည်း ရှိပါမှာပဲ

အဲ့ဒီစနစ်ကို လိုက်နာ​ဆောင်ရွက်သူ​တွေ အ​ပေါ်မှာပဲ မူတည်လိမ့်မယ်လို့ထင်တယ်

သန်းထွန်း​လေး (အင်းတဲရွာ)
အောင်ညီကို ရွှေထည်စက်ဖြတ် နှင့် ရွှေပန်းထိမ်လုပ်ငန်း

Sunday, November 15, 2020

ပဋိသန္ဓေကျိုး နှင့် ပဝတ္တိကျိုး

ဘဝတိုင်းကို ပဋိသန္ဓေက​နေ အစပြုပါတယ် 

ရှည်ကြာတာတာ တို​တောင်းတာ​တော့ ကွာတာ​ပေါ့


လက်ရှိဘဝက​နေ စုတေပြီး တဖန်ဘဝမဖြစ်မီ ကြားကာလဆိုတာ မရှိပါဘူး စု​တေစိတ်ပြီး ပဋိသန္ဓေစိတ် ချက်ချင်း​ပေါ်ပါတယ် ဒီဘဝ​သေပြီး တဖန်ဖြစ်မယ့်ဘဝဘဝမှာ ချက်ချင်း ပဋိသန္ဓေယူတယ်


 ၇ရက် မကျွတ်ဘူး ဘာညာဆိုတာ ဗုဒ္ဓဘာသာ အယူအဆမဟုတ်ပါဘူး ကိုယ်ထင်ရှားပြတယ် ချောက်တယ်လှန့်တယ်ဆိုတာ အဲ့ဒီလို ပြုလုပ်နိုင်တဲ့ ဘဝတစ်ခုခု ဥပမာ တ​စ္ဆေ ပြိတ္တာ ဆိုတဲ့ဘဝမှာ ဖြစ်​နေတာမျိုးပါ


ပဋိသန္ဓေကျိုး ဆိုတာက​တော့ ကိုယ်ပြုခဲ့ ပြုစဲ အား​လျော်စွာ ဖြစ်​ပေါ်လာတဲ့ကံ​ကြောင့် ဘဝတစ်ခု သ​​န္ဓေယူ​စေတာမျိုး​ပေါ့


ပဋိသန္ဓေကျိုးအား​ကောင်းရင် သုဂတိဘုံ​တွေဖြစ်တဲ့ နတ် လူ ဗြဟ္မာ စသည့်ဘုံ​တွေမှာ ဖြစ်စေတတ်တယ် အားနည်းရင်​တော့ ဒုက္ခတိဘုံတွေဖြစ်တဲ့ ငရဲ တိရိစ္ဆာန် ပြိတ္တာ စသည်တို့မှာ ဖြစ်စေတတ်တယ်


ပဝတ္တိကျိုးဆိုတာက​တော့ ဘဝဖြစ်ပြီး ဆက်လက်အကျိုး​ပေးတဲ့ ကံမျိုးပါ


ဥပမာ

သင်ဟာ ပဋိသန္ဓေကျိုးလည်း​ ကောင်းမယ် ပဝတ္တိကျိုးလည်း ကောင်းမယ်ဆိုရင်

ပဋိသန္ဓေကျိုး​ကောင်းတဲ့အတွက် လူလည်းဖြစ်မယ် ပဝတ္တိကျိုးကောင်းတဲ့အတွက် လူထဲမှာ​တောင် ကောင်းမွန်တဲ့ မိသားစုအသိုင်းအဝိုင်း ငွေ​ကြေးပြည့်စုံတဲ့ အသိုင်းအဝိုင်းမှာ ဖြစ်ခွင့်ရမှာပါ


အဲ ပဋိသန္ဓေကျိုး​ကောင်းလို့ အဲ့ဒီမှာ​တော့ဖြစ်ပါရဲ့ ပဝတ္တိကျိုးမ​ကောင်းလို့ စွန့်ပစ်ခံရတာတို့ သူ့​မွေးပြီးမှ ဆင်းရဲသွားတာမျိုးလည်း ဖြစ်တတ်တာ​ပေါ့


နတ် ဗြဟ္မာလည်းထိုနည်း၄င်း​ပေါ့ ပဝတ္တိကျိုးကောင်းရင် ပိုပြီး ကိုယ်​ရောင်ကိုယ်ဝါ​တောက်ပတာမျိုး ပိုပြီး အစွမ်းတန်ခိုး ကြီးမြင့်တာမျိုး ဖြစ်​စေတာမျိုး​ပါ


ပဋိသန္ဓေကျိုး ကောင်းလို့ လူဖြစ်ရ​ပေမယ့် ပဝတ္တိကျိုးမ​ကောင်းလို့ မပြည့်စုံတဲ့ ဆင်းရဲတဲ့ ဘဝကိုလည်း ခံစားရနိုင်ပါတယ်


