သန်းထွန်းလေး ☆ အင်းတဲရွာ

သန်းထွန်းလေး ☆ အင်းတဲရွာ
Than Tun Lay .INDE

Saturday, May 27, 2017

K C M


ဘာ့ကြောင့်လည်းလို့ မေးရင်
အကြောင်းပြချက်မရှိဘူး

အကြောင်းပြချက်ရှိနေရင်လည်း
စစ်မှန်မယ်လို့ မထင်ဘူး

အသိထဲမှာပဲ ရူးတာ
ရူးသူတွေ သိတဲ့ ကိစ္စမျိုး

အတွေးထဲမှာပဲ သိတာ
အသိထဲမှာတွေးဖို့ မရင်းနှီးဘူး

သိမှာလည်း မဟုတ်သလို
သိဖို့လည်း ပြုလုပ်နေဖို့် မရည်ရွယ်ဘူး

So.....


Than Htun Lay . INDE

သာသည့်မြေသို့



----------------

အလှထူးပါဘိ
မြဖူးပြာအငုံနဲ့
လွှာရုံမှာ ညှာစုံကျင်းရော့ထင့်
ဖြူဝင်းငွေမှုန်လွှာတို့
လေယူရာရနံ့ညင်း
သင်းပျံ့ခဲ့သူ့ခြံမှာ။

ငါ့ခြံကြည့်ပြန်တော့
မချိပူပွေဖြာခဲ့
မြေပြာမှာ နေဇာမတင့်နိုင်ဘု
ကြည်စရာ နီဝါတွေလည်း မပွင့်လေတော့
စိမ်းရင့်ရောင်နွယ်ချုံပုတ်တွေက
ရှုပ်ထွေးကာ လိမ်ခွေယှက်
အားပျက်စရာ။

သူ့စခန်း
သာဆန်းရဂုံသွင်မို့
ငါလှမ်းကာခိုဝင်လို့
ပြာငွေဆင် ကြိုင်ပျံ့ရှားပါတဲ့
ပွင့်ငုံစင် ပင်တွေကြားမှာလ
လျှောက်သွားကာ ပျော်လိုလှပါဘိ
မြရောင်စို သည်မြက်ခင်းရယ်နဲ့
ညင်းလေခို သစ်ညိုရိပ်မှာဖြင့်
လျောင်းအိပ်လို့ တစ်ကိုယ်သာ
ရွှင်ချင်ပါ့ စိတ်ထဲ။

သို့သော်လည်းလေ
မသင့်လျော်ပေဘု
ငါ့ခြံမြေ ဥယျာဉ်နန်းဟာလည်း
လှလေသည် သာစခန်းပေပေါ့
စိတ်ပန်းကို သည်လိုဖြေလို့
ကျက်သရေ တက်နေဝင့်အောင်လ
ငါ့ခြံမြေ အခြေမြှင့်ချင်ငဲ့
သူ့မြေမှာ ဖြူပြာပွင့်ရင်ဖြင့်
ငါ့မြေမှာ နီဝါတင့်ရမပေါ့
အခွင့်အခါမျှော်လို့
ဥယျာဉ်တော် သာယာရေးကိုလ
ရှုမြင်မျှော် ခါခါတွေးပါလို့
မနှေးပင် အားအင်ထုတ်လို့ရယ်
ပေါင်းနုတ်ဖို့ ခဲ။ ။

ငွေတာရီ

★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★

စကားပြေ
________

လှလိုက်တာ သူခြံထဲမှာ ပန်းမျိုးစုံခပြီး မွှေးရနံ့ပေါငး်စုံ ဝေစည်လို့
သဘောကျလိုက်ပါဘိတော့

ငါ့ခြံမှာတော့ စက်ဆုပ်ဖွယ်ရနံ့နဲ့ ပိန်လှီနေတဲ့ သစ်ပင်ပန်းပင်တွေနဲ့
စိတ်ပျက်စရာ့ ဒီမြေဒီရေ

သွာရောက်ခိုလုံချင်ပါဘိတော့ မွှေးရနံ့စုံတဲ့ သူ့ခြံကို

ဒါပေမယ့် တစ်ချို့ဖြစ်တတ်တယ်ဗျ
ကြည့်စမ်းပါ အမေရိကန် အင်္ဂလန် ပြင်သစ် အနီးဆုံး ထို်ငး်မှာ ကောင်းလိုက်တာ လမ်းတွေး ကားတွေ ငါ့နိုင်ငံမှာတော့ စသည်ဖြင့် သူတပါးကို အားကျခြင်းနဲ့အတူ ကိုယ်​့ကိုယ်​ကို ရှုံ့ချတတ်တဲ့ စိတ်ဓာတ်တွေ သိပ်အောက်တန်းကျတယ်

သူ့ကိုအထင်ကြီးပြီး ကိုယ့်ကိုယ်ကိုနှိမ့်ချပြစ်တာ ဖြစ်သင့်သလား
ဒီစိတ်ဓာတ်ကမှ တကယ့်ရှက်စရာ
သူကောင်းတာကို အားကျပြီး ကိုယ်ရော လိုက်ပြီး ကောင်းအောင်နေနိုင်တာပဲ လုပ်နိုင်တာပဲ

ဒါတွေက တစ်ပါးသူ ဖန်ဆင်းပေးထားတာမှ မဟုတ်ဘဲ
သူ့ခြံမှာ ရနံ့သင်းသလို ငါ့ခြံမှာလည်း ရနံ့သင်းရမှာပေါ့
သူ့ခြံမှာ ပန်းမျိုးစုံခသလို ငါ့ခြံမှာလည်း ပန်းမျိုးစုံ ဝေစည်ရမှာပေ့ါ
ငါလို ကိုယ်ပိုင်အစွမ်းအစရှိသူတစ်ယောက်အနေနဲ့ မစွမး်ဆောင်နိုင်စရာ ဘာရှိလဲ
သူလည်းလူ ငါလည်းလူ

¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿

သန်းထွန်းလေး အင်းတဲရွာ အောင်ညီကိုရွှေထည်စက်ဖြတ်လုပ်ငန်း


Than Htun Lay . INDE

ငယ်ချင်းလို့ပဲဆက်၍ခေါ်မည်ခိုင် စာအုပ်



❤◦.¸¸. ◦✿❤◦.¸¸. ◦✿❤◦.¸¸. ◦✿

ဆရာတက္ကသိုလ်ဘုန်းနိုင်

http://www.mediafire.com/download/nk26ftyze36z2yv

http://adf.ly/1YkQVI


Than Htun Lay . INDE

Thursday, May 25, 2017

မြန်မာ့ အသုံးအနှုန်းများ

••••••••••••••••••••••••••••

ဆွေ ခုနှစ်ဆက် မျိုးခုနှစ်ဆက် ပြောမယ်သာ ပြောတယ် ကျွန်တော်က အသေအချာ မသိခဲ့ဘူး
  
ဘ ဘိုး ဘေး ဘီ ဘင် ဘောင် ဘော

ဆိုတာကို ဆွေခုနှစ်ဆက်လို့ ခေါ်ပါတယ် ကိုယ့်ကို ဖြစ်တည်လာစေတဲ့ ဆွေစဉ်မျိုးဆက်ပေါ့

မျိုးခုနှစ်ဆက်ဆိုတာက ကိုယ်မှဖြစ်တည်ပေါက်ဖွားလာတဲ့ နှောင်လာမည့် မျိုးဆက်ပါ

သား မြေး မြစ် တီ တွတ် ကျွတ် ဆက်

တစ်ချို့ဒေသတွေမျာတော့ အဖေကို အဘ အမေကို အမ လို့ခေါ်တတ်ကြတယ်ဗျ ဒါပေမယ့် ဒါဟာ ဒေသဆိုင်ရာ ကွဲလွဲတာလောက်ပါပဲ တွင်တွင်ကျယ်ကျယ် သုံးကြတာမျိုးတော့ မဟုတ်ပါဘူး

ဗမာ့ အသုံးအနှုန်​းမှာ ဒါက ဘယ်သူပါလို့ မိတ်ဆက်ပေးလိုက်တာနဲ့ အမေဘက်က အမျိုးလား အဖေဘက်က အမျိုးလား ကိုယ့်ထက် အကြီးလား အငယ်လား သိနိုင်ထဲ့အထိ ဝေါဟာရကြွယ်ပါတယ် 

အဖေ့ရဲ့ အစ်ကို ညီတွေကို
ဘကြီး ဘထွေး 

အမေ့ရဲ့ မောင်ကြီး မောင်လေး တွေကို
ဦးကြီး ဦးလေး

အဖေ့ရဲ့ အစ်မ နှမ တွေကို
အရီး ဒွေးလေး

အမေ့ရဲ့ အစ်မ ညီမ တွေကို
ဒေါ်ကြီး ဒေါ်လေး

လို့ ခေါ်ရပါတယ် မြန်မာ့ အသုံးအနှုန်း အမှန်အတိုင်းဆိုရင်ပေါ့

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ 

ညီအစ်ကိုမောင်နှမ
★ ★ ★ ★ ★ ★ 

ဒီစကားဟာ အများစုသုံးကြပြီး ရောနှော ရှုတ်ထွေးနေတယ်ဗျ မရှင်းတာကြောင့်လည်း ဖြစ်နိုင်သလို အလွယ်သုံးလိုက်တယ်လည်း ဖြစ်နိုင်ပါတယ် 

တစ်မိတည်းဖွား အမျိုးသားနှစ်ယောက်ကို ညီအစ်ကို လို့ခေါ်တယ် အမျိုးသမီးနှစ်ယောက်ကို ညီအစ်မပေါ့

အမျိုးသမီးက သူ့ထက်အကြီး အမျိုးသားကို မိတ်ဆက်ပေးရာမှာ ဒါက ကျွန်မအစ်ကိုလေလို့ မပြောရဘူး အစ်ကိုဆိုတာ ယောက်ကျားလေးချင်းမှ သုံးရတာ ကျွန်မမောင်ကြီးလို့ ပြောရတယ် အငယ်ကိုတော့ မောင်လေးပေါ့ 

အမျိုးသား က သူ့ထက် အငယ် မိန်းကလေး ကို ညွှန်းဆိုတဲ့အခါ ကျွန်တော့် နှမ လေ လို့ပြောရပါတယ် ကျွန်တော့် ညီမလေလို့ မပြောရပါဘူး အမျိုးသမီး အချင်းချင်းမှ ညီမလို့ သုံးရတာပါ 

မှတ်ချက် 
★ ★ ★ 

ဒီနေရာမှာ ဆရာတက္ကသိုလ်ဘုန်းနိုင်ရဲ့ ညီမလေးရယ်စိုးရိမ်မိတယ် စာအုပ်မှာ အသုံးအနှုန်​းမှားပြီးရေးခဲ့တယ်လို့ ဝေဖန်မှုတစ်ချို့ဖတ်ခဲ့ဖူးတယ်
တစ်ကယ်ဖြစ်သင့်တာက နှမလေးရယ်စိုးရိမ်မိတယ် လို့ရေးရမှာပါ

ဟိုးတချိန်က အောင်မြင်ခဲ့တဲ့ တွံတေးသိန်းတန်ရဲ့ နှမလက်လျှော့နေလေတော့ ဆိုတဲ့ သီချင်းဟာ တကယ့် အရေးအသားအမှန် အသုံးအနှုန်​းအမှန်ပါ

မြန်မာ့ ကျေးလက်ဒေသမှာတော့ ကျေးတောသားတွေဟာ စကားပြောရင် စကိုက်နာနာ စပေါင်ပဲ့ပဲ့ အာပေါင်အာရင်းသန်သန် ပြောတတ်ကျတာဆိုတော့ အချို့အတွက်ဒါဟာ နားစိမ်းနေမှာပါ 

ဒါပေမယ့် ရိုးသားခြင်း ပွင့်လင်းခြင်း ရဲ့ အထိမ်းအမှတ် ပုံရိပ်မဟုတ်ပါလား
  
✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ 

ကျွန်တော် ဖတ်ဖူး မှတ်ဖူး ကြားဖူးသမျှကို မျှဝေတဲ့သဘောပါ တစ်ခုခု ချွတ်ချော်မှုရှိခဲ့ပါက ကျွန်တော့်အမှားသာဖြစ်ပါတယ် အလင်းပြခဲ့ဖို့လည်း တောင်းပန်ပါတယ်

