သန်းထွန်းလေး ☆ အင်းတဲရွာ

သန်းထွန်းလေး ☆ အင်းတဲရွာ
Than Tun Lay .INDE

Saturday, May 28, 2016

သက်​တံံ့




ညနေခင်းတခု

မိုးစဲလင်းပွင့်ကောင်းကင်မှာ

ဟာ.......

လှလိုက်တဲ့ သက်တံကြီးတစင်း
စီးဆင်းနေတာတွေ့တယ်

ရုတ်တရက်ပဲ
ငါ… ကြေကွဲခဲ့ရပေါ့ ......

ဘ၀ဆိုတာ သက်တံလိုပါလား.......

ရှိတော့ရှိပါရဲ့
ဒါပေမဲ့
အရှိမဲ့ .........
                                      ထူးအိမ်သင်

ထူအိမ်သင် ၏ ကဗျာများ

မနှင်းဖြူ


တစ်
<><><>
ချစ်သူ
သင့်နှလုံးသားသည်
ပျားသို့ချို၏။
သို့ပြီးတကား
ဓားသွားမူ ထက်စွာ၏

နှစ်
<><>
ဆောင်းဦးပေါက်ညများရဲ့
ပွင့်ဦးနှင်းဆီဖြူဟာ
ငါ့သခင်မ
ငါ့ဘ၀ရဲ့ ကိုယ်ပွားအသက်ပါ

မင်းဘ၀နဲ့ ငါရှင်သန်တယ်

ပျိုရွယ်ခြင်း၊ ချိုမြတဲ့အဆိပ်
အိပ်ရာ၀င်ပုံပြင်ထဲက
နတ်သမီးတစ်ပါးရဲ့ အလှကို ငါမှတ်မိခဲ့ပြီ

ဒီဇင်ဘာမှာ နှင်းကျတယ်
တစ်လလုံးပါပဲ
ပထမဆုံးနှင်းပွင့်ကတော့
သူပေါ့ကွယ်၊ ဆွတ်ဆွတ်ဖြူဖြူ
ငန်းမွှေးတောင်သွင်တူသော
နူးညံ့ချောနုခြင်းနဲ့ ငါ့ရဲ့အသက်
အိပ်မက်အပြုံးရှင်ပေါ့ ၊ သူ ....
“ မနှင်းဖြူ ” လေ

သုံး
<><>
မနှင်းဖြူ.....
မင်းဘယ်သူလဲ .....

ငါကလွဲလို့ မင်းတောင်မှမသိ
မြတ်နိုးမိသူပါ

သူဟာ ...
ငါ့ဘ၀ရဲ့ ပထမဦးဆုံး
နှင်းဖုံးတောင်တန်းများရဲ့ နတ်မိမယ်
သံယောဇဉ်အနွယ်များရဲ့ မိခင်
ပွင့်ဦးသခင် ဆိုနိုင်ပါရဲ့
နွဲ့လျတဲ့ခြေလှမ်းများ

ငါ့နှလုံးသားမှာ ..
ဒဏ်ရာထင်အောင် ပြင်းထန်ခဲ့

ကဲ ........
ဒီလိုဘယ်သူသိမလဲကွယ်

လေး
<><>
ဆောင်းညရဲ့ နှုတ်ခမ်းအစွန်းမှာ
လမ်းများပေါ်

ငါ

တေးသီခဲ့တယ်
နားမလည်နိုင်တဲ့ ခံစားမှုဘ၀
တေးချင်းမှာ စတည်ခဲ့ပေါ့

ဖျော့တော့တဲ့လရောင်သွန်းချိန်
မှိန်ပြာပြာ နှင်းစက်ကြွေသံလို
ကောင်းကင်ငိုနေရဲ့

အို .....
အလှ
မင်းကို တမ်းတလို့ ..
ကိုစောငြိမ်း ရဲ့ ပွင့်ဦး
ငါဆိုခဲ့ဖူးပြီ .. ...

ငါး
<><>
ဟောသည်မှာ အချစ် ......
ကဗျာလိုလှတဲ့
ပန်းပွင့် သစ်ရွက်
စက်နဲ့လုပ်တာမဟုတ်

မင်းအတွက်ပဲ သည်မှာ
နုံချာပေမယ့် လတ်ဆတ်တဲ့နှလုံးသား

ဥပက္ခာမထားစေချင်
အရှင် ......
သခင် ......
သစ်ခက်ပလ္လင်မှာစံ၍
တေးချင်းကို နာခံ
မိုးယံ၌ပြည့်သော ပီတိနှင့်
တင့်တယ်စေပါမည်

ခြောက်
<><>
လုံမရဲ့ အကြည့်
နေထိတဲ့ ပန်းပါပဲ

ညိုးလျော်ဆဲအပြုံးဟာ
ပြည့်၀ပါပေရဲ့

စောင့်စားသူ နေပူမှာရပ်လို့
မင်းကို စောင့်ဖို့ ငါအသက်ရှင်တယ်

သစ်ပင် တောတောင် နေရောင် .....