ပဋိသန္ဓေကျိုး မ​ကောင်းလို့ တိရိစ္ဆာန်ဖြစ်တဲ့ ခွေးဘဝကို ပိုင်ဆိုင်ရ​ပေမယ့် ပဝတ္တိကျိုးက ကောင်း​တော့ လူချမ်းသာ​တွေအိမ်မှာ ခွေချစ်တတ်သူ​တွေဲ့အိမ်မှာ ဖြစ်ခွင့်ရပြီး ရေချိုး​ပေးမယ့်သူနဲ့ စားတာ​တောင် အသားပြုတ်နဲ့ သွား​တော့လည်း အ​ကောင်းစားကားနဲ့ ဒီလိုမျိုး​ခွေး​တွေ တွေဖူးမယ်ထင်တယ်


 ပဝတ္တိကျိုးပါ မ​ကောင်းတဲ့​ခွေးကြ​တော့လည်း အဲ့ဒီအိမ်မှာ​မွေးဖွားခဲ့​​စေအုံး စွန့်ပစ်ခံရတာတို့ လမ်း​ဘေးမှာ ဟိုလူက ခဲနဲ့ထုလိုက် ဒီလူက ခဲနဲ့ထုလိုက်တို့ပေါ့


သန်းထွန်း​လေး (အင်းတဲရွာ)

အောင်ညီကို ရွှေထည်စက်ဖြတ်နှင့်​ရွှေပန်းထိမ်လုပ်ငန်း

Tuesday, November 10, 2020

မေတ္တာလက်​ဆောင် (၄) ကျောက်သင်ပုန်း


ငယ်မိုး မှ

အားလုံးကြုံဖူးကြမယ်ထင်တယ်
ကိုယ်အရမ်းလိုချင်​နေတဲ့အရာတခုကို ရရှိချိန် ကြည်နူးရတဲ့ အခိုက်အတန့်မျိုး

ကျွန်တော်က ဘယ်အရာမှ  ရခါမှရ​ရော​ သိပ်ပြီးလိုချင်လှတယ်ရယ်လို့ ရှိခဲ့တာမျိုးမဟုတ်ပါဘူး အရာအားလုံးလို့ဆိုနိုင်တယ် ဒါ​ပေမယ့် ကျောက်သင်ပုန်းကလွဲလို့​ပေါ့

ဒီအရာကို လိုချင်​တောင်းတ​နေတာ သုံး​လေးနှစ်ဝန်းကျင်ကတည်းကဆိုပါ​တော့ ရှားပါပစ္စည်းတစ်ခုဖြစ်တာ​ကြောင့် နေရာ​ဒေသတိုင်းမှာ ဝယ်လို့ရနိုင်တာမျိုးမဟုတ်ပါဘူး 

ကျောက်သင်ပုန်းထွက်ရှိရာအရပ်မှာ မိတ်​ဆွေအချို့ရှိ​ပေမယ့် အ​ကြောင်း​ကြောင်း​​ကြောင့် မမှာဖြစ်ဘူး ကိုယ်ရဲ့ဆန္ဒက အခြားလူအ​ပေါ် ဝန်မဖြစ်​စေလိုတာလည်း ပါတာ​ပေါ့

ဒါ​ပေမယ့် တစ်ရက်မှာ သူဖုန်းဆက်လာတယ် ကျောက်သင်ပုန်း ဝယ်​ပေးမယ်ဆိုတာ ကိုယ့်ရဲ့နှစ်ရှည်လများ ဆန္ဒတစ်ခု အမှတ်မထင်ပြည့်စုံရတဲ့ အခိုက်အတန့်ရဲ့ ဝမ်းသာပီတိဟာ ပြောပြဖို့လွယ်မယ်ထင်ဘူး သိပ်ကြည်နူးရသလို သိပ်ဝမ်းသာရ​တယ်​ သိပ်​ကျေးဇူးတင်ပါတယ်လို့သာ ပြောခဲ့​ပေမယ့် ဒီစကား​တွေက ကိုယ့်ဆန္ဒပြည့်ဝမှုကို ၄ပုံ၁ပုံ​လောက်​တောင် ပုံ​ဖော်နိုင်စွမ်းမရှိပါဘူး အဲ့ဒီထက်ပိုပါတယ်

နှစ်ချပ်ရ​တော့ ပိုပြီး​တောင် သ​ဘောကျမိတယ် တစ်ချပ်ကို အလုပ်မှာအမှတ်တရချိတ်ထားတယ် နောက်တစ်ချပ်က ရွာကအိမ်မှာ​ ကျောက်သင်ပုန်းဆိုတာ ဒါပဲကွလို့ နောက်မျိုးဆက်ကို ပြရင်း​ပေါ့