           သန်းထွန်းလေး အောင်ညီကိုရွှေထည်စက်ဖြတ်လုပ်ငန်း 
           အင်းတဲရွာ
Koloneypoe@gmail.com


Than Htun Lay . INDE

ရွှေလောက အခွံသာ ကျန်ပါသည်




%%%%%%%%%%%%%%%%%%

ရွှေလောကရဲ့ အခွန်ပြဿနာက အစိုးရမင်းများ တွေးမှတ်ထားသလောက် လွယ်​လွယ်​ကူကူနဲ့ ကျော်ဖြတ်နိုင်မယ့်အရာမဟုတ်ဘူးလို့ ယူဆတယ်ဗျ

အရာရာ နောက်ကျကျန်နေခဲ့တဲ့ နိုင်ငံကို ဆွဲတင်ရာမှာ အစိုးရအနေနဲ့ အခွန်ဖက် ခေါင်းတည်နေတာ ဆိုးကျိုးတွေ ရှိလာနိုင်တယ်ဗျ

ဈေးကွက်ပြိုင်ဆိုင်မှု ရွှေဈေးအဆမတန် မြင့်တက်လာမှု နိုင်ငံရေးလှုပ်ခတ်မှု သဘာဝဘေးဒဏ်တွေကြောင့် ယဲ့ယဲ့သာ ကျန်တော့တဲ့ ရွှေလုပ်သားလောကအတွက် လားရာမကောင်းနိုင်ဘူးဗျ

အခွန်ကိစ္စရှိလာတော့ ရွှေဆိုင်တွေနဲ့ နယ်ကုန်သည်တွေက ယခင်ထက် လက်ခလျော့ပေးတော့မှာပါ ဒါလည်းသူတို့အပြစ်မဟုတ်ပါဘူး တစ်ယောက်ကို သ်ိန်းနှစ်ဝန်းကျင်လောက် အလုပ်ပေးထားပြီးတော့ ဒီလောက်တော့ မြတ်ချင်မှာပါ

စီးပွား​ရေးဆိုတာ အကျိုးအမြတ်ကို ရှေးရှုရတာပဲ

ဒီတော့ လုပ်ခ နညး်လာတဲ့အတွက် ပန်းထိမ်သမားကလည်း ဂဟေပိုပြီး ဆော်လာမယ်ဆိုရင်

ဒီဆိုးကျိုးကို အဓိကခံရမှာက ရွှေဝယ်တဲ့ သာမန်ပြည်သူတွေပါ

တစ်ချို့ကတော့ ခပ်ပေ့ါပေါ့ပြောကြတာရှိတယ်ဗျ အခွန်ကောက်ရင် မဝယ်ဘူးပေါ့ ဒါက မြို့နေလူတန်းစားတစ်ချို့ရယ်သာပါ

မြန်မာနိုင်ငံရဲ့ ၇၅ ရာခိုင်​နှုန်​းဟာ ကျေလက်နေ တောင်သူလယ်သမားတွေပါ သီးနှံရိပ်သိမ်းပြီးချိန် လက်ထဲမှာ ငွေပိုငွေလျံလေး ရှိလာခဲ့ရင် ရွှေထည်ပစ္စည်းလေးတွေဝယ်စုတတ်ပြတယ်ဗျ
ဘဝနောင်ရေးအတွက် ဒါမှမဟုတ် မရှိဝမ်းစာဖြည့်ဖို့အတွက် ဒါမှမဟုတ် သားသမီးကို ရှင်ပြုနားသပြုလုပ်ပေးလိုတဲ့အတွက် စသည်ဖြင့် ရည်ရွယ်ချက်တွေနဲ့ပါ

ရွှေဆိုတာ အသုံးလိုရင် ငွေပေါ်ဖို့လွယ်တယ် သိမ်​းဆည်​းရ လွယ်ကူတယ်လေ

ဒီနေ့ခေတ်
••••••••••••

လူတစ်ချို့က ပန်းထိမ်သမားဆိုတာနဲ့ နည်းနည်းအထင်ရှိတတ်တယ် အဆင်ပြေတယ်ပေါ့ အရိပ်ထဲမှာနေပြီး လုပ်ရတာဆိုတော့ မပင်ပန်းဘူး ဘာညာပေါ့လေ

လွန်ခဲ့တဲ့ ဆယ်စုနှစ်ကျော်ကတော့ ဟုတ်ပါတယ် ပန်ထိမ်သမားတစ်ယောက်ရဲ့ ဝင်ငွေက မိသားစုအတွက် စားသောက်ရုံသာမက ပိုလျှံပါလိမ့်မယ်

ဒီနေ့ခေတ်မှာတော့ ပန်းထိမ်သမားတွေ တဖြည်းဖြည်း ကျပ်တည်းလာတယ် ဒီနောက်ဆုံး သုံးနှစ်မှာ ပြီးခဲ့တဲ့နှစ်က အဆိုးဆုံးပဲ တစ်နှစ်လုံးမှ အလုပ်ကောင်းတာ နှစ်လဝန်းကျင်ပဲ ရှိတယ် ကျန်တဲ့အချိန်က ရရစားစားပဲ

ဒီတော့မိသားစု စားဝတ်နေရေးအတွက် ကြံဖန်ရတဲ့အချိန်မှာ သုံးရင်းနဲ့ လက်ထဲက စုထားတာအပြင် အလုပ်ကရွှေပါ ထိမိလာတယ် ဒီတော့ ပန်းထိမ်ဆရာရဲ့ ငြိုငြင်မှုခံရတယ် မိသားစု ငြိုငြင်မှုခံရတယ်

