~~~~~~~~~~
လူသားတိုင်းဟာ ခန္ဓာကိုယ်ရဲ့ ပင်ပန်းမှုကို ဖြေလျှော့ဖို့အတွက် အိပ်စက်အနားယူဖို့ လိုအပ်ပါတယ်
ကျန်းမာရေးနဲ့ လျှော်ညီအောင် ဘယ်လိုအိပ်စက်ကြမလဲ
စာပေအချို့မှာ ဖတ်ဖူးကြားနာဖူးတာတော့
လူအများစုရဲ့ နှလုံးဟာ ဝဲဖက်မှာ ရှိတဲ့အတွက် အသက်ရှင်ကတည်းက တရစပ်မရပ်မနား လုပ်ဆောင်ခဲ့ရတဲ့ နောင်သက်ဆုံးတိုင်လည်း လုပ်ဆောင်ရမှာ ဖြစ်တဲ့အတွက် ခန္ဓာကိုယ်ရဲ့ အပိုဖိအား မသက်ရောက်စေဖို့ ညာဖက်နံစောင်းပြီး အိပ်သင့်တယ်လို့ မှတ်သားခဲ့ဖူးတယ်ဗျ
~~~~~~~~~~~~~~~~~~~~~~~
ကျွန်နော်တို့ရဲ့ ဂေါတမဗုဒ္ဓ နောက်ဆုံး ပရိနိဗ္ဗာန်စံဝင်တော်မူကာနီး အချိန်မှာ အလုပ်အကျေွးပြုသူ ညီတော်အာနန္ဒာကို မိန့်တော်မူရာမှာ ကုတင်ညောင်စောင်းကို တောင်မြောက်သွယ်တန်းပြီး ထားလိုက်ပါတဲ့
ထို့နောက် မြတ်စွာဘုရားက မြောက်ဘက်ကို ဦးခေါင်းပြုလျှက် တောင်အရပ်ကိုခြေစန့်ပြီး အနောက်အရပ်ကိုမျက်နှာမူကာ လက်ယာနံကို အောက်မှာထားပြီး ညာဖက်ခြေပေါ် ဘယ်ဖက်ခြေက ထပ်တင်ထားတာမျိုးမဟုတ်ဘဲ ဒူးဆစ်မှစပြီး ခပ်လွှဲလွှဲလေးတင်ထားတယ် ခြေမျက်စိချင်းလည်း မထိပါ ဘာ့ကြောင့်လည်းဆိုတော့ အိပ်စက်ချိန်မှာ ပွတ်တိုက်မိတတ်တဲ့အတွက် အမာအမာချင်းဆိုရင် ရေရှည်မှာ နာကျင်တဲ့ ဝေဒနာ ခံစားရနိုင်တာကြောင့် အဲ့ဒီပုံစံ လျောင်းစက်တော်မူတယ်လို့ ပါရှိပါတယ်
မြောက်အရပ်ကို ဦးခေါင်းပြုပြီး လျောင်းစက်တယ်လို့ ထိုနေရာမှာ မှတ်တမ်းတင်ထားတာတွေ့ရတယ်ဗျ အခြားအရပ်တွေကို ဦးခေါင်းပြု လျောင်းစက်တာ ရှိကောင်းရှိနိုင်ပေမယ့် မှတ်တမ်းတင်ထားတာမျိုးတော့ မကြားမိသေးဘူးဗျ
~~~~~~~~~~~~~~~~~~~~~~~~
မြန်မာနိုင်ငံမှာတော့ မြတ်စွာဘုရား လျောင်းစက်ပုံကိုကြည့်ပြီး လင်္ကာလေးနဲ့ ချိုးစပ်ထားတာရှိတယ်ဗျ
အရှေ့ ..........သာလျောင်း
တောင် .........ပေါင်းလောင်း
အနောက် ......နေရဗာန်
မြောက် .........ပရိနိဗ္ဗာန် တဲ့
~~~~~~~~~~~~~~~~~~~~~~~
အချို့စာတွေမှာတော့ အိပ်စက်ပုံကိုကြည့်ပြီး ဖြစ်ခဲ့ရာဘုံဘဝကို ခန့်မှန်းကြည့်တာမျိုးရှိတယ် မုချလို့တော့ မဆိုလိုပါဘူး
၁. ပက်လက်အနေအထားနဲ့ အိပ်တတ်သူဟာ ငရဲ ပြိတ္တာဘုံကလာသူ
အစာရေစာကို အမြဲတောင်းခံနေကြတဲ့အတွက် ဒီအနေအထားဖြစ်နေတဲ့သဘောပေါ့
၂ . မှောက်ရက်အနေအထားက တိရစၧာန် ဘဝကလာသူ
တိရစၧာန်အတော်များများရဲ့ ပကတိနေထိုင်မှုပုံစံကိုက ကောင်းကင်ကျောပေးပြီး မြေကြီးမျက်နှာအပ်ထားတာမဟုတ်လား
၃. ဝဲဘက် ဆောင်းအိပ်တတ်သူက ကာမဂုဏ်စိတ် ပြင်းထန်သူ
လောက အိမ်ထောင်ရှင်တွေတော့ သိကြမှာပါ လင်စုံမယားဖက် အိပ်စက်ရာမှာ လင်ယောက်ျားက ညာဖက်က အိပ်ရတယ် ဘယ်ဖက်ကအိပ်ရင် စီးပွားကျတယ် ဘာညာပေါ့
၄. ယာဘက် ဆောင်းအိပ်သူက နတ် ဗြဟ္မာ သူတော်စင်
အထက်ကအချက်နဲ့ပဲ နှိုင်းယှဉ်ကြည့်ပါ
~~~~~~~~~~~~~~~~~~~~~~~~~
မှားယွင်းမှုရှိပါက ပြန်လည်သင်ပြပေးဖို့ တောင်းဆိုပါတယ်
သန်းထွန်းလေး (အင်းတဲရွာ)
အောင်ညီကို ရွှေထည်စက်ဖြတ်လုပ်ငန်း
Koloneypoe@gmail.com