ငါ့သခင် အောင်နိုင်တယ်
ဘယ်သူငြင်းမလဲ

အို အချင်းတို့ ........
အို အမျိုးကောင်းသားတို့.....
ငါ့အားခွင့်လွတ်ကြပါလေ ....

အချစ်စေကျွန်ဖြစ်တယ်။
ဇာမဏီငှက်၏ တင့်တယ်ခြင်းဖြင့်
ကြယ်ပွင့်တို့ကို နွံ၌နစ်စေသူ ......

ချစ်ခြင်း မုန်းခြင်း ဥပကေ္ခာနှင့် ခံယူမှု
ပန်းနုကျောက်ဆစ်အသွင်
မြင်သူတိုင်းအား
အကြည့်ဖြင့်သိမ်းပိုက်သူ ......

ခုနှစ်
<><>
အို .....
ချစ်သူလုံမ
ပထမဘ၀မှာ တွယ်ငင်သော
သံယောဇဉ်ပိုင်စိုးသူ

နှင်းမြူသည်းပွတ် ဆွတ်ဆွတ်ဖြူစင်၍
အိပ်မက်အငွေအသက်ပမာ
ငါမြတ်နိုးသူ

ငါ့အား .....
သနားသဖြင့် ဥပက္ခာသစ်ရိပ်မှ
ဖဲကျဉ်ခွင့်ရစေပါ

ငါ့အား ..
ဝါမျှင်ဂွမ်းစကဲ့သို့ ချီမ၍
သင့်အနမ်း၍ကြွေသော ပန်းပွင့်ရေအိုင်ထက်
သက်စေပါဘိ

သက်ရွက်လောင်းလှေဦးတွင်
သခင်မစံပါ

ကဗျာသစ်ခက်ဖြင့်ပြုသော
လှော်တက်ကို ငါကိုင်မည်

အောင်နိုင်ခြင်းနှင့် ဒဏ်သင့်သောငါ့အား
အသာယာဆုံး တိတ်ဆိတ်ခြင်းဖြစ်သည့်
အချိုမြိန်ဆုံးတေးချင်းကို
ဆိုခွင့်ပြုပါ

ထိုအခါ .....
ကမ်ဘာမြေသည် သခင်မအပြုံး၌ပွင့်သော
ဆည်းဆာပန်းပွင့်သစ်၏
နှစ်ချို့ စပျစ်အရက်ပမာ
ငါမူးယစ်စွာ မွေ့ပျော်စေလိမ့်မည်

ရှစ်
<><>
အားလုံးပြီးဆုံးသွားခဲ့ပြီ ......

မနှင်းဖြူ

အားလုံးပြီးဆုံးသွားပြီလေ....
အခုတော့ ......

ကိုး
<><>
မြစ်တစ်စင်းမှာ

သူ <> ငါ

နှစ်ခါရေမချိုးနိုင်
စီးဆင်းနေဆဲ အချိန်စက်၀န်း
ပုံတူသွန်းလုပ် အရုပ်ဆင်းတု
ပြုစုသူမဲ့ပေရဲ့ .. ...

ပစ္စုပ္ပန်မဲ့သောအခါ
အနာဂတ်မတည်စွမ်းသာ

သည်သို့ ..
သံသရာရှိလျှင်အဆုံး ငါမို့ဖြစ်ရင်း
ချစ်ခြင်းအပ မြဲစေ
ကျိန်စာဆိုခဲ့လေသလား......

အို .. နတ်ဘုရားတို့ ......
အို .. ပိုင်ဆိုင်သူတို့ ......