အဆုံးအစွန်အနေနဲ့ စာရိတ္တပိုင်းမှာပါ ထိခိုက်လာတာမျိုးတွေ တွေ့မိတယ်ဗျ

မြန်မာနိုင်ငံမှာ ဘယ်ဝန်ထမ်း လုပ်ခ လစာတိုးတိုး မတိုးပဲ တဖြည်​းဖြည်​းလျော့လာတာ ပန်းထိမ်သမားပဲရှိပါတယ် ကုန်ဈေးနှုန်းကြီးမြင့်လာတာနဲ့အမျှ ခေတ်ကာလပြောင်းလည်းလာမှုအရ သာမန်လက်ခစား ပန်းထိမ်သမားတွေနဲ့ ကိုယ်ပိုင်ပန်းထိမ်ဖိုငယ်လေးတွေက နစ်ပြီးရင်း နစ်လာတယ်ဗျ

တစ်ချို့ ဒီလုပ်ငန်းမလုပ်ကိုင်ကြတော့ပဲ လုပ်ငန်းပြောင်းကြရတဲ့အထိပဲ

%%%%%%%%%%%%%%%%%%%%%%%%%%%%%%%%%%%%%%

နိုင်ငံတစ်နိုင်ငံမှာ အခွန်ဆိုတာတော့ ရှိမှာပါပဲ ရှိရမှာပါပဲ

ဒါပေမယ့်............ အခွန်ထမ်းဖို့ ပြည်သူတွေ အဆင်သင့်ဖြစ်ပြီလား ကျွန်တော်မသိဘူး

သန်းထွန်းလေး
အောင်ညီကိုရွှေထည်စက်ဖြတ်လုပ်ငန်း



Than Htun Lay . INDE

အပ္ပမာဒေထ သမ္မာဒေထ



••••••••••••••••••••••••••••

သာမန်လူသားတွေဟာ အစဉ်သဖြင့် မေ့လျော့ပေါ့ဆနေတတ်တယ်တဲ့

မထင်ခဲ့ဘူးဗျ မမေ့ပါဘူး စားဖို့ သွားဖို့ ဘယ်နေ့မှာ ဘယ်သူနဲ့ ချိန်းထားတာ မနက်က ဘာစားတာ ညနေ ဘယ်သွားမှာ ဘာလုပ်မှာ အားလုံးသိနေတာပဲ
ကိုယ့်ကိုယ်ကို မေ့နေတယ်လို့ မထင်ဘူးလေ

ဓမ္မသဘောအရ ဒါတွေကိုက မေ့နေတာတဲ့

ဥပမာပေါ့
ထမင်းစားနေမယ် အဲ့ဒီအချိန်မှာ ထမင်းစားခြင်းအပေါ် စိတ်ရောက်မူက တဒင်္ဂ​လေးတွေ လောက်သာပဲဗျ စိတ်အစဉ်က အတိတ်နဲ့ အနာဂါတ်ဆီကို လူးလားခေါက်ပြန် သွားနေတာ မနေ့ကဘယ်သွားတာ ဘာလုပ်တာ ခု ထမင်းစားပြီး ဘယ်သွားရမှာ စသည်ဖြင့်ပေါ့ အဲ့ဒီအချိန်မှာ ငရုပ််သီးကိုက်မိပြန်တော့ ပါးစပ်​ပူသွားတော့ အဲ့ဒီကို စိတ်ကရောက်သွားပြန်ရော့

တကယ်တော့ ထမင်းစားနဲ့အချိန်မှာ ထမင်းစားခြင်းအပေါ်မှာပဲ စိတ်ကရှိနေခဲ့ရင် စောစောက ဒုက္ခမျိုးက လွတ်မှာပါ

လမ်းလျှောက်တဲ့အချိန်မှာ လမ်းလျှောက်တဲ့အပေါ် သတိမထားတာကြောင့် ရံခါမှာ ဘေးအန္တရာယ်တွေ ဖြစ်ကြတာ တွေဖူးမှာပါ
လမ်းလျှောက်ခြင်းလုပ်မယ်ဆိုရင် ဘာတွေလိုအပ်မလဲ မျက်စိက အတားအဆီး ကျင်းချိုင့်တွေကို ကြည့်ရမယ် နားက အသံကိုနားစွင့်ထားရမယ် ဒါဆိုရင် အန္တရာယ်ကင်းပါတယ် ခုတော့မဟုတ်ဘူးလေ
မျက်​စိက ဟိုငေးဒီငေး စိတ်ကဟိုတွေးဒီတွေဆိုတော့ ဖြစ်ပြီပေါ့

တယ်လီဗေးရှင်းကြည့်ရင်တောင် ဇာတ်လမ်းအစဉ်ကို ခံစားနေတာမှမဟုတ်တာ စိတ်ထဲမှာတင် ဇာတ်လမ်းကို ရှေ့ပြန်ရစ်လိုက် နောက်ဘာဖြစ်မလဲ တွေးကြည့်လိုက်မဟုတ်လား တစ်​ခါတစ်​​လေကြည့်သာကြည့်နေတာ ဘာပြောလိုက်မှန်း ဘာလုပ်လိုက်မှန်းမသိလိုက်လို့ ပြန်ရစ်ကြည့်ရတာမျိုးရှိမှာပါ

ဘာ့ကြောင့်လည်းဆိုတော့ မျက်စိက မြင်တတ်တဲ့သဘာဝပဲရှိတာ မြင်သိစိတ်မရှိဘူး နားကကြားတတ်တဲ့ သဘာဝပဲရှိတာ ကြားသိစိတ်မရှိဘူး

တခြား အကြောင်းအရာတွေကိုလည်း ဒီအတိုင်းလေး စဉ်းစားကြည့်ပေါ့
ထိုင်တဲ့အချိန်မှာ ထတဲ့အချိန်မှာ စိတ်ကလေးညွှတ်ကြည့်မယ်ဆိုရင်

သိပ္ပံပညာရှင်​တွေရဲ့ စကားတစ်ခု ကြားဖူးတယ်ဗျ မြစ်တစ်ခုမှာ နှစ်ခါရေမချိုးနိုင်ဘူးတဲ့ သာမန်လူသားတွေရဲ့ အသိမှာ ရေကရှိနေတယ်ထင်တော့ ပြောင်းလည်းသွားတာ မမြင်ဘူးလေ မြစ်ရေဆိုတာ စီးဆင်းနေတာမဟုတ်လား