အမှန်​တော့ ကျွန်​တော်​ကျောက်သင်ပုန်း လိုချင်​ကြောင်း ဘယ်သူ့ကိုမှမ​ပြောဖူးဘူးလို့ထင်တယ် သူ့ကိုတစ်ခါမှမ​ပြေားဖူးသလို ဘယ်ကဘယ်လို သူသိ​နေလဲဆိုတာ မစဥ်းစားတတ်​အောင်ပဲ အဲ့ဒီအချိန် သူဖုန်းဆက်တုံးက သူ့ဖုန်းနံပါတ်တောင် ကျွန်​တော့်မှာ ရှိ​နေတာမျိုးမဟုတ်ဘူး အမှတ်မထင်မှ လုံးဝကို အမှတ်မထင်လို့ ဆိုရမှာဘဲ

ကျွန်​တော်တို့ မိတ်​​ဆွေသူငယ်ချင်းအဖြစ် ပေါင်းသင်းချိန်က ၂နှစ်၃နှစ်ဝန်းကျင်ထက် ပိုခဲ့လိမ့်မယ်မထင်ဘူး နောက်​တော့ သူလည်း သူ့အလုပ်ကိစ္စနဲ့ နိုင်ငံရပ်ခြား သွား​ရောက်ကတည်းက အဆက်အသွယ်မရှိ​တော့တာ 

သူငယ်ချင်းတွေဆိုတာ အချိန်ကာလနဲ့ ပိုင်းခြားလို့ ဆုံးဖြတ်လို့ရမယ်မထင်ပါဘူး 
ဘဝမှာ ဒီလိုသူငယ်ချင်းမျိုးနဲ့ ရင်းနှီးရတာ အ​ကောင်းဆုံးလို့ထင်တယ်

ဒါက ကျွန်​တော်အလိုချင်ဆုံး​ မေတ္တာလက်​ဆောင်ပါဘဲ

သန်းထွန်း​လေး (အင်းတဲရွာ)
အောင်ညီကို ရွှေထည်စက်ဖြတ်နှင့်​ရွှေပန်းထိမ်လုပ်ငန်း

Monday, November 9, 2020

မေတ္တာလက်​ဆောင် (၃) ဒေါက်တာနန္ဒမာလာဘိဝံသ ၏ အဂ္ဂညသုတ္တန်


(ကမ္ဘာဖြစ်တည်ခြင်းအ​ကြောင်း)
ခြေနင်း​ခေါင်းဆင်းအစ်ကိုရင်းမှ


အ​စောက​ပြောခဲ့သလိုပဲ ကျွန်​တော်က အသိုင်းအဝိုင်းနဲ့ ပတ်သက်ရင် ကံ​ကောင်းတယ် မိတ်​ဆွေသူငယ်ချင်း  လုပ်ငန်းခွင် ပတ်ဝန်းကျင် မိသားစု အားလုံးပဲဆိုပါ​တော့


အရွယ်​ရောက်​တော့ မိသားစုရဲ့ အရိပ်မှာမဟုတ်ဘဲ ကိုယ့်ကိုယ်ကို ထိန်း​ကျောင်းကြီးပြင်းလာရ​ပေမယ့် မိသားစုက လျှောက်ရမယ့်လမ်းနဲ့ လျှောက်ရမယ့်ပုံစံကို လမ်းပြတာပါ အထူးသဖြင့် ခြေနင်း​ခေါင်းဆင်းအစ်ကိုရင်းပေါ့


တစ်နှစ်​သော​နွေတစ်​နွေ အိမ်အပြန်မှာ သူက ကျွန်​တော်ဖုန်းထဲကို ပါ​မောက္ခချုပ်ဆရာ​တော် ဒေါက်တာနန္ဒမာလာဘိဝံသ ဟောကြားထားတဲ့ အဂ္ဂညသုတ္တန် (ကမ္ဘာဖြစ်တည်ခြင်းအ​ကြောင်း ) တရားတစ်ပုဒ်ထည့်​ပေးလိုက်တယ် မင်းနာဖြစ်​အောင်နာလိုက်လို့လည်း မှာလိုက်တယ်


 နောင်ပိုင်းမှာသိရတာက သူ့ကိုလည်း တာကြီးကို (အောင်နိုင်မိုး) က ထည့်​ပေးတာလို့​သိရတယ်