                          ထူးအိမ်သင်

Thursday, May 12, 2016

ကဆုန်​လပြည်​့​နေ့ * ဗုဒ္ဓ​နေ့




********************
   ကဆုန်​လပြည်​့​နေ့ဟာ ဗုဒ္ဓဘာသာဝင်​ မြန်​မာလူမျိုး တို့အတွက်​ အ​လေးအမြတ်​ထားရာ ​နေ့ထူး​နေ့မြတ်​တစ်​ပါးပါ
   ဗုဒ္ဓ အ​လောင်​းလျာ သိဒ္ဓတၳမင်​းသား ဖွား​တော်​မူတဲ့​နေ့ ဖွားဖက်​​တော်​ ငါး​ယောက်​နဲ့အတူ ​လောကကို အလင်​း​ဆောင်​ဖို့ ​ရောက်​လာတဲ့​နေ့ဟာ မဟာသက္ကရာဇ်​ ၆၈ ခုနှစ်​ ကဆုန်​လပြည်​့ ​သောကြာ​နေ့ နံနက်​ခင်​းပါ
    သစ္စာတရား ရှာ​ဖွေဖို့ ကြင်​ယာ​တော်​ ယ​သော်​ဓရာ နဲ့တကွ သား​တော်​ ရာဟုလာ ခမည်​း​တော်​ မိ​ထွေး​တော်​ နဲ့ ကပ္ပိလဝတ်​ ထီးနန်​းကို ပယ်​ခွာစွန်​့ခဲ့တာလည်​း မဟာသက္ကရာဇ်​ ၉၇ ခုနှစ်​ ကဆုန်​လပြည်​့​ တနင်္လာ​နေ့ပါ
     သုဇာတာ သ​ဌေးသမီးရဲ့ ဃနာနို့ဆွမ်​းကို ​နေရဉ္စရာမြစ်​ကမ်​းနား ၄၉ လုတ်​ ဘုန်​း​ပေး​တော်​မူပြီး ယ​နေ့ သစ္စာ​လေးပါး မြတ်​တရားကို သိသူ ဧကန်​ဖြစ်​မည်​ဆိုပါက ​ရေဆန်​ကိုတက်​​စေလို့ သစ္စာအဓိဋ္ဌာန်​ပြု သုဒ္ဓိယငစင်​ လှူတဲ့ မြက်​ရှစ်​ဆုပ်​ကို ဖွားဖက်​​တော်​ မဟာ​ဗောဓိပင်​ ​ခြေရင်​းမှာ ဖြန်​့ခင်​းလျှက်​ ​နေမဝင်​ခင်​မှာပဲ မာန်​နတ်​ရဲ့ ​နှောက်​ယှက်​မှု​တွေကို​အောင်​ ညဉ်​့ဦးယံမှာ ပု​ဗေ္ဗနိဝါသဉာဏ်​​တော်​ရ သန်​း​ခေါင်​ယံအချိန်​မှာ ဒိဗ္ဗစက္ခုဉာဏ်​​တော်​ရ မဟာသက္ကရာဇ်​ ၁၀၃ ခုနှစ်​ ကဆုန်​လပြည်​့​နေ့ ဗုဒ္ဓဟူး​နေ့ မိုး​သောက်​ယံမှာ​တော့ ပဋိစ္စသမုပ္ပါဒ်​ ကို အနု​လောမ ပဋိ​လောမဖြင်​့ ဆင်​ခြင်​​တော်​မှု၍ အာသဝက္ခဉာဏ်​ အသာဓာရဏဉာဏ်​​တော်​ ရ​တော်​မူ၍ အလုံးစုံ​သော ဗုဒ္ဓဂုဏ်​​တော်​​တွေနဲ့ ပြည်​့စုံ​တော်​မူ​သော​နေ့မို့ ဗုဒ္ဓ​နေ့ လို့မည်​တွင်​ခဲ့ပါတယ်​
ဒါ့​ကြောင်​့ပဲ ကဆုန်​လပြည်​့​နေ့မှာ ဗုဒ္ဓရဲ့ သစ္စာတရား သိရာ မဟာ​ဗောဓိပင်​ကို ဗုဒ္ဓ ဓမ္မ အဓွန်​ ့ရှည်​ ပြန်​့ပွားစည်​ပင်​​စေရန်​ ရည်​သန်​ပြီး ​ညောင်​​ရေသွန်​း​လောင်​းကြတာ ဖြစ်​မယ်​ထင်​ပါတယ်​
      မဟာသက္ကရာဇ်​ ၁၄၈ ကဆုန်​လပြည်​့​နေ့ အင်္ဂါ​နေ့ မိုး​သောက်​ယံ အ​ရှေ့တစ်​ဝှမ်​း ကမ္ဗလာ​ရောင်​နီသန်​းတဲ့ အချိန်​မှာ ​အိုနာ​သေ မကင်​းတဲ့ ခန္ဓာဝန်​ ထမ်​းရတဲ့ ဒုက္ခကို မပြီးအတိုင်​ စွန်​့လွှတ်​ပယ်​ခွာရာ
ရွှေပြည်​နိဗ္ဗာန်​သို့ အ​ရောက်​လှမ်​း​သော​နေ့ပဲ ဖြစ်​ပါတယ်​
    ဒီလို အ​လောင်​းလျာရဲ့ လူဘဝ အစ သစ္စာတရား ရှာ​ဖွေရာအစ သစ္စာ​လေးပါး သိမြင်​ရာ ​လောကသုံးပါးအလင်​း​ဆောင်​သူရဲ့ သိမြင်​ခဲ့ခြင်​းအစ ​ရွှေပြည်​နိဗ္ဗာန်​ လှမ်​းဝင်​ခြင်​းရဲ့ အစ ကဆုန်​လပြည်​့​နေ့ဟာ
ဗုဒ္ဓ​နေ့ ဆိုတဲ့ ဂုဏ်​ပုဒ်​အပြင်​
စတင်​ခြင်​း​နေ့ လို့လည်​း မှတ်​ယူသင်​့ပါ​ကြောင်​း .............
 