မြတ်​ဗုဒ္ဓကတော့ လူတစ်ယောက်ဟာ နှစ်ခါမလုပ်နိုင်ဘူးတဲ့ ဘာကြောင့်လည်းဆိုတော့ လူ့ခန္ဓာဟာလည်းအစဉ်ဖြစ်ပျက်နေတာကိုး
စောစောက လူနဲ့ အခုလူ တူမှမတူပဲ copy အရမ်းကောင်းနေတော့ တူတူပဲထင်တာ လူတွေရဲ့ သာမန်မျက်စိမှာ ပျက်တဲ့သဘာဝကို နှစ်အပိုင်းအခြားလောက် ကြာမှသာ သိကြတာဗျ ဒါကြောင့် ငယ်ငယ်က သူငယ်ချင်းမျိုး ပြန်တွေ့လိုက်ရချိန်မှာ အိုသွားလိုက်တာ ငယ်ရုပ်ဖမ်းပြီး မနည်းစဉ်းစားယူရတယ် စသည်ဖြင့် ဖြစ်ကြတာပေါ့

ဒါတွေက ရုပ်ဝတၳုပိုင်းသာပါ

စိတ်က ထိုထက်ကို လျှင်မြန်စွာပြောင်းလည်းနေတယ်တဲ့ ဒါကို လက်တွေ့သိချင်ရင် စိတ်ကို ဝင်သက်ထွက်သက်ရဲ့ ဂိတ်တံခါး နှာသီးဖျားမှာ ထားကြည့်ပါ အလေ့အကျင့်မရှိရင် တစ်မိနစ်ပြည့်ဖို့မလွယ်ဘူးဗျ
ကိုယ်တိုင်စမ်းသပ်ကြည့်နိုင်ပါတယ်

ဓမ္မရဲ့ဂုဏ်တော်ကိုက လာပါ စမ်းကြည့်ပါ ချမ်းသာမှုလက်ငင်းရမယ်
ဘယ်သူကမှ ပေးတာမျိုးမဟုတ်ဘူး ဘယ်သူကမှ မ တာမျိုး မဟုတ်ဘူး ကိုယ်လုပ်လို့ ကိုယ်ရတာ လူငှါးမရဘူး ဝယ်လို့မရဘူး ဖြတ်လမ်းမရှိပေါ့

သန်းထွန်းလေး
အင်းတဲရွာ

နိုင်​ငံ​ရေး



€€€€€€

ကျွန်တော့်အစ်ကို ပြောဖူးတယ်ဗျ
နိုင်​ငံ​ရေးလုပ်တယ်ဆိုတာ ထ္မင်းစားတတ်ရင်ရပြီတဲ့

ဘာ့ကြောင့်လဲလို့ မေးတော့ ထ္မင်းစားတဲ့အချိန်မှာ ကိုယ့်ရဲ့ ကိုယ်နေဟန်ထားတွေကို ဂရုစိုက်ပြီး သုံးသပ်ကြည့်ပေါ့တဲ့

လက်
((((((
မွေးကတည်းက မညီတဲ့ လက်ငါးချောင်းဟာ စားတဲ့အချိန်မှာ တစ်ညီတည်းဖြစ်သွားတယ်လေ

ဒါက ဘာကိုပြသလဲဆိုရင် ဘယ်ပါတီ ဘယ်အဖွဲ့အစည်းကပဲ ဖြစ်ဖြစ် ပြည်သူ့အတွက်ရယ်လို့ ရှေးရှုရင် ပြည်သူကောင်းကြိုးလိုလားတယ် ဆိုရင် ပုဂ္ဂိုလ်ဂိုဏ်းဂဏ မခွဲခြားပဲ နာမည်ရဖို့အတွက် ထင်ပေါ်ကျော်ကြားဖို့အတွက်မဟုတ်ဘဲ အားလုံးတက်ညီလက်ညီ ကိုယ်နိုင်တဲ့ဖက်က ဝိုင်းဝန်းထမ်းပိုးရမယ်ဆိုတဲ့ အဓိပ္ပါယ်​ပဲ

ဒီလိုမှမဟုတ်ဘဲ ပြည်သူ့အတွက်ဆို အမြဲမညီတဲဲ့ လက်ငါးချောင်းက အိပ်ကပ်ထဲတည့်ဖို့ကျ တစ်ညီတည်းဖြစ်သွားရင်တော့ ......

ပါးစပ်
*****
ပါးစပ်ကလည်း အမြဲဟနေဖို့ မသင့်တော်ဘူးလေ အစာမဟုတ်ဘဲ လေပဲဝင်လာနိုင်တယ် ဒါကပြဿနာ သိပ်မရှိဘူး ရောဂါပိုးမွှားတွေ ဝင်လာမှဖြင့်

မီဒီယာမှာ ပေါ်ပြူလာဖြစ်ဖို့လောက်သာ လုပ်နေပြီး တကယ့်တကယ် ပြည်သူ့အတွက်ကြတော့ အကျိုးမရှိပဲ ဖြစ်တတ်တာကိုး

သွား
%%
ဒေသအမျိုးမျိုးက ဝင်လာတဲ့ အခွန်ကို စနစ်တကျ ခွဲခြမ်းတတ်ဖို့လိုတယ်လေ ဒီလိုမှမဟုတ်ဘဲ သူ့တာဝန်မကျေရင် ဗိုက်အောင့်ဗိုက်နာ ရင်ပြည့်ရင်ကယ် ဖြစ်တတ်တာပေါ့

ဒါကတော့ မပြောတတ်ဖူးဗျ

လျှာ
<>
အပေါ်နဲ့အောက်ကို ပေါင်းကူးပေးတဲ့ သယ်ယူပို့ဆောင်သူရဲ့ ကန္တက သိပ်အရေးပါတယ်ဗျ

ကိုယ်နိုင်ငံရဲ့ အလေအလွင့်အများဆုံးနေရာပါပဲ

လူသုံးယောက်ဆင့်ပြီးရပ်နေတယ်ဆိုပါတော့ အောက်ဆုံးလူက အပေါ်မော့ကြည့်ရင် အပေါ်ဆုံးလူ မမြင်ရဘဲ ကြားလူရဲ့ ငယ်ပါပဲမြင်ရတယ် ဒါပေမယ့် မမဲ့ရဲဘူး ပြုံးပြုံးကြီးကြည့်နေရတာမျိုး