 ကျေးဇူးတင်ပါတယ် တာကြီးကို


အမှန်က အဲ့ဒီအချိန်က ကျွန်​တော် တရား​ဒေသနာ​တော်​တွေ နာ​နေပြီဆို​ပေမယ့် စွဲစွဲမြဲမြဲနာဖြစ်တာက ကြာနီကန်ဆရာ​တော် ဦးဇဋိလ ရဲ့ တရား​တော်​တွေပါ သီတဂူဆရာ​တော် ရဲ့ တရား​တော်​တွေလည်း နာ​ဖြစ်တယ်ဆို​ပေမယ့် အ​စောပိုင်း ပါဠိပါတ်သား​တွေ ပြည့်ပြည့်စုံစုံ ကြွယ်ကြွယ်ဝဝနဲ့ ဟော​ကြားထားတဲ့ ရှည်လျှားတဲ့ တရား​တွေမဟုတ်ဘဲ နောက်ပိုင်းမှာ​ဟောကြားတဲ့ သိပ်လည်းအချိန်မကြာ ဒေသန္တရ ဗဟုသုတ​တွေကို အ​ခြေပြု​ဟောကြားထားတာ​တွေကိုပဲ နာဖြစ်တာပါ ပါ​မောက္ခချုပ်ဆရာ​တော် တရားအချို့ နာဖူး​​ပေမယ့် နာမလည်လို့ကို မနာဖြစ်တာ အနှစ်သာရထက် ထူးထူးဆန်းဆန်းလေး​တွေကိုမှ ပိုနှစ်သက်တတ်ချိန်လို့ ဆိုရမှာ​ပေါ့ 


ကျွန်​တော့်လိုအပ်ချက် စိတ်ဝင်စားရာကို သူက​ကောင်း​ကောင်းသိပါတယ် အဲ့ဒါ​ကြောင့်ပဲ ထည့်​ပေးလိုက်တာ​နေမှာ သူ့ရဲ့စကားကို နာခံလိုလို့နာကြားခဲ့ပါတယ် ဒီအခါမှ ကျွန်​တော်သိခဲ့ရတာပါ ပါ​မောက္ခချုပ်ဆရာ​တော် ရဲ့ တရား​တော်​တွေရဲ့ အနှစ်သာရကို ဆရာ​တော်ရဲ့ ဒေသနာ​တော် ၁၉၀၀ ကျော်ပါတဲ့ စတစ် တစ်ခုဝယ်ထားဖြစ်လိုက်တဲ့အထိ​ပေါ့


ကျွန်​တော်ဘဝရဲ့ ကောင်းမွန်တဲ့ လူမှု​ရေး စီးပွား​ရေးတိုင်းဟာ သူရဲ့ လမ်းပြတည့်မတ်မှု​ကြောင့်ပါ ကိုယ့်စိတ်ကူး ကိုယ့်အသိနဲ့သာဆိုရင် ဒီက​နေ့ ဒီအ​ခြေအ​နေမျိုးဖြစ်​နေဖို့ သိပ်မ​ရေရာပါဘူး


သူ့ရဲ့လက်​ဆောင်က ကျွန်​တော်အတွက် အ​ရေးပါသလို

သူလိုလူမျိုးနဲ့ အသိုက်အဝန်းတစ်ထဲမှာ ပေါက်ဖွားရတာကိုက

ကျွန်​တော့်အတွက် အ​ကောင်းဆုံးလက်​ဆောင်ပပာပဲ


သန်းထွန်း​လေး (အင်းတဲရွာ)

အောင်ညီကို ရွှေထည်စက်ဖြတ်နှင့်​ရွှေပန်းထိမ်လုပ်ငန်း

Saturday, November 7, 2020

မေတ္တာလက်​ဆောင် (၂) ဆရာနန္ဒသိန်းဇံရဲ့ အ​နေခက်​အောင်ကူညီကြသူများ


 


အဲ့ဒီစာအုပ်​လေးက ကျွန်​တော်ဘဝမှာ အမှတ်မထင် ရခဲ့တာလို့ဆိုနိုင်သလို ပထမဆုံး သတိတရ ရှိခဲ့တယ်ဆိုလည်း မှားမယ်မထင်ဘူး 


အဲ့ဒီအသက်အရွယ်ထက် စောပြီးခဲ့ရင်လည်း အဲ့ဒီစာအုပ်ရဲ့တန်ဖိုးကို ထိသိနိုင်မယ်မထင်သလို နောက်ကျသွားရင်လည်း ဒီလိုအရာမျိုး ငါဘာ​ကြောင့်များအ​တွေ့မိပါလိမ့်လို့ နောင်တရ​​စေနိုင်တဲ့အထိ ကျွန်​တော့်စိတ်ကူး အ​တွေး​တွေကို လွှမ်းမိုးနိုင်တဲ့ စာအုပ်ဖြစ်ပါတယ် 


အဲ့ဒီအချိန်တုန်းက အဲ့ဒီစာအုပ်​လေးသာ မရခဲ့ဘူးဆိုရင် အခုချိန် ကျွန်​တော် ဘယ်လိုအ​တွေးဘယ်လိုစိတ်ကူး​တွေနဲ့ ရှင်သန်​နေမလဲဆိုတာ စဥ်စားလို့​တောင်မရဘူး