  သန်​းထွန်​း​လေး
အင်​းတဲရွာ

Saturday, May 7, 2016

ဇော်တင် အင်းတဲရွာ ၏ ကဗျာများ



ဒီတမိုးနှောင့်
^^^^^^^^^^^^^^^^^^^
မနက်အိပ်ယာနိုးရင်တောင်
ကောင်းကင်ကို တချက်မော့ကြည့်ပြီးမှ
မျက်နှာသစ်တဲ့ရွာကလေး. . . . . . .။

အပါယ်လားချင် လားပါစေ
မဲစာရွက်ပေါ်
" မိုးလေ၀သ ညီညွတ်ပါစေ" ဆိုတာသာ ရေးထားခဲ့တယ်တဲ့။
ကောင်းဗျာ. . . .

ဗျို့ . . . . .
ခင်များကက်ဆက်ကြီး ပိတ်လိုက်ပါတော့လား။
အဲ့ဒီ ကိုရင်သိန်းတန်ရဲ့
" မိုးရေ တက်ရေ တဖွေးဖွေး . . . .
. . . . . . . . . . . . . ." ဆိုတာကြီးက
ကျုပ်တို့ကို လှောင်နေသလိုကြီးဗျာ။

ဘကြီးညိုရဲ့
"ကြောင့်ကျခပ်သိမ်း ကင်းေ၀းကြပါစေ"ဆိုတဲ့
မေတ္တာဓာတ်တွေလေ
လွှမ်းပါတ်ကမ်ဘာတည်ခဲ့ပြီလားတော့မသိ
ရွာကလေးကတော့ သက်ပြင်းပူပူကြီးတွေချ
ငူငူကြီး ငိုင်နေရပြီ။

လို၍မရသော ဆင်းရဲခြင်းတွေ
အုံနဲ့ကျင်းနဲ့ အထုပ်လိုက် အထည်လိုက်
နက္ခတ်မှားတဲ့ ရာသီခွင်တွေချည်း
ကန်ထရိုက်စွဲနေမိတယ်။

ကြည့်ပါလားဗျာ . . . .
ရင်ဘတ်ဟောင်းလောင်းနဲ့ ခရောင်းယာသားမှာ
ရေဆာတိုင်း အာခံတွင်း ပြင်းပြင်းဟခဲ့တာ
လက်တနှိုက် ပက်ကြားအက်တွေ . . . .
အဲ့ဒါတွေ ရွာကလေးက မချိ့တာဗျ။

အသုံးလုံးသာ သင်ခဲ့ရတဲ့ ရွာကလေးအတွက်
ဂေဟဗေဒစနစ်နဲ့ ဇလဗေဒကြားက ဆက်သွယ်ချက်ဟာ
၀မ်းတထွာနဲ့ သမုဒ္ဒရာကြီးရဲ့ကြားက
နှိုင်းရသီအိုရီထက်
ဘယ်တန်ဖိုးကြီးမလဲဗျာ။

သစ်တောသစ်ပင် ချစ်ခင်တဲ့လူမျိုးတွေ။
အခုတော့ . . . .
ရှိတန်ဆာ မရှိ၀မ်းစာဆိုပဲ။
အရိတ်သင်းခံလိုက်ရတဲ့ တောင်တန်းကြီး
ကတုံးပြောင်ပြောင်မှာ အပူတွေကန်ထွက်နေရဲ့။

ဒီလိုပါပဲ . . . .
အင်းကောကြီးမှာလဲ ကြာဖြူတွေ မေ၀နိုင်ရှာတော။့
ရွာကလေးကတော့
လောဘတ၀က် ထင်းတ၀က် သယ်တိုက်လာတဲ့
လှည်းကလေးပေါ်မှာ
ချွေးဒီးဒီးနဲ့ ရေဆာနေရှာပြီ။ ။

                      WP

ရှေ့ရေးနောက်ရေး အရေးရေးထက် ၀မ်းရေးခက်၏။
အင်းတဲသားဗျ။ မိုးမရွာ ထင်းခုတ်ရောင်းတတ်တယ်။

မိုးယုစံ ခင်ဝင့်ဝါ















စတာ​ေနာ္​ ...:-) :-)

ကောင်းမှုတော်စေတီ

 
★ ★ ★ ★ ★ ★ ★

ကျွန်တော့်ရဲ့ မွေးရပ်ဇာတိကနေ အသက်မွေးဝမ်းကြောင်း ပြုရာ ဒေသတွေကို လာတိုင်းလာတိုင်း ထုံးသင်္ကန်း ဖြူဖြူ​ဖွေး​ဖွေးနဲ့ တည်ပုံစန်းကျယ်ပြီး မြင်လိုက် ဖူးလိုက်ရတာနဲ့တင် စိတ်နှလုံးမှာ အေးချမ်းစေတဲ့ ကောင်းမှုတော်စေတီကို အသေအချာ ကျကျနန မဖူးဘူးသေးပေမယ့် ခရီးသွားရင်း မကြာမကြာ မြင်တွေ့ ဖူးမျှော်ဖူးပါတယ်
ယခုထက်တိုင်ပေါ့