အစာအိမ်
®®®®®

အပေါ်က ဘာတွေပဲပေးပေး ငြင်းပယ်ခွင့်မရှိဘူး အသာတကြည်​လက်ခံကြရတာ အားဖြစ်တဲ့ အစာဖြစ်စေ ဘေးဖြစ်မယ့် အဆိပ်ဖြစ်စေ

ဒါပေမယ့် သူ့ကိုလျော့မတွက်နဲ့နော် အားလုံးကို ပြန်လည်တွန်းလှန်နိုင်တဲ့ စွမ်းအားအပြည့်ရှိတယ်တဲ့

[]]]]]][[[[[[[

သန်းထွန်းလေး
အောင်ညီကိုရွှေထည်စက်ဖြတ်လုပ်ငန်း
Koloneypoe@gmail.com

ေျမဝယ္မက်


¿¿¿¿¿¿¿¿¿¿

ျမန္မာ့လူမႈအသိုင္းအဝိုင္းမွာ လူႀကီးသူမ ေလးစားရတဲ့ ဆရာ ဆရာမ မိဘဘိုးဘြားေတြရဲ႕ ဆံုးမစကားကို ကိုယ့္ရဲ႕ အသိဉာဏ္မွာ အျမဲတည္ေနေအာင္ စြဲျမဲေနေအာင္ မွတ္သားလိုက္နာရမယ္

သူတို႔ရဲ႕ ေမတၱာနဲ႔ယွဥ္တဲ့ ဆံုးမစကားကို  ေမ့ေလွ်ာ့ေပါ႔ဆစြာ ကိုယ့္ရဲ႕ အသိဉာဏ္နဲ႔မယွဥ္ပဲ အမႈမဲ့ အမွတ္မဲ့ ေပါ့ေပါ့တန္တန္ ၾကားခါမတၱသာ႐ွိၿပီး မလိုက္နာတာမ်ိဳးကို ေျမမွာက်ၿပီး ေျပာက္ပ်က္သြားရင္ အက်ိဳးမဲ့လိမ့္မယ္လို႔
ဆံုးမတဲ့ သေဘာပါ

ဒါေပမယ့္ ကြၽန္ေတာ္က ေၾကာင္ေတာင္ေတာင္ရယ္ ႐ွင္းေနတာေတြကို တဖန္ျပန္႐ႈပ္ၿပီး ေတြးရတာ ဝါသနာပါတယ္ဗ်

ဒီစကားကို စီးပြား​ေရးဖက္မွာ သြားေတြးမိတယ္

ဘာ​ေၾကာင္​့လဲဆိုေတာ့ ဒီေန႔ေခတ္မွာ ေျမသာဝယ္ထားဗ်ာ ေစ်းက်သြားတယ္ဆိုတာ ႐ွာမွ႐ွားရယ္ အခ်ိန္ၾကာေလ တန္ဖိုးျမင့္ေလ ဘဝေနာင္ေရး စိတ္ေအးရေလပဲ မဟုတ္လား


Monday, May 1, 2017

အကျင့် စရိုက် ဝါသနာ




★ ★ ★ ★ ★ ★ ★

အကျင့်ဆိုတာတော့ ရှင်းပါတယ် မြန်မာစကားမှာ အလေ့အကျင့်ဆိုတာ ရှိတယ်လေ တစ်ရှိုက်မတ်မတ် စွဲမြဲ လုပ်ဆောင်လာခဲ့တဲ့ အမူအကျင့်လေးတွေဟာ ကိုယ့်ရဲ့ အတွင်းစိတ်သန္တန်မှာ ကပ်ငြိပြီး မိမိနဲ့ တစ်သားတည်းပုံစံမျိုး စွဲမြဲသွားတတ်တယ်ဗျ

အကျင့်ကနေ နှစ်ရှည်လများ ဆွဲမြဲသွားရင် သင့်ရဲ့ စရိုက်အဖြစ် ပြောင်းလဲသွားမှာပါ ဘဝနဲ့ချီပြီး ဆွဲမြဲခဲ့မယ်ဆိုရင်တော့ ဝါသနာ လို့ဖြစ်သွားလိမ့်မယ်

ဝါသနာရယ်လို့ ဖြစ်လာရင် သုံးလောကထွဋ်ထား မြတ်ဘုရားသာ အလုံးစုံ ပယ်စွန့်နိုင်မယ့် အနေအထား ဖြစ်သွားပါပြီ

ဇာတ်နိပါတ်တော်မှာ တွေဖူးတယ် ရဟန္တာကြီးတစ်ပါးဟာ တွေ့တဲ့သူတိုင်းကို သူယုတ်မာ လို့နှုတ်ဆက်တတ်သတဲ့ သူရဲ့ စရိုက်ကို ရဟန္တာကြီး ဖြစ်ချိန်မှာတောင် မပယ်စွန့်နိုင်ခဲ့ဘူး

ကျမ်းဂမ်အလာ မဟုတ်ပေမယ့် မြန်​မာနိုင်​ငံမှာ အသိများတဲ့ ဇာတ်​လမ်​းလေး တစ်ပုဒ်လည်း ရှိတယ်ဗျ

လက်ယာတော်ရံ ရှင်သာရိပုတ္တရာ နဲ့ ပတ်က်ပြီးတော့ပါ တစ်နေ့ တကာတစ်ယောက်က ဆွမ်း သင်္ကန်​း ကပ်ဖို့လာပင့်ရာမှာ ဆရာတော်ဟာ လမ်းမှာ တွေ့တဲ့ ရေအိုင်လေးတွေကို တွေ့ချိန်မှာ ဆင်းမလျှောက်ဘဲ ခုန်ကျော်သတဲ့ ရှေးဘဝက မျောက်ဖြစ်ဖူးတဲ့အတွက် ဝါသနာ မပယ်နိုင်တာကြောင့်လို့ ဆိုပါတယ်
ဒါ့ကြောင့် ကိုယ့်ရဲ့ လူသားတစ်ယောက်အနေနဲ့ မလျှော်ကန် မသင့်မြတ်တဲ့ အမူအကျင့်လေးတွေကို ပြင်နိုင် ဆင်နိုင်တဲ့ လူ့ဘဝ ရတုန်း အခိုက်အတန့်မှာ ပြောင်းလည်းဖြောက်ဖျက်နိုင်ဖို့ သတိပြုစေချင်ပါတယ်