ပေးသူကလည်း သာမန်အားဖြင့် ကျွန်​တော်နဲ့ အသိမိတ်​ဆွေဖြစ်ဖို့ အင်မတန်အလှမ်းကွာပါတယ် အသက် ပညာအရည်အချင်း နေရပ် အလုပ်အကိုင်ကစလို့ ဘာမှကို နီးနီးစပ်စပ်မရှိပါဘူး ဒီလိုကွဲပြားချင်းများစွာထဲက တစ်ခုတည်း​သော တူရာတစ်ခုနဲ့ပဲ ကျွန်​တော်တို့ မိတ်​ဆွေဖြစ်သွားတာပါ 


အဲ့ဒီအရာကလည်း ကျွန်​တော်တို့နဲ့ မိုင်​ပေါင်းများစွာ​ဝေးတဲ့အရပ်က စာရွက်​တွေမှာသာ ထိသိရင်ခုန်ရူးသွပ်​စေတဲ့ မန်ချက်စတာယူနိုက်တက် ဆိုတဲ့ အားကစားအသင်းတစ်သင်းပါ


တွေ့ပုံကဆန်းတယ် မန်ယူပွဲကြည့်ဖို့  လက္ဖက်ရည်ဆိုင်မှာ ထိုင်ဖို့ခွင့်​တောင်းရင်း ရင်းနှီးတဲ့သူတစ်​​ယောက်က ကိုယ့်အတွက် အမြဲအ​ထောက်အကူဖြစ်နိုင်တဲ့ အသိပညာကို လက်​ဆောင်​ပေးလိမ့်မယ်ဆိုတာ လုံးဝဖြစ်နိုင်ခဲတယ်မဟုတ်လား 


ကျွန်​တော်မန်ယူကို နှစ်သက်ခြင်းအ​ကြောင်းများစွာထဲမှာ ဒီအ​ကြောင်းကလည်း အဓိကပါဝင်ပါတယ် သူ့​ကြောင့်သာမဟုတ်ရင် ဒီလိုမိတ်​ဆွေမျိုးနဲ့ ဆုံစည်းရပါ့မလား ဒီလိုလက်​ဆောင်မျိုးကို ရရှိနိုင်ပါ့မလားဆိုတာ မ​ရေရာပါဘူး


ဒိလက်​ဆောင်က အချိန်ကာလကွက်တိ အံဝင်ဂွင်ကျ အဖြစ်ဆုံး မေတ္တာလက်​ဆောင်ပါပဲ


သန်းထွန်း​လေး (အင်းတဲရွာ)

အောင်ညီကို ရွှေထည်စက်ဖြတ်နှင့်​ရွှေပန်းထိမ်လုပ်ငန်း

Friday, November 6, 2020

မေတ္တာလက်​ဆောင်

 


မေတ္တာလက်​ဆောင်( ၁) ၆၀၀၀ကျပ် မမဝ မှ 

ဘဝမှာလူတိုင်း မေတ္တာအားဖြင့် လက်​ဆောင်တစ်ခုမဟုတ်တစ်ခု ရဖူး​ပေးဖူးလိမ့်မယ်ထင်တယ်
အချို့က မေတ္တာအားဖြင့်​ပေးတယ်
အချို့က လေးစားခြင်းအားဖြင့်​ပေးတယ်
အချို့က သတိရ​ကြောင်း အထိမ်းအမှတ်အဖြစ်
အချို့က ဝေမျှလို​သောအားဖြင့် အမျိုးမျိုး​ပေါ့

ပုဂ္ဂိုလ်အား​လျော်စွာ လိုအပ်မှုအား​လျော်စွာ အသုံးဝင်မှုအား​လျော်စွာ တန်ဖိုးအားလျော်စွာ  ပေးသူ​ကောလက္ခံသူပါ အ​လေးအနက်ထားပုံချင်း တူကြမှာ​တော့မဟုတ်ဘူး​ပေါ့ 

ကိုယ်တစ်ကယ်လိုချင်နှစ်သက်​​တာ​မျိုးရရင် တမြတ်တနိုး ယုယုယယသိမ်းစည်းထားတတ်​ပေမယ့် အချို့​သော မေတ္တာလက်​ဆောင်တွေကို မေ့​မေ့​လျော့​လျော့ ချောင်တစ်​ချောင်မှာ စင်တစ်စင်မှာ ဆွေး​မြေ့​စေတာ မျှတမှု​ကောရှိရဲ့လား 

ကျွန်​တော်ကိုယ်တိုင်လည်း အချို့​သော မေတ္တာလက်​ဆောင်တွေအတွက် မေ့​မေ့​လျော့​လျော့ ရှိခဲ့ပါတယ် 
ဒါ​ပေမယ့် တွေးမိတိုင်း မြင်မိတိုင်း တသိမ့်သိမ့်သ​ဘောကျတဲ့ လက်​ဆောင်မျိုး ဘဝလမ်း​ကြောင်းမှာ ကြီးမားတဲ့ မှီရာအားကိုးရာ ဖြစ်​စေတဲ့လက်​ဆောင်မျိုးလည်း ရှိတတ်ပါတယ်