ကောင်းသည် ဆိုးသည်တော့ မဝေဖန်လိုပါဘူး ဒါပေမယ့် ကောင်းမှုတော်စေတီကို ထုံးသင်္ကန်းနဲ့ မဟုတ်ဘဲ ရွှေသင်္ကန်း ကပ်ထားတာတွေ့တော့ တစ်မျိုးကြီးဗျ

စေတီသမိုင်း
♕ ♕ ♕ ♕

စစ်ကိုင်းမြို့ မြောက်ဘက် ၆ မိုင်ခန့်အကွာ၌ တည်ရှိပြီး ဘွဲ့အမည်မှာ
***ရာဇမဏိစူဠာ***
 ဖြစ်ပါတယ်

ဒါယကာမှာ
***သာလွန်မင်းတရားကြီး***
ဖြစ်ပါတယ််

 မြန်မာသက္ကရာဇ် ၉၉၈ (၁၆၃၆) တော်သလင်းလဆန်း ၁၀ ရက် တနင်္လာနေ့မှာ စေတီတော်ကို တည်ထားကိုးကွယ်ခဲ့ပါတယ်

စေတီတော် ပုံသဏ္႑ာန်
➳ ➳ ➳ ➳ ➳ ➳ ➳

စေတီတော်ကို ပစ္စယံ သုံးဆင့်ခံထား၍ သပိတ် မှောက်ထားသကဲ့သို့ တည်ထားပါတယ်

ဉာဏ်တော် ၁၀၁ တောင်
လုံးပတ် ၅၀၂ တောင် ၂ မိုက် ၄ သစ်
ရှိပါတယ်

အုပ်ချပ်ရေပေါင်း ၁၀၁၂၆၅၅၂ ဖြင့် တည်ထားသည်ဟုလည်း သိရပါတယ်

စေတီတော်ကို ကျောက်ဆီမီးတိုင် ၈၀၂ တိုင်ဖြင့် ၀န်းရံထားပြီး
မြန်မာ မွန် ရှမ်း အက္ခရာတို့ဖြင့် ဗုဒ္ဓဖြစ်တော်စဉ်များကို ရေးထွင်းပူဇော်ထားပါတယ်

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

ဒီနေရာမှာ သာမန်အငြိမ့်လူပျက်တို့ရဲ့ ဟာသ စကားလေးတစ်ခွန်းက စေတီတော် ဖြစ်စဉ်သမိုင်းကို အနည်းငယ် ညစ်နွမ်းနေးစေတာ သတိချပ်စေလိုပါတယ် ပါးစပ်ရာဇဝင်တစ်ခု သာမန် ဟာသပျက်လုံးတစ်ခုဟာ စေတီသမိုင်း တစ်ခုလုံးကို ဖုံးလွှမ်းသွားပြီး နှောင်းလာနောက်သား ညီ ညီမငယ်တို့ အမှတ်မှား အသိမှားမှာ စိုးတဲ့အတွက် အဆိုပါ ပြက်လုံးကို သိရှိစေရန် ရေးသားပေးလိုက်ပါတယ်

စေတီရဲ့ သမိုင်း အစစ်အမှန် မဟုတ်ပါ
✖✖ ✖ ✖ ✖ ✖ ✖ ✖ ✖ ✖ ✖ ✖ ✖
 ပန်းရံဆရာက စေတီတော် တည်ရာမှာ ဘယ်ပုံသဏ္႑ာန် တည်ထားရမလည်းလို့ မင်းတရားကြီးကို လာလျှောက်တင်ရာမှာ မိဖုရား သွားမေးဆိုလို့ မိဖုရားကို သွားမေးရာ မိဖုရားက ကလေးနို့တိုက်နေချိန် ပန်ရံဆရာက လာမေးရာ စိတ်မရှည်တာနဲ့ ဒီပုံစံတည်လိုက် ဆိုပြီး ရင်သားကို လှန်ပြပါသတဲ့ .
✖ ✖ ✖ ✖ ✖ ✖ ✖ ✖ ✖ ✖ ✖ ✖ ✖