အလွယ်ဆုံး ဥပမာအနေနဲ့ ကျွန်တော်တို့ မြန်မာနိုင်ငံသား အများစုဟာ ဆန်ထမင်းကို အဓိကအနေနဲ့ ငယ်ငယ်ကတည်း စားသုံးလာတဲ့အတွက် ထမင်းမှ မစားရရင် မတင်းတိန်သလိုမျိုး ဝမ်းမဝသလိုမျိုး ကြုံတွေ့ခံစားဖူးကြမှာပါ

အကောင်အထည် မရှိတဲ့ မနောစိတ်မှာလည်း တစ်ချို့ အမူအကျင့်လေးတွေဟာလည်း အမှတ်မထင် စွဲမြဲသွားတတ်တယ်ဗျ

ဥပမာပေါ့ .......

ဒေါသကြီးသူ
သူတို့ရဲ့ လားရာဘဝနဲ့ အတိတ်ဘဝကို အကြမ်းဖျင်းအားဖြင့် စိတ်ကူနဲ့ တွက်ဆကြည့်နိုင်ပါတယ် ဒေါသကြီးတယ်ဆိုမှတော့ဗျာ အစဉ်အမြဲ ဒုက္ခခံနေရတဲ့ ငရဲလိုမျိုး သူတစ်ပါးအသက်ကို သတ်ဖြတ်စားသောက်နေတဲ့ တိရိစာၦန်ဘဝတွေ ဖြစ်မှာပေါ့

ဝေဖန်ပိုင်းခြားပြီး မဆုံးဖြတ်နိုင်သူ
သူကတော့ ပြိတ္တာဘုံသားတွေဖြစ်နိုင်တယ် ဝေဖန်ပိုင်းခြားချိန်မရှိဘူးလေး ခံလိုက်စံလိုက်နဲ့ ဆင်းရဲတလှည့် ချမ်းသာတခါ ဘဝကို ပျော်လိုက် ဝမ်းနည်းလိုက်နဲ့ အလိုက်သင့် ဖြတ်သန်းသူ ဆိုပါတော့

တွေဝေလေးလံသူ
သူကတော့ သာမန် တိရစၧာန်​ဘဝတွေနဲ့ အစပ်အပ်ဆုံးပဲ ခိုင်းမှလုပ် စေမှသွားမယ်ထင်တယ်

ဒါက ကျွန်တော့်အယူအဆပါ မှားယွင်းဖို့ များပါတယ်

ငါ့လာမထိနဲ့ မီးပွင့်သွားမယ်
ဒါက ဒေါသသမားရဲ့ သူ့ဒေါသကို ဂုဏ်တင်ပြီးပြောတဲ့စကားပါ

ငါကစေတနာနဲ့ လုပ်တာကွ
ဒီစကားက ဝေဖန်ပိုင်းခြားပြီး မဆုံးဖြတ်နိုင်သူရဲ့ လက်သုံးစကားပါ

ငါတို့က စိတ်မပါရင် ဘာမှမလုပ်ဘူးကွ
ဒီစကားက တွေဝေသူရဲ့ လက်သုံးစကားပါ

စသည်ဖြင့် အမူအကျင့်ရှိသူတွေဟာ ကိုယ်​့ကိုယ်​ကို သတိနဲ့ ပြန်မကြည့်ပဲ အဲ့ဒီအပေါ်မှာပဲ သာယာသွားတတ်တာတွေ ရှိတယ်ဗျ


✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏ ✏

ဒီလိုတွေ ဘာ့ကြောင့် လူလူချင်း ကွဲပြားနေရတာလဲ တစ်ဦးတစ်ယောက်က ဖန်ဆင်းခဲ့တယ်ဆိုရင် တစ်ညီတည်းမဟုတ်တောင် သိပ်ကွာခြားနေဖို့ မသင့်ဘူးနော်
ဗုဒ္ဓဘာသာက အဲ့ဒီပြဿနာ ဘဝပြဿာနာကို အဖြေရှာတဲ့ ဘာသာပါ သင်ချမ်းသာဖို့ ဖြစ်စေ ဆင်းရဲဖို့ဖြစ်စေ ဒေါသကြီးသည်ဖြစ်စေ လောဘကြီးသည်ဖြစ်စေ မောဟကြီးသည်ဖြစ်စေ သင်သာ သင့်ရဲ့ ဖန်​ဆင်​းရှင်​ပါ ဘယ်သူမှ သင့်ဘဝကို ချယ်လှယ်နိုင်မှာမဟုတ်ပါဘူး ထို့အတူ သင့်ရဲ့ ငြိမ်းချမ်းရာကို သင်သာ ရှာဖွေရမှာပါ