ကျွန်​တော့်ဘဝက မေတ္တာလက်​ဆောင်တွေနဲ့ ကြီးပြင်းလာတာပါ ငယ်ငယ်ကဆိုရင် ဆွေမျိုးရင်းချာ​တွေနဲ့ အမြဲနီးနီးကပ်ကပ်ရှိခဲ့တယ် ကိုယ့်မှာမရှိ​ပေမယ့် သိပ်ပူပင်စရာ​တော့ မဖြစ်ခဲ့ဘူးလို့ဆိုနိုင်တယ်အဝတ်အစား အစားအ​သောက်က စလို့​ပေါ့ 

အ​မေ့ရဲ့မောင်နှမ​တွေနဲ့ အ​ဖေ့အစ်ကို စိန်လင်း​လေး​လေး ကြင်ကြင်မတို့က မှတ်မှတ်ထင်ထင်ကို ကျေးဇူးပြုခဲ့တာပါ သူတို့မရှိရင် ကျွန်​တော့်ရပ်တည်ရာဟာ ဦးတည်ချက်​ပြောင်းသွားမှာ သေချာပါတယ်

ဒီအထဲကမှ ကျွန်​တော့်ဘဝလမ်း​ကြောင်းကို  ပြဌာန်းခဲ့တဲ့  ပြောင်းလဲသွား​စေတဲ့ မေတ္တာလက်​ဆောင်​တွေအ​ကြောင်းကို ရေးသားလိုပါတယ်

.................
လွန်ခဲ့တဲ့ ဆယ်စုနှစ်တစ်ခုခွဲစာ​လောက်က ကျွန်​တော်တို့ မိသားစုလက်ထဲမှာ ငွေဆိုတာ နေ့နဲ့ည နှစ်နဲ့လ ဆက်မိရုံပဲ ရှိတတ်ပါတယ် 

ဒါ​ကြောင့်ပဲ တစ်ရပ်တ​​ကျေးသွားဖို့ လမ်းစရိတ်လောက်ကို ပိုပိုလျံလျံမရှိတာပါ ဒီအခါမှာ အ​မေ့ရဲ့ ဝမ်းကွဲညီအစ်မဖြစ်တဲ့ မမ၀ က မေတ္တာအားဖြင့် ကူညီခဲ့တယ်

ဒီ​ခေတ်ဒီအခါအရ မ​ပြောပ​လောက်​ပေမယ့် အဲ့ဒီအချိန်က ကိုယ့်အရပ်​ဒေသမှာ အားလုံးက ရှားပါးကြတာဆို​တော့ အင်မတန်မှ များပြားတဲ့ ပမာဏဖြစ်သလို အင်မတန်မှ ကြီးမားတဲ့ ယုံကြည်မှုလည်းဖြစ်ပါတယ် ချေးတယ်ငှားတယ်ဆိုတာ ကိုယ်လက်က​နေ သူ့လက်ကို လွဲ​ပြောင်းလိုက်တာမဟုတ်လား အခန့်မသင့်ရင် ဆုံးရှုံးသွားတတ်တယ်​လေ 

မမဝ ရဲ့ ဒီယုံကြည်မှုနဲ့ထုံမွှမ်းထားတဲ့ ဒီ​မေတ္တာလက်​ဆောင်သာ မရရှိခဲ့ဖူးဆိုရင် ဒီက​နေဒီအချိန်မှာ ကျွန်​တော်ဒီလိုဘဝမျိုးမှာ ရှိ​နေမှာမဟုတ်တာ လုံးဝ​သေချာပါတယ်

ဒီ​မေတ္တာလက်​ဆောင်ဟာ ကျွန်​တော်ဘဝကို အကြီးမားဆုံး​ပြောင်းလည်း ပြဌာန်း​ပေးခဲ့တာဖြစ်ပါတယ် အလိုအပ်ဆုံးအချိန်မှာ ရရှိခဲ့တာဖြစ်သလို အ​ရောက်သင့်ဆုံး​နေရာကို ရောက်ရှိနိုင်ဖို့ ပထမဆုံး​ခြေလှမ်းအတွက် အကြီးမားဆုံး အ​ထောက်အပံ့လည်း ဖြစ်ပါတယ်

ကျွန်​တော်အတွက် ဖြစ်နိုင်တာ​တွေထဲက အမြင့်ဆုံးကို ရရှိ​စေခဲ့တာဖြစ်သလို ကျေနပ်​သင့်တဲ့ ဘဝဖြတ်သန်းမှုကို ရရှိ​စေခဲ့တာဖြစ်ပါတယ်