သန်းထွန်းလေး
အင်းတဲရွာ
koloneypoe@gmail.com
koloneypoe.blogspot.com

သင်​းကြားမှု အ​ထောက်​အကူပြု




Thursday, May 5, 2016

ဂိုးရလဒ်ကြည့်ဖို့ မန်ယူပရိတ်သတ်များအတွက် အထူးဖန်တီးထားပါသည်

မန်​ယူပရိတ်​သတ်​များအတွက်​ပါ



မန်​ယူပရိတ်​သတ်​များအတွက်​
အထူးပါ ဂိုးရလဒ်​ကြည်​့ဖို့ apk ပါ တစ်​ခြားဖုန်​း​တွေမဖျာ​တော့ မြန်​မာမှုပြုပြင်​ဆင်​ထားတာ လက်​ခံနိုင်​​ပေမယ်​့ samsung က​တော့ အင်္ဂလိပ်​ လိုပဲရယူနိုင်​မှာပါ
ဒီမှာ​ဒေါင်​းပါ
❤❤❤❤❤❤

http://www.mediafire.com/download/47hv2s2q534hvgx/gen.apk

Wednesday, May 4, 2016

မျက်​လုံး​ရောဂါ

နံနက် ဦးခေါင်း ည ဒူးခေါင်း
[][][][][][][][][][][][][][][][]
      ဒီစာသားလေးကို ရင်နှီတာကြာပြီဗျ အဓိပ္ပါယ်​သိပ်ပေါက်တာနဲ့ မရေးဖြစ်ခဲ့တာ
     မနက်ပိုင်းရေချိုးမယ်ဆိုရင် ခေါင်းပါချိုးသင့်တယ်လို့ ဆိုပါတယ် ဒါမှ ိတစ်ကိုယ်လုံးမှာ ရှိနေတဲ့ အပူတွေဟာ ငြိမ်းအေးပြီး စိတ်လက်ကြည်လင်စေမှာပါ
      ဒီခန္ဓာမှာ သန့်ရှင်းနေဖို့နဲ့ ကျန်​းမာ​ဖို့က အင်မတန်အရေးကြီးပါတယ် ကိုယ်ကျန်းမာမှ စိတ်ချမ်းသာတယ်မဟုတ်လား ကျွန်တော်က နှားစေးလွယ်သူတစ်ယောက်ပါ ပူရင်လည်း စေးတယ် အေးရင်ကော ပန်ကာလေခံရင်ကော အိပ်ပျက်ရင်ကော ရေးချိုးမမှန်ရင်ကော နှာစေးတတ်ပါတယ် အဲ့ဒီလိုနေ့မျိုးမှာ စိတ်လက်မရွှင်ဘူးဗျာ သိပ်စိတ်ပျက်ရတယ် လူကြားထဲ နှာစေးနေမှာစိုးတော့ သိပ်မထွက်ဖြစ်တာနဲ့ လူမှုရေးမှာ ထိခိုက်ပါတယ်
     ည ဒူးခေါင်း ဆိုတာကတော့ ညအိပ်ရာမဝင်မှီမှာ ဒူခေါင်းကနေ ရေလောင်းချသင့်ပါတယ် ဒီလိုလောင်းရာမှာလည်း ၂ ခွက် ၃ ခွက်လောက်တင် မကပဲ ခါးကအပူတွေ ဆင်းပြီး အေးသွားတယ်လို့ ထင်ရတဲ့အထိ ၇ ခွက် ၈ ခွက်လောက် လောင်းသင့်ပါတယ် အသက်ကြီးသူတွေဆိုရင်တော့ ခြေထောက် သုတ်ပြီးမှအိပ်သင့်ပါတယ်
    ဒီလိုလုပ်ခြင်းအားဖြင့် မျက်ဝတ်တက်ခြင်း မျက်ချေးထွက် မျက်လုံး တိမ်သလ္လာ စွဲကပ်ခြင်းတို့မှ ကင်းဝေးစေမှာပါ
    မနက် အိပ်ရာထ မျက်နှာသစ်ပြီးတယ်ဆိုတာနဲ့ မျက်လုံးကို ရေမှာငုံ့စေပြီး ၁၀ မိနစ်လောက် ဖွင့်လိုက်ပိတ်လိုက် လုပ်သင့်ပါတယ် ဒီလိုလုပ်ခြင်းအားဖြင့် မျက်လုံးကြွက်သားတွေ ပိုမိုအားကောင်းလာစေပြီး မျက်မှန်တပ်ရသူများ ပါဝါကျဆင်းလာစေမှာပါ ပထမတော့ လုပ်နိုင်မှာမဟုတ်ပါဘူး မျက်လုံးတွေ ကျိန်းစပ်နေပါလိမ့်မယ် ဒါပေမယ့် လေ့ကျင့်ရင်ဖြစ်ပါတယ် မျက်လုံးလေးနွေးလာပြီး အပူထွက်တဲ့ ခံစားမူလေးရပြီး ကြည်လင်လာစေမှာပါ
       နေ့ခင်းပိုင်းတွေမှာ အပြင်ကပြန်လာရင် ခြေမဆေးမိစေဖို့လိုတယ်နော် ရေနွေးထည့်ထားတဲ့ ဖန်ခွက်ထဲ ရေအေးထည့်လိုက်ရင် ရုတ်တရက် ကွဲတတ်သလိုပါပဲ ရုတ်တရက် ဆိုတော့ သေဆုံးနိုင်သလို အပူရုတ်တရက် တက်လာချိန်မှာ မျက်လုံးကွယ်တတ်ပါတယ်
      ပူပြင်းတဲ့ အချိန်တွေမှာ ကလေးတွေ ရေကန်ထဲမှာ ရေဆင်းကူးတာမျိုးကိုလဲ ရှောင်ရှာစေချင်ပါတယ်
      အထူးသဖြင့်ပေါ့ သံဃာတော်တွေဟာ နံနက်ဆွမ်းခံချိန်တွေမှာ ဖိနပ်မစီးရဘူးမဟုတ်လား မြေမှာရှိတဲ့ အပူတွေဟာ ခြေဖဝါးမှတဆင့် ခန္ဓာကိုယ်ကို ဒုက္ခပေးတတ်ပါတယ် ဒါကြောင့် သံဃာတော်များ နံနက်ဆွမ်းခံ ပြန်ပြီးတာနဲ့ ခဏနားပြီး ခြေဆေးသင့်ပါတယ် ဒါမှ အပူတွေပြန်လည်ကင်းဝေးစေမှာပါ
မိုး ၉ နွေ ၈ ဆောင်း ၁၁ တဲ့ဗျာ ရေအချိုးသင့်ဆုံးအချိန်တွေပါ
     မျက်စိအဆုံး နားအရံှုးတဲ့လေ
ဒါကြောင့်ဂရုစိုက်ကြပါ ကျွန်တော်ကိုယ်တိုင်က မျက်မှန်သမားဖြစ်တဲ့အတွက် မျက်မှန်ရဲ့ ဒုက္ခကို အများအပြား ခံစားရပါတယ်
      ကျွန်တော့်ရဲ့ ဆရာတော် သံဃာတော်များနဲ့ ဆရာ ဆရာမ ညီ အစ်ကို မောင်နှမ သူငယ်ချင်းအားလုံး မျက်မှန်ဒုက္ခ ကင်းဝေးပါစေကြောင်း