ဗုဒ္ဓ ဆိုတာ လမ်းပြသူသာ ဖြစ်ပါတယ်
ကယ်တင်မယ့်သူ မဟုတ်ပါဘူး

**************************************************************************

သန်းထွန်းလေး
အင်းတဲရွာ
koloneypoe@gmail.com

လင္းေဝ ေမာင္႐ွိန္း


မြတ်​ဗုဒ္ဓ လက်ထက် ဧတဒဂ်ဘွဲ့ထူးရ လူဒါယကာ ၁၀ ယောက်


★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★

၁. တဖုဿ ဘလ္လိက . ဒွေဝါစိက သရဏဂုံ
     ရှေးဦးစွာ သရဏဂုံဆောက်တည်ရာ၌ 

၂. အနာထပိဏ် 
     အလှူဒါနအရာ၌

၃. စိတ္တသူကြွယ်
     တရားဟောကောင်းရာ၌

၄. ဟတၳာဠာ၀က . သင်္ဂဟ
    ၀တၳုလေးပါးဖြင့် ထောက်ပံ့၍ ပရိတ်သတ်အား ဆွဲဆောင်ရာ၌

၅ . မဟာနန်မင်း . အဂ္ဂ ပဏီတ
      အခါမပြတ် အကောင်းအမြတ်တို့ကို ပေးလှူတတ်ရာ၌

၆. ဥဂ္ဂသူကြွယ် . အဂ္ဂ မနာပ 
      နှစ်သက်ဖွယ်အရာကို ပေးလှူတတ်သည့်အရာ၌

၇. ဟတၳိဂါမရွာနေ ဥဂ္ဂသူကြွယ် . အဂ္ဂ သံဃုပဋ္ဌာက
      သံဃာအလုပ်အကျွေးကောင်းရာ၌

၈ . သူရပန် . အေ၀စ္စ ပသန္န
      မတုန်မလှုပ် ကြည်ညိုရာ၌ 

၉. ဆရာဇီ၀က . ပုဂ္ဂလ ပသန္န
     ပုဂိ္ဂုလ်ကို ကြည်ညိုတတ်သောအရာ၌  

၁၀. နကုလပိတာ . ၀ိဿာသက
        ဘုရားနှင့် အကျွမ်း၀င်ရာ၌

မင္းတုန္းမင္းတရားႀကီး


****************

ျမန္မာ့ သမိုင္းမွာ အႏွစ္သက္ဆံုး အေလးစားဆံုး အျမတ္ႏိုးဆံုး ပုဂိၢဳလ္ တစ္ေယာက္ျပပါဆိုရင္ ကြၽန္ေတာ့္အတြက္ေတာ့ မင္းတုန္းမင္း ပါပဲ

သူဟာ နာခံလြယ္တယ္ မာနနည္းတယ္ ဆံုးမခံတယ္ မွားမွန္းသိရင္ ျပင္တယ္ ပညာ႐ွိကို ျမတ္ႏိုးတယ္ ဦးၫႊတ္တယ္ ေနရာေပးတယ္ ပညာကို တန္ဖိုးထားတယ္ ဘာသာကို ခ်ီးေျမႇာက္တယ္ တစ္ျခားဘာသာေတြကို ေလးစားတယ္ စသည္ျဖင့္ေပါ့ မင္းတရားႀကီးရဲ႕ ဂုဏ္ေတြကို ထုတ္ေဖာ္ေျပာရင္ ကုန္မယ္မထင္ပါဘူး

သာမန္ လူသားတစ္ေယာက္ျဖစ္တဲ့ မင္းႀကီးမွာ အမွားေတြ အယူအဆအလြဲေတြ အမ်ားအျပားေပါ့

ဒါေပမယ့္ ဆရာႀကီး ဦးရန္ေဝးတို႔လို ကင္းဝန္မင္းႀကီးတို႔လို တိုင္းျပည္ေရးရာ လူမႈေရးရာ ကြၽမ္းက်င္းလိမၼာတဲ့ ပညာ႐ွိ ေတြက ေထာက္ျပဳေဝဖန္ရင္ ျပင္္တယ္ ျပင္ႏိုင္တဲ့ သတၱိ႐ွိတယ္ ခုလက္႐ွိ မွားမွန္းသိရဲ႕နဲ႔ မျပင္ႏိုင္ၾကတဲ့ ပုဂိၢဳလ္ ေတြကိုျမင္တိုင္း မင္းတရားႀကီးကို ပိုပိုၿပီး ဦးၫႊတ္မိပါတယ္

ကြၽန္ေတာ္တို႔ကိုယ္တိုင္လည္း မွားမွန္းသိရက္နဲ႔ မျပင္ႏိုင္တဲ့ မျပင္ရဲတဲ့ ဝန္မခံရဲတဲ့ အခိုက္ အတန္ ့ေတြ ျဖစ္ခဲ့ဖူးမွာပါ

သူ႔ေခတ္က ပံုေလးတစ္ပံု ၾကားဖူးတယ္ အမ်ိဳးသမီးေတြ လင္သားၿပိဳင္ရာမွာ ငါ့လင္က မထမေက်ာ္ မထမႀကီး ဓမၼာစရိယ စသည္ျဖင့္ ၿပိဳင္ၾကတယ္တဲ့ ဗုဒၶစာေပ ဘယ္ေလာက္ထြန္းကားခဲ့သလည္းဗ်ာ ခုေခတ္ ဘုရား႐ွိခိုးေတာင္ မရတာတဲ့သူေတြ ျမင္တိုင္း မင္းတရားႀကီးရဲ႕ ဘာသာေရး အေတြးအေခၚ ႏိုင္ငံနဲ႔အမွ် ဘာသာပါ ဖြံ႔ၿဖိဳးေစဖို႔ လုပ္ေဆာင္ခဲ့မႈေတြကို ရည္မွန္းဦးၫႊတ္မိတာ ခဏခဏပါပဲ

သံဃာယနာတင္ မင္းတရားႀကီး ျမန္မာ့စာေပ အထြန္းကားဆံုးေခတ္ရဲ႕ ဥေသ်ွာင္တစ္ပါး ျမန္ျပည္တစ္ပိုင္း သူ႔ကြၽန္ဘဝ ေရာက္ခ်ိန္မွာေတာင္ ေရႊတိဂံုေစတီရဲ႕ ထီးေတာ္ ဒါယိကာ အျဖစ္ခံယူႏိုင္ခဲ့တဲ့ မင္းတရားႀကီးကို အႀကိမ္းႀကိမ္အခါခါ ဦးၫႊတ္ရင္း

⛅⛅⛅⛅⛅⛅⛅⛅⛅⛅⛅⛅⛅⛅⛅⛅⛅⛅⛅⛅⛅

သန္းထြန္းေလး အင္းတဲရြာ
Koloneypoe@gmail.com
Koloneypoe.blogspot.com


သန်းထွန်းလေး (အင်းတဲရွာ)

ရုပ်သေးပွဲသွားရအောင်

  ရုပ်သေးပွဲသွားရအောင် Https://youtube.com/@thantunlayinde  ရေး-ကန်မြဲကိုအေးကျော် ဆို-ခင်အုန်းမြင့်လေး .. ပင်ခေါင်တိုင် သပြေကိုင်းနဲ့ နေမှို...