ဒီ ၆၀၀၀ ကျပ်က ကျွန်​တော့်ကို ဘဝတစ်ခု​ပေးခဲ့တာပါ

သန်းထွန်း​လေး (အင်းတဲရွာ)
အောင်ညီကို ရွှေထည်စက်ဖြတ်နှင့်​ရွှေပန်းထိမ်လုပ်ငန်း

Wednesday, November 4, 2020

ယုံကြည်မှုမျဉ်းကြောင်းများ

ကမ္ဘာမှာ အတော်အတန်ကြီးစိုးခဲ့ဖူးတဲ့ လူဆိုးဂိုဏ်းကြီးတစ်ခုနဲ့ ဆက်စပ်တဲ့ ပုံလေးတစ်ခုကြားဖူးတယ်


အဖေက သားဖြစ်သူအရွယ်ရောက်လာချိန်မှာ ပညာအစုံသင်ပေးပြီးနောက်မှာ အိမ်ရဲ့အနောက်ဖက်က အတော်အတန်မြင့်တဲ့ သစ်ပင်တစ်ခုကို ခေါ်သွားပြီး သစ်ပင်ရဲ့ထိပ်ဖျားအထိ တက်ခိုင်းတယ် ပြီးတော့ခုန်ချခိုင်းတယ် 


သူအရပ် လေးငါးဆယ်ပြန်မက မြင့်တဲ့နေရာကဆိုတော့ ဘယ်ခုန်ချရဲပမလဲ ဒီတော့ အဖေဖြစ်သူကပြောတယ် ရဲရဲသာခုန်ချလိုက်ပါကွာ အောက်မှာ အဖေရှိသားပဲ အဖေဖမ်းထားမှာပိုဆိုပြီး လက်ကိုဆန့်တန်းထားတယ်


ဒီတော့ သားဖြစ်သူက ခုန်ချတာပေါ့ တကယ်ခုန်ချလိုက်ချိန်မှာ ဆန့်တန်းထားတဲ့ လက်ကို အဖေဖြစ်သူက ရုတ်ပစ်လိုက်တယ် သားဖြစ်သူက မြေပြင်မှာ အလူးလူးအလိမ့်လိမ့်ပေါ့ 


ဒီတော့မှ အဖေဖြစ်သူကပြောတယ် ငါ့သားလောကမှာ အဖေအရင်းတောင်မယုံနဲ့တဲ့


ပညာရှင်အချို့က အင်မတန်အားကောင်းခဲ့တဲ့ ဒီဂိုဏ်းကြီး ပျက်စီးသွားတာ ဒီလို အဖေနဲ့သားတောင် မယုံနဲ့ဆိုတဲ့ ယုံကြည်မှုမျဉ်းသိပ်တိုတာကြောင့်လို့ဆိုတယ်


တကယ်တော့ ကျွန်တော်တို့ လူမှုအသိုင်းအဝိုင်းသာမက နိုင်ငံရေး စီးပွားရေး အသင်းအဖွဲ့တိုင်းမှာ တစ်ယောက်နဲ့တစ်ယာက် အထိုက်အလျောက်တော့ ယုံကြည်မှုထားပေးဖို့ လိုအပ်တယ်လေ


သူ့ကိုယ်မယုံ ကိုယ့်သူမယုံဆိုရင် လက်တွဲလို့မှ မဖြစ်နိုင်တာ


တစ်ချို့လည်း ရှိတတ်ပါတယ် ကိုယ်ကယုံကြည်မှုဘယ်လောက်ထားထား အကြိမ်ကြိမ်ဖောက်ဖျက်ပြီး ဘယ်လိုမှကို နေရာပေးလို့မရယူသူတွေ တွေ့ဖူးကြမှာပါ နည်းနည်းလေးအခွင့်အရေးပေးလိုက်တာနဲ့ ဗွေဖောက်လာကြတာမျိုးပေါ့


ဒါ့ကြောင့်ထင်ပါရဲ့ ရှေးဗမာ့စကားပုံမှာ 

ကိုယ်ကကျူးကိုယ့်ဒူတောင်မယုံနဲ့ လို့ ဆိုခဲ့ကြတာ


တစ်ကိုယ်ထဲမှာတောင် အပေါ်ပိုင်းနဲ့ အောက်ပိုင်းခွဲထားသေးတယ်


တကယ်တော့ အဖေနဲ့သားတောင် မယုံနဲ့ဆိုရလောက်အောင်အထိ ယုံကြည်မှုမျဉ်း အရမ်းတိုနေတာလည်း မကောင်းသလို လူတိုင်းကို ယုံကြည်တယ်ဆိုတဲ့အထိ ယုံကြည်မှုမျဉ်း အရမ်းရှည်နေတာလည်း မကောင်းပါဘူး


လောကသဘာဝအရ ကောင်းသူဆိုးသူ ဒွန်တွဲနေတာမို့ သင့်တင့်တဲ့ ယုံကြည်မှုမျဉ်းထားရှိနိုင်စေဖို့ ရည်ရွယ်ရင်း.....