       သန်းထွန်းလေး
             အင်းတဲရွာ

က​လေးငယ်​များနဲ့ သူတို့ရဲ့ သ​ဘောသဘာဝ



ဖြူစင်သော နှလုံးသားများ
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
     ပြန်သတိရမိ တွေးမိလို့ပါ ကလေးတွေဟာ ထူးဆန်းစွာ ခံစားတတ်တယ် စည်းကမ်းလိုက်နာတတ်တယ် ကွန့်မြူးတဲ့ စိတ်ကူးရှိတယ် ခွင့်လွှတ်နားလည်တတ်တယ် သည်းခံတတ်တယ် အမှားဝန်ခံတတ်တယ် ..........

ဥပမာပေါ့
       သူတို့တစ်တွေ မြင်းစီးတမ်း ဆော့ (ကစား) တဲ့အချိန်မှာ
ကလေးတစ်ယောက်ရဲ့ ခံစားမှုမှာ ထန်းလက်တွေကိုလည်း မြင်းအဖြစ် ခံစားတတ်တယ်

ဈေးဝယ်တန်း ဆော့ (ကစား) တဲ့အချိန်မှာ
သစ်ရွက်ခြောက်ကလေးတွေကိုလည်း ငါးခြောက်အဖြစ် သဲတွေကိုလည်း ဆန်အဖြစ် ရေကိုလည်း ဆီအဖြစ် စက္ကူ တွေကိုလည်း ပိုက်ဆံအဖြစ် ခံစားတတ်တယ်

  အဲ့ဒီလို ဆော့ (ကစား) နေတဲ့ အချိန်မှာ သူတို့လေးတွေရဲ့ မျက်နှာကို ကြည့်ပါ ဘယ်ကလေးမှ အထူးသရုပ်ဆောင်နေကြရတာမဟုတ်ဘူး မျက်နှာထားကလေးတွေကလည်း တည်တယ် မြင်စီးတဲ့ ကလေးငယ်ဟာ မြင်းစီးသမားတစ်ယောက်အသွင် မျက်နှာထားတည်ပြီး မြင်းရဲ့ ခွာသံကိုတောင် နှုတ်က စီးချက်ကျကျ လိုက်ရွတ်တယ် ဇက်ကျိုးသတ်တာတွေ မြင်းရပ်တာတွေ မောလို့ ရေတိုက်တာတွေ အဲ့ဒီလို အသေးစိတ်တွေကအစပေါ့
  ဈေးဝယ်ရာမှာလည်း ဆန်ဝယ်တယ်ဆိုပါတော့ ဒါလေးက ဘယ်ဈေးလည်းရှင် ဟင်များလိုက်တာတော် ဟိုဘက်ဆိုင်မှာ ဘယ်ဈေးပဲရှိတယ်တော့ နည်းနည်းလောက်လျော့ပါအုံး ဆိုင်ရှင်လုပ်တဲ့ ကလေးကလည်း ဘယ်ခေမတုံးဗျ မလုပ်ပါနဲ့ရှင် အရင်းကိုက ဘယ်လောက်ရှိပါတယ် ဒီဆန်တွေက အကောင်းစားတွေရှင် စမ်းယူသွားပါရှင် မကြိုက်ရင် နှစ်ဆပြန်ပေးပါ့မယ်
ဒီလို စကားတွေပြောနေချိန်မှာ သူတို့ရဲ့ မျက်နှာဟာ တယ်ကယ့် ဈေးဝယ်သူ ရောင်းသူတွေလိုပါပဲ တကူးတက ဟန်လုပ်နေရတာ မဟုတ်ပါဘူး
 
သူတို့ဟာ သဘာဝရဲ့ သဘောစရိုက် သဘာဝတွေကို ခံစားတတ်ပါတယ် စကားလုံးလှဖို့ ရွေးချယ်မသုံးဘူး စရိုက်နဲ့ လိုက်မယ့် စကားလုံးတွေပဲသုံးတာပါ

ဥပမာ
ဓားပြ တိုက်တမ်း ကစားတဲ့ ကလေးတွေဟာ အိမ်ရှင်ဘယ်မှာလဲ ထွက်ခဲ့စမ်း ရှိတာအကုန်ထုတ် စတဲ့ ဓားပြ တစ်ယောက်ရဲ့ စကား စရိုက် အသွင်အမူအရာ အားလုံးကို ထပ်တူ ဟန်ပြုလုပ် ကြပါတယ် ဘယ်သူမှ မေတ္တာသဘောနဲ့ ချစ်စွာသော အိမ်ရှင်လေးရယ် မင်းရဲ့ အိမ်တခါးသော့လေးကို ဖွင့်လိုက်ပါနော် မဖွင့်ရင် ဟော့်ဒီ မဟူရာ သေနတ်ထဲက ငွေရောင် ခဲပွင့်လေးတွေက မင်းရဲ့ နှဖူးမှာ ပတ္တမြားရောင် သွေးစလေးတွေ နေမင်းလို ဖြားစင်းသွားလိမ့်မယ် လို့ ဓားပြတစ်ယောက်ရဲ့ စရိုက်နဲ့ မညီ ထပ်တူမကျတဲ့ စကားလုံးတွေ မျက်နှာစပ်ဖြဲဖြဲတွေ ဘယ်ကလေးမှ မလုပ်ပါဘူး
ဒါက သူတို့လေးတွေရဲ့ ဇာတ်ကောင် စရိုက် သဘောသဘာဝအပေါ် ခံစားမှုပါ

ဘောလုံးကန်ကြတဲ့ အချိန်မှာ ဖိနပ်နှစ်ဖက်ချပြီး ဂိုးအဖြစ်သတ်မှတ်တယ် ဘယ်ကလေးမှ အဲ့ဒီ ဖိနပ်နှစ်ဖက်ကြားထဲ မဝင်တဲ့ ဘောလုံးကို ဂိုးလို့မအော်ဘူး ဘယ်နေရာရောက်ရင် အောက်တယ်လို့ သူတို့သတ်မှတ်တယ် သတ်မှတ်ထားတဲ့ စည်းအပြင်ရောက်ရင် ဘယ်ကလေးမှ ထပ်မကန်တော့ဘူး ဂိုးဖမ်းတဲ့ ကလေးရဲ့ လွဲချော်မှုကြောင့် ဂိုးသွားတယ် ဆိုပါစို့ ဝိုင်းပြောကြရင် ဂိုသမားကလေးက နောက်မဖြစ်ရပါဘူးကွာ မင်းကလဲ ဒီလိုပြောပြီး ဆက်ကန်ကြတယ် ဝေဖန်ခံနိုင်တယ်ပေါ့

သူတို့ဟာ အဖြေမရှိတဲ့ မေးခွန်းတွေမေးတတ်တယ်
သူတို့ဟာ လူကြီးတွေရဲ့ အသိအမှတ်ပြုမှုကို ခံချင်ကြတယ်
သူတို့ဟာ နွေးထွေးမှုကို လိုခြင်ကြတယ်
သူတို့ဟာ လွတ်လပ်မှုကို မြတ်နိုးတတ်တယ်
သူတို့ဟာ အရာရာကို စူးစမ်းချင်တယ်
သူတို့ဟာ တာမြစ်ထားတာလေးတွေကို စမ်းသပ်ကြည့်ချင်ကြတယ်
သူတို့ဟာ...............
သူတို့ဟာ................
သူတို်ဟာ.................

သန်းထွန်းလေး (အင်းတဲရွာ)

ရုပ်သေးပွဲသွားရအောင်

  ရုပ်သေးပွဲသွားရအောင် Https://youtube.com/@thantunlayinde  ရေး-ကန်မြဲကိုအေးကျော် ဆို-ခင်အုန်းမြင့်လေး .. ပင်ခေါင်တိုင် သပြေကိုင်းနဲ့ နေမှို...