သန်းထွန်းလေး (အင်းတဲရွာ)

အောင်ညီကို ရွှေထည်စက်ဖြတ်လုပ်ငန်း

Koloneypoe@gmail.com

Monday, November 2, 2020

ရေအသက် တစ်မနက် ထမင်းအသက် ခုနှစ်ရက်




       ကျွန်တော်တို့လူတိုင်းနီးပါ ရင်းနှီးနေတဲ့ စကားလုံးပါ 

        ဒါပေမယ့် ကျွန်တော်တို့ကိုယ်တိုင် အဲ့ဒီစကားရဲ့ အဓိပ္ပါယ်ကို သေသေချာချာ လေးလေးနက်နက် မခံစား မသိဘဲ သုံးခဲ့ကြမိတာ များမယ်ထင်တယိ

         တစ်ချို့ဆို ဟုတ်ဟန်မတူပါဘူး ငါတို့ဖြင့် တစ်ရက်လုံး ရေမသောက်ပဲ နေနိုင်တယ် တစ်ချို့ လူနာဖြင့် တစ်လကြာ ထမင်းမစားရဘူး သေမှ မသေပဲ 
        ရှေးလူကြီးတွေရဲ့ မှားယွင်း ခေတ်မမှီတဲ့ အယူအဆကြီးပါပေါ့တဲ့ 
        စသည်ဖြင့် ဝေဖန်ကဲ့ရဲ့ စကားတင်းဆိုကြတယ်

      အမှန်က ......

ရေအသက် တစ်မနက်
******************

 ကိုယ့်ကိုယ်ကို သတိထားကြည့်ပါ တစ်မနက်လုံး ရေမသောက်မိတဲ့ အခါမျိုးပေါ့ အနည်းဆုံး နှုတ်ခမ်းသားတွေ ခမ်းခြောက်လာတယ် ဒီထက်ဆိုးတဲ့သူဆိုရင် နှုတ်ခမ်းသားမှာ အ​ရေလန်လာတာမျိုး ဒါဟာ ရေဓာတ် ခမ်းခြောက်လာတဲ့သဘော ရေရဲ့ အဟာရ ပြတ်တောက် သွားတဲ့ သဘောပါ

အဲ့ဒါကို ရေအသက် တစ်မနက်လို့ ခေါ်တယ်
ရေတစ်မနက် မသောက်ရင် လူသေလိမ့်မယ်လို့ ဆိုလိုတာမဟုတ်ပါဘူး ရေရဲ့ အဟာရဓါတ်က တစ်မနက်စာဘဲခံတယ် ခန္ဓာကိုယ်မှာ ရေဓါတ် ခမ်းခြောက်သွားတယ်လို့ ဆိုလိုတာပါ
       
  ဒါကြောင့် ခုခေတ်မှာ ဆရာဝန်တွေက ရေကို မကြာခဏ သောက်သင့်တယ် တစ်နေ့ကို ဘယ်၍ဘယ်မျှ သောက်သင့်တယ်လို့ ဆိုကြတာပါ

ထမင်းအသက် ခုနှစ်ရက်
*********************
         ထမင်းရဲ့ အဟာရဟာ လူ့ခန္ဓာကိုယ် အတွက် ခုနှစ်ရက်တာ အတွက်သာ အဟာရ ထောက်ပံ့ပေးနိုင်တယ် ခုနှစ်ရက်လွန်သွားရင် သေလိမ့်မယ်လို့ ဆိုလိုတာ မဟုတ်ပါဘူး ထမင်းရဲ့ အဟာရ ကုန်ခမ်းသွားတယ်လို့ ဆိုလိုတာပါ

ဒါ့ကြောင့် 

***************************************
ရေအသက် တစ်မနက် ထမင်းအသက် ခုနှစ်ရက်
***************************************

ဆိုတာ သာမန် စကားလုံးမဟုတ်ပါဘူး မြန်မာ့ရှေးလူကြီးတွေရဲ့ အင်မတန်မှ ခေတ်မှီပြီး ဆေးပညာသဘောအရ အဆင့်အတန်းမြင့်မားတဲ့ ဆိုရိုး စကားစု တစ်ခုဖြစ်ပါကြောင်း 
      လျှောက်လှဲ ထုချေပါတယ်

♨ ♨ ♨ ♨ ♨ ♨ ♨ ♨ ♨ ♨ ♨ ♨ ♨ ♨ ♨ ♨ 

သန်းထွန်းလေး 
အင်းတဲရွာ

သန်းထွန်းလေး (အင်းတဲရွာ)

ရုပ်သေးပွဲသွားရအောင်

  ရုပ်သေးပွဲသွားရအောင် Https://youtube.com/@thantunlayinde  ရေး-ကန်မြဲကိုအေးကျော် ဆို-ခင်အုန်းမြင့်လေး .. ပင်ခေါင်တိုင် သပြေကိုင်းနဲ့ နေမှို...